Lʉkas 24:27 - Kálara Zyɛ̌m Edwán é mpʉ̌n

²⁷ Nye ze taare lé epɛʼle sa yiyɛh bé a tile é Kalara Zyɛm, tiibe e nye e, taare é l'okalara o motie Moyiz a tile e, to pyal é sikʉlʉ ogwiha o mɨlɔb bé a dwe e.

Kálar Nzyɛ̌m : Ejwán é Sáá

²⁷ Nye nzě nyɛl épâʼlǎ sá yɨ́yɛ̂h yé á be cɛmá ɨ́ Mekaná mé Nzyɛ̌m, dumo e né yɨ́, táare lɨ́ mekaná mé Moyɨ̂z, kumo e maá ógwíha o mílɔ̌b bé, bé á cɛma má.

Lʉkas 24:27 ပူးပေါင်းရင်းမြစ်များ

Lʉkas 24:44

Nye ze lɛɛ e be ó: «Bɨsyɛɛla bi, byé ó byaa me a bɛa lɛɛ bɨn ó, byé ósyɛɛlɨ ɨ. Bɨna dina lé ekœʼ ga sama, me a bal bɨn ó, sa yiyɛh, yé ósyɛɛ lé edira mɨlɔɔ ndɨ tila é l'okalara o motie Moyiz a tile e, e sikʉlʉ ogwiha o mɨlɔb bé a dwe e, ndwe e Kalara OSam, tiibe e me e.»

Mɨlʉmlʉ 10:43

Nye ó mʉr lɔb we ndɨ tila é l'okalara be ogwiha o mɨlɔb bɨbɛh ɛ. Bé a lɛɛ-lɛɛ ó, mʉr nyiwɛh ójyɛʼ taa buʼo ye boo nye e, Zyɛm ópɛʼ bɨbaa nye lé eniʼe é lɔb mɨsyem mye e. Nye ósa no ó, ebe die mo Yesʉs.»

Yʉanes 5:39

Bɨn bé egba monyʉl lé ejwɨʼ Kalara Zyɛm é dwiii, bɨn lé ebee ó, tɨʼ ó bɨn bé óbi tiʼ molu mo mpoʼ mɨmɛh ɛ. To kœb ó, Kalara Zyɛm ngwar e ngwar waa ó ndɨ eboʼlo é lɔb wam!

Yʉanes 1:45

Pie tɨ, Filip ze to bee Natanaɛl. Nye e nye ó: «Bɨh bɨ bee mʉr lɔb we ndɨ tila é motie mo Moyiz, waa ogwiha o mɨlɔb, bé a tile, tiibe e nye e! Mʉr waa, nye ó Yesʉs, mwan mo Yoseb, mʉr Nazarɛt!»

Lʉkas 24:25

No ó Yesʉs a ze lɛɛ e be ó: «Bɨn bʉr o mosono ndɨ luʼo pɨʼ ɨ, alɨ buʼla lɔɔ ogwiha o mɨlɔb, bé a lɛɛ ɛ.

Mɨlʉmlʉ 7:37

«Moyiz waa nteme ó b'a lɛɛ e bwa b'Ɨzraɛl ó: “Zyɛm, nye ólomlo bɨn ngwiha mɨlɔb mpʉ mo me, lé epɛh é l'esama le obɨɔ bɨn tʉŋlʉ.”

Mɨlʉmlʉ 3:24

«Taare é Samuɛl, to pyal é l'ogwiha o mɨlɔb bɨbɛh, bim bé a lwib ɨ, bé a lwib-lwib ó, tiibe e bɨsa lé esyɛɛlɨ é molu maʼ ɛ.

Mɨlʉmlʉ 3:22

Moyiz a lɛɛ ó: “Da Zyɛm win, nye ólomlo bɨn ngwiha mɨlɔb mpʉ mo me, lé epɛh é l'esama le obɨɔ bɨn tʉŋlʉ. Nye óbe ó mʉr kul ga yina. Sa yiyɛh nye ólɛɛ bɨn ɨ, bɨn bé à sa ye.

Mɨngwiha 19:10

Jɔʼ me a joʼo no e, me ntɔʼ bɨʼ mpom wam si é mih me, lé edwiibɨ nye. Nye ze lɛɛ e me ó: «Daʼ sa no. Bɨna bé ó bʉr o ndɨ é l'empomo e syɛɛ egwar ɨ. Me ó mpʉ obɨɔ bo ndwe e l'okɛl bo ndɨ eboʼlo é lɔb mo Yesʉs ɨ. Dweʼ kum njɨ Zyɛm, ebe, ngwiha mɨlɔb nyiwɛh, nye eboʼlo ó, njɨ lɔb mo Yesʉs.»

Markus 4:34

É jɔʼ bé e bʉr bɨbɛh, bé a be-be sama ɛ, nye a lwib-lwib ó, é zi bɨkɨkɛna. Nye a baalwib e be é zi fih. To kœb ó, é jɔʼ bé e l'ompʉn be, bé a ka be bé ome e, nye a lwib-lwib ó, pɛʼle mokan.

Yʉanes 5:37

Ndwe nteme, Sɔŋ wam, mʉr a ntɨh me e, nye mʉr tɨʼ a be ó si boʼlo é lɔb wam. Bɨn bé apa joʼo twii we, nkʉ bee mpʉ nye lé enyin ɨ.

Yʉanes 12:41

Ezayi a lwib no ó, é jɔʼ nye a bee moncɛnba mo Lœma mulo mo Zyɛm ɨ. No ó nye a lwib-lwib é lɔb we e.

Mɨlʉmlʉ 3:18

To kœb ó, é mbi nɨ ó Zyɛm a bir ó, bʉr saʼ syɛɛla ebebe nye a bɛa lɛɛ ó, bé ósa ɛ. Yé ntɔʼ syɛɛ no ó, lé edira mɨlɔɔ nye a bɛa lɛɛ é mɨnʉm mɨ ogwiha o mɨlɔb be ó, Lœma mulo mo Zyɛm ósia e mɨtuu no, nye ntɔʼ dwè.

Mɨlʉmlʉ 8:35

No ó Filip a ze nʉa lwib, ze lɛɛ nye Mbɨambɨa Lɔɔ lé etiibe e Yesʉs ɨ, taare é peh Kalara Zyɛm gwar e gwar yaa.