Lʉkas 24:19 - Kálara Zyɛ̌m Edwán é mpʉ̌n

¹⁹ Yesʉs ntɔʼ dî e be ó: «Yé ba syɛɛ gʉʼ ɨ?» Bé ntɔʼ bɨha e nye ó: «Lɔb mo Yesʉs, mʉr Nazarɛt ó bɨh lé elwib wi. Nye be ó ngwiha mɨlɔb wih, e nkul nɨnɨ é bɨlwib bye ndwe e bɨsyɛɛla nye dɨ sa ɛ. Dam be Zyɛm, nkʉ nteme bʉr, bé a si bee no, bɨbɛh.

Kálar Nzyɛ̌m : Ejwán é Sáá

¹⁹ Yésʉs ntɔ̂ʼ dî e bé ó: «Yê ba syɛ́ɛ́ gʉ̂?» Bé ntɔ̂ʼ yala e né ó: «Bɨ̌h lwib ó, sá dí edumo e Yésʉs, mʉr Nazarɛ̂t yɨ́. Nye á be ó ngwíha milɔ̌b mé Nzyɛ̌m. Nye á be ó, le ánɨ̂nɨ̂n nkul ɨ́ melab mé le ɨ́ bisyɛ́ɛla nyé á sɨsâ bí. Damá jóʼǒ Nzyɛ̌m, nkʉ̂ ntémé bʉr, bé á si bee nó, bɨ́bɛ̂h.

Lʉkas 24:19 ပူးပေါင်းရင်းမြစ်များ

Mataos 21:11

No ntuntuma bʉr, yé a bɨha e be ó: «Yé ó Yesʉs, ngwiha mɨlɔb, mʉr nkana Nazarɛt, é lal Galɨle!»

Mɨlʉmlʉ 7:22

No ó bé a yeʼle Moyiz ocyoo wiwɛh bʉr o b'Egipten bé a be e we e. Nye a be ó e nkul, nkul waa lé enyin é mokan nye a lɛɛ ɛ, le bɨsyɛɛla nye a sa ɛ.

Mɨlʉmlʉ 2:22

«Mbɛngɛɛ! Bɨn bwa b'Ɨzraɛl ɔɔ! Zyɛm a be ó si bɨlan e Yesʉs, mʉr Nazarɛt, lé esa mosima e bɨsa bɨ jehe ndwe e bɨdweʼle bɨ nkul we é mih mɨn. Zyɛm a sa bɨsyɛɛla byaa é mobo me no ó, nye nkʉʼ lɛʼle bɨn mbi mʉr Yesʉs a be e. Bɨn bé ekʉ gʉa no.

Yʉanes 6:14

Ebe no, é jɔʼ bʉr, bé a bee dweʼle nkul Yesʉs a sa ɛ, bé ntɔʼ lɛɔ ó: «E! Mʉr nwa, nye ó bana kʉ be ngwiha mɨlɔb cyecye, waa a jala le eze kaʼ é si nwaʼ ɛ!»

Yʉanes 4:19

Mʉma, nye e nye ó: «Da, go ó kʉ be ngwiha mɨlɔb! Mɨ bee no.

Yʉanes 3:2

Nye a si ze pyal boo Yesʉs é pum. Nye e nye ó: «Yeʼle, bɨh bé egʉa ó, go ó yeʼle Zyɛm a ntɨh, lé eze yeʼle bɨh ɨ, ebe, nkʉ Zyɛm, nye abe e mʉr, mʉr waa, nye abe e nkul esa bɨdweʼle bɨ nkul mbi go lé esa ɛ.»

Lʉkas 7:16

Bʉr bɨbɛh ze joʼo bʉa. Bé ntɔʼ dwe Zyɛm kum. Bé ó: «Sa nɨnɨ ngwiha mɨlɔb, yi pyal é bɨna ga!» Lɛɔ nteme ó: «Zyɛm, nyi ze gba kul bʉr ye nkul é monyʉl!»

Mɨlʉmlʉ 10:38

Bɨn bé egʉa nteme mpʉ Zyɛm a lœm Yesʉs, mʉr Nazarɛt, Sisim we, le edwe nye nkul nɨnɨ ɨ. Bɨn bé egʉa nteme, mpʉ Yesʉs a kœʼ mɨlal e mɨlal, lé eto le esa embɨa, le etiʼ baa bé a sia e Njwɨɨ moleme e, ebe, bé e Zyɛm ó b'a be.

Yʉanes 7:52

Bé ze bula dî e nye ó: «Zê go nteme, go ó mʉr Galɨle ɛ? Pahla Kalara Zyɛm. Go óbee ó, abe e ngwiha mɨlɔb ngwar lé eduho Galɨle.» [

Markus 1:24

«Hɛɛya! Yesʉs, mʉr Nazarɛt, bɨna e go bé e wáa lɔb? Zê go ze ó, ze sil bɨh ɛ? Mɨ dweʼe go! Go ó Mʉr mo Zyɛm ndɨ ti ɨ!»

Lʉkas 24:18

Nuu mʉr tɨʼ a be die, Kleopas ɨ, ze bɨha e nye ó: «Wáa wɛɛ nɨ? Zê go ó njyoo wâʼ ɨ Yerʉsalɛm é l'efu ó, go jeʼa sa lé esyɛɛlɨ é molu maʼ ɛ?»