Lʉkas 22:69 - Kálara Zyɛ̌m Edwán é mpʉ̌n

⁶⁹ Dam be no, pie jɔʼ yi, Mwan mo Mʉr óka nyin ó “ndindil é nko paʼ mbo ejʉm mo Zyɛm Nkul nyiwɛh.”»

Kálar Nzyɛ̌m : Ejwán é Sáá

⁶⁹ Damá jóʼo nó, mě lɛ́ɛ́ bɨ́n ó: táare ɨ́ báánâ, Mwân mé Mʉr ódi ndîndǐl ɨ́ mbó éjʉ́m mé Nzyɛ̌m nkul nyɨnyɛ̂h.»

Lʉkas 22:69 ပူးပေါင်းရင်းမြစ်များ

Ebrœ̂ 1:3

Moncɛnba mo Zyɛm, mé enyin ó, é nye. Nye ó ndɨ gulo lé elɛʼle mpʉ Zyɛm nye mʉr tɨʼ ndɨ ɨ. Nye ebaʼle si nwaʼ nyiwɛh ó, é zi lwib ye ndɨ e nkul ɨ. Nye a si dib zi epubo bʉr é lɔb mɨsyem myɔɔ. Nye ze to é jobo kʉ, to di si é mbo ejʉm mo waa ndɨ e mojwɨ̀ʼa monɨnɨ é jobo kʉ ɨ.

Markus 16:19

No ó, é jɔʼ Da Yesʉs a be, nye osi lwib e be no e, nye ze bɨnɔ é jobo kʉ, ntɔʼ to nʉa dia ye é mbo ejʉm mo Zyɛm Sɔŋ.

Markus 14:62

Yesʉs ntɔʼ bɨha e nye ó: «Nɔɔɔ, me ó nye! Bɨn bé óbee Mwan mo Mʉr ndindil é nko paʼ mbo ejʉm mo Zyɛm Nkul nyiwɛh. Bɨn bé óbee nye lé eze é nkur tʉŋlʉ.»

Mataos 26:64

Yesʉs ntɔʼ bɨha e nye ó: «Yé ó mpʉ go lɛɛ nɨ. Me elɛɛ bɨn, pie jɔʼ yi, bɨn bé óbee Mwan mo Mʉr, “ndindil é nko paʼ mbo ejʉm mo Zyɛm Nkul nyiwɛh”. Bɨn bé óbee nye lé eze é nkur tʉŋlʉ.»

Mataos 22:44

Da a lɛɛ e Tî wam ó: “Diʼe si é nko paʼ mbo ejʉm wam, to pyal é jɔʼ me ósa bʉr o dɔm bo ó, bé diʼe cyela mokʉ yo e!”

Mɨngwiha 22:1

No ó, engles waa ze lɛʼle me dibe. Modibe mo tiʼ, mé a be ó lé egʉ é sʉm dibe waa, modibe mo tɨʼ é ncyɛh-ncyɛh, mpʉ la. Dibe yaa, yé a gʉ sʉm ó, lé etaare é dia taʼa mo Zyɛm bé e Ma Ntœme,

Mɨngwiha 3:21

Mʉr óbe si ntaa, bula e l'esaa é koo e, me ódwe nye nkul ó, bɨh e nɔɔ baʼra lé edi é dia taʼa yam, ebe, mɛm nteme, me a si ntaa, bula e lam esaa é koo, me ntɔʼ nʉa dia kunokuno e Sɔŋ wam é dia taʼa ye.

1 Pyɛr 3:22

Nye a si bere é jobo kʉ. Nye mu ó é mbo ejʉm mo Zyɛm Sɔŋ, gumo nye lé ejwɨʼ beengles, le mɨsisim ndɨ e mojwɨ̀ʼa ndwe e myaa ndɨ e nkul ɨ.

Ebrœ̂ 12:2

Mih ga mɨna, mé dwɛʼa sɔʼɔ, njɨ Yesʉs, ebe, nye ó etin e buʼo ga yina. Nye nteme ó b'a sa ó, buʼo ga yina diʼe é l'ombɨmbɨa é mɨpaʼ mimyɛh. Nye a mɛʼle ó, nye sia e mɨtuu, bé jʉʼo nye, lé ecyèl nye é klos kʉ. Nye a si pyeh fwon mʉr lé ebi é mbi efie laa ɛ. Nye a fuo mɛʼle ó, nye dwèʼ no ó, nye nkʉʼ bi bɨsʉhʉ Zyɛm a bɛa komo nye e. Banana, nye mu ó si é die é mbo ejʉm mo Zyɛm Sɔŋ, mʉr ndɨ é dia taʼa ɛ.

Ebrœ̂ 8:1

Lʉ ekan é bɨsa bɨh lé elɛɛ bɨn ɨ, wé ó wi: bɨna ga bé ó e mbi njwɨɨ opara waa, ndɨ e nkul eloŋlo syɛɛ yaa yiyɛh ɛ. Nye ó ndindil é mbo ejʉm mo waa ndɨ e mojwɨ̀ʼa monɨnɨ é jobo kʉ ɨ.

Kolosi 3:1

Ebe no, é mpʉ bɨn e boo Krɨst mu ó si pɛ̀hɔ é mofoo e, gʉŋa ga ó, bɨn bé ejala le esaa bɨsa ndɨ é jobo kʉ ɨ. Byé ó é gumo Krɨst lé edi é mbo ejʉm mo Zyɛm ɨ.

Rôm 8:34

Zé óláa mɨpɛha mɨ bʉr be bɨbaa bɨ ebebe, le ekab be bɨntɨʼa bɨ tɨ? Abe e mʉr! Yesʉs-Krɨst a si dwè, jala e bɨna ga. Yé abe njɨ no. Nye a si pàh, to é dia taʼa, é mbo ejʉm mo Zyɛm Sɔŋ. Nye mu nteme ó mʉr ndɨ esa mɨnjwɨʼla é l'efu ga lɨna ɛ.

Lʉkas 22:68

ǃMe si bula dî bɨn tia nɛʼɛ, bɨn bé aŋa bɨha me nya.