Lʉkas 22:41 - Kálara Zyɛ̌m Edwán é mpʉ̌n

⁴¹ No ó nye a liʼe be, ze to ba dolo, cye mʉr ndɨ e nkul eguho ebaale e. Nye ntɔʼ kur moboo si, sa mɨnjwɨʼla.

Kálar Nzyɛ̌m : Ejwán é Sáá

⁴¹ Nó nyé á líʼe bê, nzě bá tô dóló, tyé mʉ̂r dí e nkul eguho ébaalé yɨ́. Nye ntɔ̂ʼ bɨʼ mébóó sí, jɨʼla e Nzyɛ̌m.

Lʉkas 22:41 ပူးပေါင်းရင်းမြစ်များ

Mataos 26:39

Nye ze to ba dolo, ntɔʼ bɨʼ mpom we si, ze sa mɨnjwɨʼla. Nye e nye ó: «Da, ǃyé óbana nɛʼɛ, bele mɨtuu yiʼ dwɛha e me. Sa gwar, yé l'ayi be mpʉ me lé egwɨm ɨ, njɨ mpʉ go lé egwɨm ɨ.»

Markus 14:35

Nye ze to ba dolo, ntɔʼ nkaŋa si, sa mɨnjwɨʼla ó: «Nkʉ yé óbɛm bana, bɨh e l'ewala lɨ, bé dwɛha.»

Lʉkas 18:11

Farizyɛŋ waa ntɔʼ cyɛb, ze taare lé ejwɨʼla é leme we tʉŋlʉ é mbi wi: “Zyoo e Da Zyɛm, ebe, me abe mpʉ bʉʉ bʉr. Baʼ, bé edɛʼ bɨmɔn byoonkan; bʉʉ, bé ekœʼ é l'ozyɛhozyɛh; bʉʉ nteme, osyɛl o bɨmala. Me edwe go ekiba tɨ, ebe, me abe mpʉ nwɨa tœa nwa.

Lʉkas 18:13

Sa gwar, nwɨa tœa a cyɛb ó pɨnʉ. Nye a baakpɛl bɨn ba mih kʉ. Nye a kɛl ó njɨ mobo é lʉ, lé elɛɛ ó: “Da Zyɛm, saʼ ó, empime lo, lé tala é l'efu lam, ebe, me ó syɛl mɨsyem.”»

Mɨlʉmlʉ 7:60

Nye ntɔʼ ze kur moboo si, ntɔʼ lwib lé eyɨm twii ó: «Da, aniʼe be baa é lɔb syem wi.» Jɨh tɨʼ nye a kʉ lɛɛ ekan laa, nye ntɔʼ fil mɨswɨh mɨ epihe.

Mɨlʉmlʉ 9:40

No ó, Pyɛr ntɔʼ pyɛl bʉr bɨbɛh kʉl, kur moboo si, ze jwɨʼla e Zyɛm. Nye ntɔʼ dwibra nko muu, wé a be e, ze lɛɛ ó: «Tabita! Mʉŋa si.» Nye ntɔʼ bɛɛ mih, bee Pyɛr, ntɔʼ di ndindil!

Mɨlʉmlʉ 20:36

Jɔʼ nye a sil lwib no e, bé e bʉr baa bɨbɛh ze kur moboo si, nye ze jwɨʼla e Zyɛm é l'efu lɔɔ.

Mɨlʉmlʉ 21:5

Dam be no, é jɔʼ sono ntinɨ bɨh e boo nɔɔ, bé a di ɨ, a be, nye mu si laa ɛ, bɨh ze mʉa, to e cyen yih dolo. Bɨbɛh ze liʼle bɨh, taare é l'ompʉn o bʉrʉm, to pyal é baa o bʉba, bé e bwan bɔɔ, to bɔma e bɨh é l'odumo o nkana. Bɨh ze kur moboo si é l'ebʉm e maŋ, lé ejwɨʼla e Zyɛm.

Ebrœ̂ 5:7

Jyɛm Yesʉs a tiʼe é si nwaʼ ɛ, nye a be-be lé ejwɨʼla e waa a be e nkul epɛʼ nye é l'efie e. Nye a si bʉ tim, jɨ kʉ kʉ, lé eto le edî le ejaʼ Zyɛm ngula. Zyɛm nyɛɛ ntɔʼ joʼo nye é lɔb mojoʼo Yesʉs a sa nye e.