Lʉkas 22:32 - Kálara Zyɛ̌m Edwán é mpʉ̌n

³² Sa gwar, me a si jwɨʼla e Zyɛm é l'efu lo, ó buʼo yo, yé beʼ l'akur. É jɔʼ nye ósa no e, ǃgo nteme bâʼle ze boo me nɛʼɛ, go à gba obɨɔ bo nkul é monyʉl.»

Kálar Nzyɛ̌m : Ejwán é Sáá

³² Sâ gwár, me á si jɨʼla e Nzyɛ̌m lɨ́ esú lô, ó búʼó yô, yé sá akur. Jɔʼ nyé ósâ nó, go ntémé sí báʼǎ nze kwá nyǎm yɨ́, go e súʼó bɨ́ɔɔ́ bô bibúʼó byɔ́ɔ́!»

Lʉkas 22:32 ပူးပေါင်းရင်းမြစ်များ

Rôm 8:34

Zé óláa mɨpɛha mɨ bʉr be bɨbaa bɨ ebebe, le ekab be bɨntɨʼa bɨ tɨ? Abe e mʉr! Yesʉs-Krɨst a si dwè, jala e bɨna ga. Yé abe njɨ no. Nye a si pàh, to é dia taʼa, é mbo ejʉm mo Zyɛm Sɔŋ. Nye mu nteme ó mʉr ndɨ esa mɨnjwɨʼla é l'efu ga lɨna ɛ.

Ebrœ̂ 7:25

Ebe no, bʉr o ngo dihle kunokuno e Zyɛm dumo e nye e, nye e nkul edwe be tiʼ molu mo mpoʼ mɨmɛh. Nye ekʉ pɛʼ mobebe mɔɔ mɨmɛh. Mpʉ nye lé edi njʉmdia e njʉmdia ɛ, no nteme ó nye ndɨ e nkul esa Zyɛm mɨnjwɨʼla é l'efu lɔɔ é jɔʼ yiyɛh ɛ.

2 Pyɛr 3:14

Ebe no, obɨɔ o kpɛl bam aa! É mpʉ bɨna mu lé eka bono ga moho waa ɛ, nye ókœb bɨn nyá ɛ? Gbaʼ ga monyʉl lé edi abe e l'ebar, nkʉ ebebe bé a ngbaa nwahle bɨn e la ɛ. Diʼe ga é motala é jɔʼ nye óbula ɛ.

1 Pyɛr 1:5

Zyɛm mu ó lé ebaʼle bɨtiʼ bin e nkul we é zi buʼo. Nye ebaʼle bɨn no ó, é l'efu le edwe bɨn tiʼ molu mo mpoʼ mɨmɛh ndɨ ebono bɨn zi dolo e. Nye ólɛʼle bʉr bɨbɛh ya ó, é l'esie e mbi jɔʼ yi.

Lʉkas 8:13

Mʉʉ mompœʼ, mé a kur ó, é bwah yé a be é bah ekoʼ kʉ ɨ, sa nɨ lé edweʼle bʉr o b'a joʼo lɔɔ Zyɛm e bɨsʉhʉ é jɔʼ bé a jà we e. Sa gwar, bé a baadib lɔɔ waa zi ó, wé niʼe be é mɨleme tʉŋlʉ. Bé a kʉ ka buʼla we ó njɨ é ma jɔʼ, bʉr, bé ze tíile be é lɔb buʼo yɔɔ, bé ntɔʼ kaŋa e lɔɔ waa.

Mɨlʉmlʉ 3:19

No ó, gwɨma ga mobebe mɨn. Bɨn bé à dwibra nko Zyɛm ndɨ ɨ, nye nkʉʼ pɛʼ bɨbaa bɨ ebebe nye a niʼe é lɔb mɨsyem min ɨ.

1 Pyɛr 1:13

Ebe no, pila ga monkwan. Gbaʼ ga lʉ lé ejwɨʼ lɔɔ waa. Gʉa mɛr ga mɨleme. Mɨleme min, myé beʼ lwɨŋla e mbɛla. Buʼla ga syɛɛla ncwɨncwɨa yé ósaŋɔ bɨn é jɔʼ Yesʉs-Krɨst óbâʼle nyin ɨ.

Ebrœ̂ 12:15

Diʼe ga ncye, ó mʉr ayi fib nkɔb é leme ncwɨncwɨa mo Zyɛm. Kaale lɨ ndɨ é dwie dwie e, bɨntoʼdu, byé amu pah, lé eduho tɨ. Byé óka lœʼ buobuo bʉr é mih mo Zyɛm.

Mataos 18:3

«Me elɛɛ bɨn cyecye ó nɛɛ: ǃbɨn bé adwir mɨleme, bâʼle di mpʉ bwɔɔncyom nɛʼɛ, bɨn bé ákwoʼ ni é jwɨ̀ʼa mo Da.

1 Yʉanes 2:19

Bʉr baa, bé a si kaŋa e Krɨst, mʉa é l'esama ga lɨna, toŋɔ kʉl. Bé a baabe yɛɛ obɨɔ ga bɨna. Nkʉ bé a be ó be, be bʉr be esama ga lɨna nɛʼɛ, mpa bɨna ga e boo nɔɔ, bé dina ó sama, ze pyal é muh é dobo lɨ. To kœb ó, yé a kʉ jala ó, bé laŋa, to yɔɔ, yé nkʉʼ nyin é kpɛŋlɛm ó, abe e mʉr é sama yɔɔ a be é zyɛŋa ga wina.

Yʉanes 14:19

Yi liʼ ba titia: bʉr o ndɨ egumo e si nwaʼ ɛ, bé aŋa ka bee me. Sa gwar, bɨn bɛɛ, bé ókʉ bee me. Bɨn nteme, bé óbi tiʼ molu mo mpoʼ mɨmɛh ebe tiʼ me ndɨ e ye e.

Markus 14:72

Cye e cye yaa, zʉm kuo ntɔʼ kwaʼle é jɔʼ mba, Pyɛr ntɔʼ toŋlo sa Yesʉs a lɛɛ e nye ó: «Zʉm kuo l'apa kwaʼle zɔʼ ba, go ókɛla bɨjɔʼ bɨlɛl ó, go agʉa me» ɨ. Nye ntɔʼ tʉl e l'edwe.

Markus 16:7

Toʼ, to lɛɛ ga ompʉn be, bé e boo Pyɛr ó, nyi samle, lé eto bono bɨn ɨ Galɨle! Gʉʼ ó bɨn bé óbee nye é mpʉ nye a bɛa lɛɛ bɨn ɨ!»

Mataos 26:75

Pyɛr ze toŋlo sa Yesʉs a lɛɛ e nye ó: «Zʉm kuo l'apa kwaʼle, go ókɛla bɨjɔʼ bɨlɛl ó, go agʉa me.» Nye ntɔʼ pyal kʉl, ntɔʼ tʉl e l'edwe.

1 Pyɛr 1:1

Mɛm, Pyɛr, lʉmlʉ mo Yesʉs-Krɨst ó lé etile bɨn kalara nwa. Me etile ó, bʉr o Zyɛm a pɛh, baa mu ojyoo, mu si myɛʼa, jala lal Pɔŋtos bé e waa Galat, e waa Kapadosia, ndwe e waa Azia, ka kɛl waa Bitini ɨ.

Rôm 8:32

Zyɛm nyɛɛ a baakamle e Mwan we. Nye a dwe tiʼ Mwan we ó, é ziila e bɨna ga bɨbɛh. Zyɛm pa taare dwe bɨna ga Mwan we, a dwɛʼra e bɨsa bɨfih bibyɛh! Nye óbana dwe bɨna ga bya nteme, mpʉ nye a taare dwe bɨna ga Mwan we e.

Títos 1:1

Mɛm Pol, syɛl mosa mo Zyɛm, ndwe e lʉmlʉ mo Yesʉs-Krɨst ó lé etile go kalara nwa. Me esea syɛɛ yaa é l'efu e bʉr o Zyɛm a pɛh ɛ, ó me gbaʼ be nkul é monyʉl, ó bé jyɛʼɛ taa buʼo yɔɔ boo Zyɛm. Me elɛʼle be ocyecye ndɨ esa ó, mʉr dwaaba Zyɛm ɨ.

2 Timotɛ 2:18

Bé a gʉmla ó, é bebebebe zi, bé osi gwaʼ lé eka buʼla ocyecye. Bé elɛɛ ó, Zyɛm, nyi bɛa pɛ̀h bʉr é mofoo. Lɔɔ wɔɔ waa, wi sa ó, bʉʉ obuʼla, bé duma é nko paʼ buʼo yɔɔ.