Lʉkas 22:19 - Kálara Zyɛ̌m Edwán é mpʉ̌n

¹⁹ Nye ze nʉa bler, ntɔʼ dwe Zyɛm ekiba é lɔb we, ze pɛ̂ʼ ye bɨpeh, dwe be bya. Nye e be ó: «Nyʉl wam ó nwa, waa mu si dweŋɔ, jala e bɨn ɨ. Bɨn bé óto le esa syɛɛla yiʼ bɨjɔʼ bibyɛh, lé etoŋlo me.»

Kálar Nzyɛ̌m : Ejwán é Sáá

¹⁹ Nye ntɔ̂ʼ nʉǎ blêr, báʼǎ dwě Nzyɛ̌m nzyǒo, nzě pɛ̂ʼ yé bipêh bipêh, kab bé byǎ. Nye e bé ó: «Blêr yɨ̂, yé ó nyʉ̂l nyǎm mû sí dweŋɔɔ lɨ́ esú lɨ́n nyɨ́. Bɨ̌n bé ótô le esɨ̂sǎ syɛ́ɛla yɨ̂ʼ bijɔʼ bíbyɛ̂h, le esîsimsa mé tɨ̂.»

Lʉkas 22:19 ပူးပေါင်းရင်းမြစ်များ

1 Korɛnt 10:16

Bele monwoʼ ga yina, yé nyá ɛ? Yé ó bɨna ga zi Zyɛm lé esʉ bɨna ga mocyɛʼ mo mpom me tɨʼ ɨ. Bɨna bé edwe ga nye ekiba é lɔb bele yaa. É jɔʼ bɨna mu lé enyʉl ga monwoʼ mo tɨʼ ɨ, bɨna bé esyɛŋa ga lé enʉa nkɔb é motié mo Krɨst. Bler bɨna lé epɛ̂ʼla ga é jɔʼ bɨna mu lé ede ga ɛ, tɨʼ ó bɨna lé esyɛŋa ga lé enʉa nkɔb é nyʉl mo Krɨst ɨ.

Lʉkas 22:20

Jwɨʼ gwar yaa, é jɔʼ bé a sil de e, nye ntɔʼ bâʼle dwe be bele monwoʼ mo rezɛŋ. Nye ó: «Bele monwoʼ yi, yé elɛʼle edwan e mpʉn Zyɛm lé ede e bʉr é zi motié mam, maa lé eswɨɨ si ebe bɨn ɨ.

1 Korɛnt 10:4

bɨbɛh nyʉlɔ modibe mompwar Mbɨambɨa Sisim a dwe be e. Bé a nyʉl-nyʉl modibe ó, maa mé a gʉ-gʉ é l'ekoʼ Zyɛm a ntɨh be e. Ekoʼ laa, lé a be ó lé edu be zi e zi. No ó, ekoʼ laa, lé a be ó Krɨst.

Títos 2:14

Nye a si jala e bɨna ga, lé eze kʉr bɨna ga, le edwih bɨna ga é bɨbla ebò e cyen bɨna bé a dɨ kœʼ œ. Nyi pubo bɨna ga ó, bɨna diʼe kul bʉr ndɨ yaa ye e. Mɨleme, myé óbe ó bɨna ga é ntɨɨɨŋ ó, bɨna gba ga ó nyʉl lé esa mɨmpaŋ bɨsyɛɛla.

1 Pyɛr 2:24

Krɨst nye mʉr tɨʼ a si nkɛɛ mɨsyem ga mina é nyʉl we, ntɔʼ dwè é klos. Nye a sa no ó, bɨna dwèʼ ga é nko paʼ mo Syem, bɨna nkʉʼ kœʼ ga ebò e cyen ndɨ cɨcyel ɨ. Bɨna bé a be ga ó mɨsyoblʉ. Bɨna ntɔʼ ka tiʼe ga ebe mopɨɨ me,

Éfɛsɔs 5:2

Kœʼœ ga ebò e cyen ndɨ elɛʼle leme ncwɨncwɨa win ɨ, mpʉ Krɨst a taare cwɨa e bɨna ga ɛ. Nye a si dwè, jala e bɨna ga, ó nye diʼe mpʉ mɨndwɛa ndwe e motwina. Motwina me maa, mé a be ó e monumo Zyɛm lé ebul kpɛl ɨ.

Galásia 1:4

Yesʉs-Krɨst nye mʉr tɨʼ a si dwè, jala e mɨsyem ga mina. Nye a sa no ó, nye nkʉʼ syɛb bɨna ga é mbi jɔʼ yi, yaa ndɨ é bul bebe e. Yesʉs a sa no ó, mpʉ Zyɛm Sɔŋ ga wina a gwɨm ɨ.

Yʉanes 6:51

Me ó ndɨ kublakubla mode, maa mé a duho é jobo kʉ, ze kaʼ é si nwaʼ ɛ. ǃƗ mʉr si de mode maa nɛʼɛ, gʉŋa ó, nyi bi tiʼ molu mo mpoʼ mɨmɛh. Mode me ódwe nye e, mé ó bɨpuno byam! Me edwe bʉr bɨbɛh bya ó, é l'efu ó, bé biʼe tiʼ molu mo mpoʼ mɨmɛh.»

Lʉkas 24:30

ǃBé mu é teble lé ejɨ puhba mobo nɛʼɛ, Yesʉs ze nʉa bler, ntɔʼ dwe Zyɛm ekiba. Nye ntɔʼ pɛ̂ʼ ye, dwe be ya.

Mataos 14:19

Pie tɨ, nye ze lɛɛ e ntuntuma bʉr ó, yé diʼe si é bwaʼbwaʼ jahla yaa. Tɨʼ yé a be ó e bwa bɨka ajaa kʉ. Nye ntɔʼ nʉa bɨbler bɨtɛn e l'ofu oba baa, ze bɨn mih kʉ, dwe Zyɛm ekiba, ze pɛ̂ʼ bɨbler byaa bɨpeh, bɨpeh, ze dwe ompʉn be bya. Bé ntɔʼ kab ntuntuma bʉr bɨbler byaa.

Yʉanes 6:23

Mʉʉ mɛl ntɔʼ pyal, duho nkana Tiberias. Mɨ ze pyal kunokuno e gumo bé a de bler pie jɔʼ Da Yesʉs a dwe Zyɛm ekiba ɛ.

Lʉkas 22:17

Yesʉs ze nʉa bele monwoʼ mo rezɛŋ, ntɔʼ dwe Zyɛm ekiba é lɔb monwoʼ maa. Nye ze lɛɛ e be ó: «Nʉŋa ga bele yi. Bɨn bé à kabla monwoʼ mo tɨ, bɨn bɨbɛh,

1 Tesalonika 5:18

É jɔʼ yiyɛh, dweʼ ga Zyɛm ekiba é lɔb bɨsa bibyɛh, ebe, Zyɛm a gwɨm ó, bʉr o ndɨ é zyɛŋa wɔɔ boo Yesʉs-Krɨst ɨ, bé ódɨ sa no.

Galásia 4:25

—ebe, dweʼle yaa, yé ebâʼle lɛʼle nteme ecwɨʼ e Sinayi, ndɨ é lal Arabi ɨ. Yé elɛʼle nteme ó nkana Yerʉsalɛm, yaa é jɔʼ yi, ebe, bʉr bɨbɛh lé edi tɨʼ ɨ, bé ó molʉa, ebe, bé ó njɨ lé edu motie mo Moyiz.

Mataos 15:36

Nye ntɔʼ nʉa bɨbler tambɛl byaa le bwa ofu baa, dwe Zyɛm ekiba, ntɔʼ pɛ̂ʼ bye bɨpeh, to le edwe ompʉn be bya. Bé ze nʉa, kab bʉr bɨbɛh.