Lʉkas 22:17 - Kálara Zyɛ̌m Edwán é mpʉ̌n

¹⁷ Yesʉs ze nʉa bele monwoʼ mo rezɛŋ, ntɔʼ dwe Zyɛm ekiba é lɔb monwoʼ maa. Nye ze lɛɛ e be ó: «Nʉŋa ga bele yi. Bɨn bé à kabla monwoʼ mo tɨ, bɨn bɨbɛh,

Kálar Nzyɛ̌m : Ejwán é Sáá

¹⁷ Yésʉs ntɔ̂ʼ nʉǎ bélé ményoʼ, ntɔ̂ʼ dwě Nzyɛ̌m nzyǒo tɨ̂. Jɔʼ nyé á sil ejɨʼla e Nzyɛ̌m yɨ́, nye ntɔ̂ʼ lɛ́ɛ e bé ó: «Nʉaa gá bélé yɨ̂. Bɨ̌n e káblá ményoʼ me tɨ̂, bɨ̌n óbɛ̂h.

Lʉkas 22:17 ပူးပေါင်းရင်းမြစ်များ

Lʉkas 22:19

Nye ze nʉa bler, ntɔʼ dwe Zyɛm ekiba é lɔb we, ze pɛ̂ʼ ye bɨpeh, dwe be bya. Nye e be ó: «Nyʉl wam ó nwa, waa mu si dweŋɔ, jala e bɨn ɨ. Bɨn bé óto le esa syɛɛla yiʼ bɨjɔʼ bibyɛh, lé etoŋlo me.»

Rôm 14:6

Mʉr lé ebee ó, guu moho, wé ó nye sa ndɨ ti ɨ, nye esa no ó, nye gumla Da Yesʉs tɨ. Mʉr lé ede sa yiyɛh ɛ, nye egumlo Da Yesʉs tɨ, ebe, nye edwe Zyɛm ekiba é lɔb sa nye lé ede e. Waa lé eti yʉʉ sa ede e, nye esa no ó, nye nkʉʼ gumlo Da Yesʉs é zi bɨti byaa. Nye nteme, nye edwe nye ekiba é lɔb sa ede nyɛɛ lé emɛʼle de e.

Lʉkas 9:16

Yesʉs ntɔʼ nʉa bɨbler bɨtɛn e l'ofu oba, bɨn mih kʉ, ze dwe Zyɛm ekiba é lɔb mode maa, ze pɛ̂ʼ me bɨpeh, timle ompʉn be, ó bé kaba bʉr bya.

Mataos 14:19

Pie tɨ, nye ze lɛɛ e ntuntuma bʉr ó, yé diʼe si é bwaʼbwaʼ jahla yaa. Tɨʼ yé a be ó e bwa bɨka ajaa kʉ. Nye ntɔʼ nʉa bɨbler bɨtɛn e l'ofu oba baa, ze bɨn mih kʉ, dwe Zyɛm ekiba, ze pɛ̂ʼ bɨbler byaa bɨpeh, bɨpeh, ze dwe ompʉn be bya. Bé ntɔʼ kab ntuntuma bʉr bɨbler byaa.

Mataos 15:36

Nye ntɔʼ nʉa bɨbler tambɛl byaa le bwa ofu baa, dwe Zyɛm ekiba, ntɔʼ pɛ̂ʼ bye bɨpeh, to le edwe ompʉn be bya. Bé ze nʉa, kab bʉr bɨbɛh.

Mataos 26:26

É mpʉ bé a be, bé mu lé ede e, Yesʉs ntɔʼ nʉa bler yaa, dwe Zyɛm ekiba, pɛ̂ʼ ye bɨpeh, dwe ompʉn be bya. Nye ó: «Nʉŋa ga. Bɨn deʼ. Nyʉl wam ó nwa.»

Markus 14:22

É mpʉ bé a be, bé dina lé ede e, Yesʉs ntɔʼ nʉa bler, dwe Zyɛm ekiba é lɔb bler yaa, pɛ̂ʼ ye bɨpeh, dwe ompʉn bya. Nye ó: «Nʉŋa ga. Nyʉl wam ó nwa.»

1 Korɛnt 10:16

Bele monwoʼ ga yina, yé nyá ɛ? Yé ó bɨna ga zi Zyɛm lé esʉ bɨna ga mocyɛʼ mo mpom me tɨʼ ɨ. Bɨna bé edwe ga nye ekiba é lɔb bele yaa. É jɔʼ bɨna mu lé enyʉl ga monwoʼ mo tɨʼ ɨ, bɨna bé esyɛŋa ga lé enʉa nkɔb é motié mo Krɨst. Bler bɨna lé epɛ̂ʼla ga é jɔʼ bɨna mu lé ede ga ɛ, tɨʼ ó bɨna lé esyɛŋa ga lé enʉa nkɔb é nyʉl mo Krɨst ɨ.

1 Korɛnt 11:23

Mbe ga: sikʉlʉ Da Yesʉs a dwe me e, yé ó yi. Yé ó me a ntɛŋ bɨn ɨ. Yé ó: Da Yesʉs, é pum bé a kɛha nye e, a si nʉa bler,