Lʉkas 21:36 - Kálara Zyɛ̌m Edwán é mpʉ̌n

³⁶ Diʼe ga nkehe. Jwɨʼla ga é jɔʼ yiyɛh, ó bɨn nkʉʼ syɛhle bɨsyɛɛla bɨ moho waa bibyɛh. Jwɨʼla ga nteme ó, bɨn nkʉʼ be e nkul ecyɛb é mih mo Mwan mo Mʉr.»

Kálar Nzyɛ̌m : Ejwán é Sáá

³⁶ Diʼee gá ɨ́ mpʉ̂n. Jɨʼlaa gá ɨ́ jɔʼ yɨ́yɛ̂h, ó bɨ̌n nkʉ̂ kɨ̂ŋ bísyɛ́ɛla bí móhó waá bíbyɛ̂h. Jɨʼlaa gá ntémé ó bɨ̌n nkʉ̂ be e nkul etyɛ̂b ɨ́ mpǒm Mwân mé Mʉr.»

Lʉkas 21:36 ပူးပေါင်းရင်းမြစ်များ

1 Yʉanes 2:28

No ó, bwa o bwan bam, diʼe ga é zyɛŋa win boo Krɨst, é mbi ndɨ ó, é dobo nye óbula ze e, bɨna bé ótʉm ga monyʉl ndwe le ecyɛb ga é mih me é nkʉʼʉ. Bɨna bé aŋa bil fwon.

1 Pyɛr 5:8

Mɛrɨ ga mɨleme. Diʼe ga nkehe. Mʉr lé epur bɨn ɨ, Njwɨɨ moleme, nye elie bɨn é mɨpaʼ mimyɛh é nka-nka-nka, mpʉ ngbampwɨɨ lé emuulo le esaa mʉr nye deʼ.

Mataos 25:13

Yesʉs ze lɛɛ e be ó: «Ebe no, diʼe ga nkehe, ebe, bɨn bé agʉa dobo nkʉ ewala me óbula ze e.»

Mataos 24:42

Ebe no, diʼe ga nkehe, ebe, bɨn bé agʉa dobo Tî win óbula ze e.

1 Pyɛr 4:7

Efuʼla e bɨsa bibyɛh, lé mu ó kunokuno le epyal. Ebe no, pahla ga mɨlɔb mpʉ mɨpɨpɨʼ. Mɛrɨ ga mɨleme é l'efu ó, bɨn nkʉʼ gʉa sa mɨnjwɨʼla.

1 Korɛnt 16:13

Diʼe ga nkehe. Cyɛba ga é nkʉʼʉ é buʼo. Diʼe ga e leme onkɔɔ. Lela ga nkul.

Lʉkas 18:1

Yesʉs ze sa be kɨkɛna fih, kɨkɛna yaa lé elɛʼle ompʉn be ó, bé ekʉ jala le ejwɨʼla e Zyɛm é jɔʼ yiyɛh, akar tuu.

Markus 13:33

No ó, diʼe ga é doʼlo [lé esa mɨnjwɨʼla], ebe, bɨn bé agʉa jɔʼ yaa.

Yʉ̂d 1:24

Kum, nye beʼ e mʉr ndɨ e nkul ekamle e bɨn ó, bɨn beʼ l'aduma, waa nteme ndɨ e nkul ecyel bɨn é mih me, waa ndɨ é moncɛnba ɛ, abe e sa ebebe nye a ngbaa nwahle bɨn e tɨ. Bɨn bé óbe nteme ó e bɨsʉhʉ é buobuo.

Mataos 26:41

Diʼe ga nkehe. Jwɨʼla ga e Zyɛm. Bé amu jaa boblo bɨn, bɨn duma. Sisim mo mʉr, wé e gwɨma esa mɨmpaŋ bɨsyɛɛla; mɨsʉn myɛɛ, akoʼo.»

1 Tesalonika 5:17

Jwɨʼla ga e Zyɛm é bɨjɔʼ bibyɛh.

Markus 13:37

Sa me lé elɛɛ bɨn ɨ, me elɛɛ ye ó, é l'efu e mʉr nyiwɛh: “Diʼe ga nkehe.”»

2 Timotɛ 4:5

Sa gwar, gwɔɔ, mɛrɨ leme é bɨjɔʼ bibyɛh. Dihba mɨtuu. Sea syɛɛ mo lɛa Mbɨambɨa Lɔɔ. Gwɔɔ syɛl mosa mo Zyɛm, sea empomo e syɛɛ ndɨ laa lo e.

Kolosi 4:2

Diʼe ga nkehe, lé esa Zyɛm mɨnjwɨʼla é jɔʼ yiyɛh, le edwe nye ekiba.

Mɨlʉmlʉ 10:2

Bé e mbɛr bʉr we wiwɛh, bé a be-be ó lé edwaabe Zyɛm. Nye a be nteme ó lé ebul gul baanteʼenteʼe o bʉr oYʉden, le ejwɨʼla e Zyɛm jɔʼ yiyɛh é buobuo.

Lʉkas 20:35

Sa gwar, odwè Zyɛm lé ebee ó, bé ejala le epàh, to di é lal we pie e l'esie e mbi jɔʼ yiʼ ɨ, bé aŋa ka bɛa, nkʉ cenɔ é moba,

Mataos 8:20

Yesʉs ntɔʼ bɨha e nye ó: «Onyamosʉʼ, bé ó e mokul; bɨnɔn e mɔʼ. Sa gwar, Mwan mo Mʉr, nye abe e simsim gumo nye kɛlɨ lʉ.»

Mataos 24:43

Bɨn bé egʉa ó, nkʉ mʉr mbɛr a be ó be, gʉa ewala e pum ndiblʉ, wé a be ó, wé ópyal nɛʼɛ, mpa nye a di ó nkehe. Nye a ngbaa be ó, abir ó, wé kɛʼɛ nye mbɛr, díbe.

Mataos 24:44

Ebe no, diʼe ga é doʼlo. Mwan mo Mʉr amu pyal bɨn motwɨra, é l'ewala bɨn bé óbe, abuʼla nye e.»

Lʉkas 1:19

Engles ntɔʼ bɨha ó: «Mɛm Gabryɛl ó ndɨ ecyɛb é mih mo Zyɛm! Me eze ó é lʉmlʉ we, ó me ntaʼ, ze lwib e go, lé eze lɛɛ go mbɨambɨa lɔɔ wi.

Lʉkas 21:35

Dobo laa, lé ópyal bʉr bɨbɛh ndɨ é si nwaʼ ɛ.

2 Korɛnt 4:14

Ebe, bɨh bé ebuʼla ó, waa a pɛ̀h Da Yesʉs é foo e, nye nteme ópɛ̀h bɨna ga e boo nɔɔ. Nye ócyel bɨna ga é mih me é gumo Yesʉs ndɨ ɨ.

Mɨngwiha 6:17

ebe, moho nɨnɨ, wi pyal: moho bé ófil empime lɔɔ ó wi! Zé óka cyɛb é mih mɔɔ?»

Mɨngwiha 7:9

Jɔʼ ze laa ba, me ze bee bʉr mobɨʼ mopam, abe e tolɔɔ. Bé a be ó bʉr o bɨkul bibyɛh, bʉr o moveh mɨmɛh, bʉr o mɨlal mimyɛh, ndwe e bʉr o bɨlwib bibyɛh. Bé a be ó tɨʼ bɨbɛh é l'empom e dia taʼa ndwe e Ma Ntœme. Bé a be ó e bɨdur é pumo-pumo é monyʉl le mompuho mo elen é mobo.

Mɨngwiha 8:2

Pie tɨ, me ntɔʼ bee beengles tambɛl bé a cyɛb-cyɛb é mih mo Zyɛm ɨ. Bé a si dweŋɔ osebe.

Mɨngwiha 11:4

Oboʼla oba baa, bé ecyɛb é mih mo Njwɨɨ si nwaʼ nyiwɛh ó, mpʉ bɨlɨ bɨ olivye bɨba, ndwe nteme mpʉ bɨcye molama bɨba.