Lʉkas 21:34 - Kálara Zyɛ̌m Edwán é mpʉ̌n

³⁴ «Diʼe ga ncye! Monyʉl mɨn, mé amu jaa cyɛʼ ebe mpwaʼ edɨɨ ndwe e mpur monwoʼ, nkʉ ebe mɨpɛhla mɨ tiʼ si nwa. Esie e mbi jɔʼ yi, lé amu jaa pyal bɨn motwɨra, mpʉ tir lé etwɨra é jɔʼ nyi bil é syɛm ɨ.

Kálar Nzyɛ̌m : Ejwán é Sáá

³⁴ «Gwá di gá le ocwóó. Milémé mín ámû jaá tyɛʼ ɨ́ mpwaʼ edɨ́ɨ́ ndu e mpur menyoʼ, nkʉ̂ ɨ́ mpuo bijwɨʼ bí twǐʼ sí yɨ̂. Móhó waá, wé ámû jaá pyâl bɨ́n metwɨrâ, mpʉ̌ syɛ̌m.

Lʉkas 21:34 ပူးပေါင်းရင်းမြစ်များ

Markus 4:19

Sa gwar, mɨtuu mɨ mbi jɔʼ yiʼ ndwe e gwɨma okum e l'ogbaa, byé a si dimle be. Bé ebul cyèl mɨleme kʉ é l'ebi e bɨsa bɨ jobo yi. Bɨsa byaa ntɔʼ kaʼ lɔɔ Zyɛm, wé l'aka johlo.

Lʉkas 12:40

Bɨn nteme, diʼe ga é doʼlo. Mwan mo Mʉr amu pyal bɨn motwɨra, é l'ewala bɨn bé óbe, abuʼla nye e.»

1 Korɛnt 6:10

mɨndiblʉ, bʉr o ndɨ ecen mih é bɨsa byoonkan ɨ, mɨfufwɔʼ monwoʼ, bʉr o ndɨ efœʼ bʉʉ bʉr ɨ, ndwe e baa ndɨ edɛn bɨmɔn byoonkan ɨ... bim bʉr baa bɨbɛh, bé aŋa dweŋɔ ba dia é jwɨ̀ʼa mo Zyɛm.

Mɨngwiha 3:3

Ebe no, toŋla ga sikʉlʉ bɨn bé a joʼo é molu pihe e. Toŋla ga nteme mpʉ bɨn bé a taare nʉa ye e. Gwɨma ga mobebe mɨn. Bɨn bé à dwir mɨleme. ǃBɨn si bene di nkehe nɛʼɛ, gʉŋa ga ó, me ópyal bɨn mpʉ ndiblʉ, bɨn l'abuʼla. Bɨn bé aŋa gʉa ewala me óze e.

2 Pyɛr 3:14

Ebe no, obɨɔ o kpɛl bam aa! É mpʉ bɨna mu lé eka bono ga moho waa ɛ, nye ókœb bɨn nyá ɛ? Gbaʼ ga monyʉl lé edi abe e l'ebar, nkʉ ebebe bé a ngbaa nwahle bɨn e la ɛ. Diʼe ga é motala é jɔʼ nye óbula ɛ.

Galásia 5:20

edwiibɨ bɨbaŋabaŋa bɨdweʼle, esɛa mɨmir mɨ eleme, esie bʉr, esa mosono, bé e zii e mompime ndwe e zyee lé efuo bɨdia, esiila motwii paʼ win, esa mpɔʼa monkɔm,

1 Korɛnt 5:11

Me a tile bɨn é kalara waa ó, bɨn tiʼa nduula e mʉr ndɨ elɛɛ ó, nye ó mbuʼla, nyɛɛ yɛɛ lé esa bɨmala, nkʉ waa ndɨ ecen mih é bɨsa byoonkan ɨ, nkʉ mʉr lé edwiibɨ bɨbaŋabaŋa bɨdweʼle e. Bɨn tiʼa nduula e mʉr movoʼ, nkʉ fufwɔʼ monwoʼ, nkʉ ndiblʉ, ó bɨn l'ayi puhba mobo lé ede e mɨmbi mɨ bʉr myaa.

Mataos 13:22

Nuu nteme, nye enwɨɨla ó e mpœʼ yé a kur é mɨndwinʉ ɨ. Nye a si kʉ joʼo lɔɔ Zyɛm. Sa gwar, mɨtuu mɨ mbi jɔʼ yiʼ ndwe e gwɨma okum e l'ogbaa, byé a si dimle nye, ntɔʼ kaʼ lɔɔ Zyɛm, wé l'aka johlo.

Lʉkas 21:8

No ó Yesʉs a lɛɛ ó: «Diʼe ga ncye! Abir ga ó, mʉr gomla bɨn é bebebebe zi. Buobuo bʉr, bé óze e die lam, lé elɛɛ-lɛɛ ó: “Mɛm ó di Lœma mulo mo Zyɛm!” Bé ólɛɛ nteme ó: “Jɔʼ nɨ, yé mu ó kunokuno le epyal!” Sa gwar, mʉr adu ga be.

Filipi 4:6

Asyɛl ga ba e bɨn bʉr o tɨ, tiibe e yʉʉ sɔʼɔ. Jwɨʼla ga e Zyɛm é bɨjɔʼ bibyɛh, é bɨsa bibyɛh bɨn lé ejaʼ ɛ. Dweʼ ga nye ekiba é jɔʼ yiyɛh é lɔb bɨsa nye lé edwe bɨn ɨ.

Lʉkas 17:3

Gʉa di ga ncye! ǃƗ mɨɔ go si sa syem nɛʼɛ, láŋa nye baa ebebe é lɔb syɛɛla ebebe ye yaa. ǃNye si gwɨma ye, ndwe le edwir leme nɛʼɛ, pɛʼɛ baa ebebe go láa nye e.

Lʉkas 10:41

Da ntɔʼ bɨha e nye ó: «Marta, Marta! Gwɔɔ, go eyeʼbe bɨsɔʼɔ é buobuo. Byé ebul pebre go é leme.

Lʉkas 8:14

Mʉʉ mompœʼ nteme, mé a kur ó, é bwah yé a be e mɨndwinʉ ɨ, sa nɨ lé edweʼle bʉr o b'a joʼo lɔɔ Zyɛm ɨ. Sa gwar, bé a be ó lé eyeʼbe bɨsa bɨ jobo yi, le okum e l'ogbaa ndwe e bɨgwɨma bɨ tiʼ yi. Bɨsa byaa, byé a be ó be é mɨleme é larada, bé l'abe e nkul eka gumo mɨmpaŋ mɨ mpumo é bɨtiʼ byɔɔ.

Markus 13:9

«No, pɨrɨ ga mokʉ si. Bé óto e bɨn é mompʉm mo otamabʉr mɔɔ, to pur bɨn le ebuʼo bɨn mɨlɔb gʉ. Bé ónyuo bɨn mɨmbihe é mompah mɨnjwɨʼla myɔɔ. Bé óto e bɨn é mih mo ongoman le mɨnjwɨɨbʉr é lɔb wam. Bɨn bé ósaŋɔ no ó, bɨn nkʉʼ gʉa lɛɛ ocyecye bɨn lé egʉa é lɔb wam ɨ, bɛɛ lé ejoʼo.

Ebrœ̂ 12:15

Diʼe ga ncye, ó mʉr ayi fib nkɔb é leme ncwɨncwɨa mo Zyɛm. Kaale lɨ ndɨ é dwie dwie e, bɨntoʼdu, byé amu pah, lé eduho tɨ. Byé óka lœʼ buobuo bʉr é mih mo Zyɛm.

2 Pyɛr 3:10

É dobo Da Yesʉs óbula ze e, nye ópyal bʉr ó, motwɨra, é mpʉ ndiblʉ. Jobo e l'ejyoo le ebantɛn, byé ójaa e bwaʼbwaʼ duu. Bɨsa bɨtwaʼa Zyɛm a cye, ntɔʼ me kʉ e si e tɨʼ ɨ, bibyɛh, byé ójɔa siʼe, ntɔʼ dinba. Si nwaʼ ndwe e bɨsa bibyɛh bʉr lé esa tɨʼ ɨ, byé óka gʉa gʉŋɔ.

Lʉkas 21:35

Dobo laa, lé ópyal bʉr bɨbɛh ndɨ é si nwaʼ ɛ.