Lʉkas 20:14 - Kálara Zyɛ̌m Edwán é mpʉ̌n

¹⁴ É jɔʼ osyɛl o mosa be, bé a bee mwan ɨ, byé ze lɛɛla paʼra wɔɔ ó: “Mbe ga: modila mo mʉr peme ó ma ze nɨ! Bɨna jʉʼo ga nye! Bɨliʼ mo sɔŋ we nye a ngbaa bi ɨ, byé nkʉʼ fuʼla mopoʼ ga mɨna!”

Kálar Nzyɛ̌m : Ejwán é Sáá

¹⁴ Jɔʼ bílóbila byé á bee mwân yɨ́, byê nzě lɛ́ɛla páʼ nyɔ́ɔ́ ó: “Beyɨɨ gá, medilá me kúm pemé ó mâ! Mɨná jʉ́ʼoo gá nye. Bilíʼé byé, byé nkʉ̂ sûʼla byaá gá bíná.”

Lʉkas 20:14 ပူးပေါင်းရင်းမြစ်များ

Rôm 8:17

Yé be ó, bɨna ga mu ó bwan mo Zyɛm nɛʼɛ, kʉ gʉa ó, bɨna ó ngo bi ga monkɛʼ mo Zyɛm, jala e nkɔb ga wina. Bɨna bé óbi ga me ó, é zyɛŋa ga wina boo Krɨst. ǃBɨna ga e boo nɔɔ, bé óbe si sia e mɨtuu mɨmpwar nɛʼɛ, bɨna bé óbi ga nteme kum, é zyɛŋa ga wina boo nɔɔ.

Ebrœ̂ 1:2

No ó, é mpʉ esie e mbi jɔʼ yi, lé mu ó kunokuno le epyal ɨ, nye mu ka lwib e bɨna ga ó, cwɨɨ é Mwan we. Mwan we ó nye a kɛʼ ó, nye óbi bɨsa bibyɛh. É zi we ó Zyɛm a cye mosi mɨmɛh ɛ.

Mɨlʉmlʉ 3:15

Bɨn ó b'a jʉ Etin e tiʼ; Zyɛm nyɛɛ ntɔʼ pɛ̀h nye é foo. Bɨh ó ndɨ eliʼ boʼlo lɔb waa.

Mɨlʉmlʉ 2:23

Zyɛm a bɛa gʉa ó, bɨn bé ókɛha nye é mobo mo bʉr o ndɨ entaa motie e. Bɨn bé a kʉ du ó, mpʉ nye a bɛa tiʼe é leme we e. Bé ze cyèl nye é klos kʉ, jʉŋɔ nye.

Lʉkas 22:2

Ojwɨɨ be opara bé e l'oyeʼle o motie, bé a be ó lé ebà bɨjwɨʼ bɨ ejʉ Yesʉs. Sa gwar, abe é kpɛŋlɛm, ebe, bé a be ó lé ekpɛɛ bʉr o lal.

Lʉkas 20:19

Oyeʼle o motie ndwe e l'ojwɨɨ be opara, bé a be ó lé ebà bɨjwɨʼ bɨ emɛr Yesʉs é jɔʼ gwar yaa, ebe, bé a be ó si gʉa ó, nye a sa kɨkɛna yaa ó, bé ó ndɨ osyɛl o mosa, ó die le «osyɛl o mosa», lé a dɨ tublo ó be! Sa gwar, bé a be yɛɛ ó, lé ekpɛɛ mɨzɨze mɨ bʉr.

Lʉkas 20:5

No ó bé a ze timle lɔb waa paʼra wɔɔ. Bé ó: «ǃBɨna si bɨha ga ó: “Zyɛm ó b'a lomo nye” nɛʼɛ, nye óbâʼle dî ó: “Yé be no nɛʼɛ, ebe yé bɨn bé a baabuʼla nye e?”

Lʉkas 19:47

É dobo lɨlɛh, Yesʉs a be ó é jahla bii mo Zyɛm tʉŋlʉ lé eyeʼle bʉr. Ojwɨɨ be opara bé e l'oyeʼle o motie ndwe e mɨnjwɨ̂ʼ mɨ bʉr, bɛɛ, bé a be ó lé ebà bɨjwɨʼ ó, bé jʉ ó nye.

Mataos 21:25

Zé a pa kʉ dwe Yʉanes nkul ó, nye toʼ le edù bʉr? Zê Zyɛm ɛ? Zê bʉr ɛ?» Bé ze timle lɔb waa paʼra wɔɔ. Bé ó: «ǃBɨna si bɨha ga ó: “Zyɛm ó b'a lomo nye” nɛʼɛ, nye óbâʼle dî e bɨna ga ó: “Yé be no nɛʼɛ, ebe yé bɨn bɛɛ, bé a baabuʼla nye e?”

Mataos 16:7

Ompʉn be, ze timle lɔb waa paʼra wɔɔ. Bé ó: «Nye elɛɛ no ó, ebe, é jɔʼ bɨna ze ga kaʼ ɛ, bɨna baaze ga e bɨbler.»

Mataos 21:34

É jɔʼ nkono, yé a be, yé mu kunokuno e, nye ze lomo osyɛl o mosa be, ó bé toʼ boo osyɛl o mosa be, ó bé toʼ, to nʉa we paʼ mpumo, bula nye e nya.

Lʉkas 20:13

Mʉr peme ze lɛɛ ó: “A me kaʼ sa wâʼ nyá ɛ? Me muno ka ze lomo mwan wam, waa me ndɨ ebul kpɛl ɨ. Diŋa ó, osyɛl o mosa bam, bé ó e nkul edwaabe yɛɛ nye.”

Lʉkas 20:15

No ó bé a ze pɛʼ nye é peme tʉŋlʉ, to jʉŋɔ nye é mpomo peme. Yé be no nɛʼɛ, bɨn bɛɛ bee ó, mʉr peme ósa nyá ɛ?