Lʉkas 20:10 - Kálara Zyɛ̌m Edwán é mpʉ̌n

¹⁰ É jɔʼ nkono, yé a pyal ɨ, nye ze jebe syɛl mosa we, ze lomo nye boo osyɛl o mosa baa, ó bé dweʼ nye we paʼ mpumo a gumo é peme ye e. Osyɛl o mosa baa ze bî mwa mɨlʉmlʉ waa, foŋɔ nye, buulɔ nye mobo mobo.

Kálar Nzyɛ̌m : Ejwán é Sáá

¹⁰ Jɔ̌ʼ swɨɨ ékpɛm, yé á pyâl yɨ́, nye nzě lómo syɛ̂l mesâ wé ó, nye tôʼ nʉa nyé nkɔ̂b mpumó. Bilóbila byaá nzě bî nyê, bwóolɔɔ nyé mebô e mebô.

Lʉkas 20:10 ပူးပေါင်းရင်းမြစ်များ

Rôm 7:4

Obɨɔ ga bam aa! Bɨn nteme, bé ó é dia otî, motie mo Moyiz l'aka jwɨ̀ʼ bɨn, ebe, é zyɛŋa win boo Krɨst, bɨn bé a si dwè é nko paʼ bɨpuno. Bɨn bé a dwè ó, bɨn nkʉʼ di baa mo Krɨst, mʉr Zyɛm a pɛ̀h é foo ó, bɨna nkʉʼ gumo ga mpumo é l'efu mo Zyɛm ɨ.

Yʉanes 15:16

Ntʉʼ bɨn bé a pɛh me. Mɛm ó b'a pɛh bɨn. Me ó b'a lomo bɨn ó, bɨn toʼ, to gumo mpumo. Mpumo waa ódi njʉmdia e njʉmdia. No ó, Sɔŋ wam ódwe bɨn sa yiyɛh bɨn bé ódî le ejaʼ nye, pere e die lam ɨ.

Lʉkas 13:34

«Yerʉsalɛm, Yerʉsalɛm, gwɔɔ mʉr lé ebɛa jʉ ogwiha o mɨlɔb le elumo baa Zyɛm lé elomlo go e, mokoʼ e! Zɔʼ ntɨɛ me a be lé egwɨm syɛŋ bwan bo, mpʉ abyɛɛ-kuo lé esyɛŋ bwan be é mompaba me si ɨ, bɨn bɛɛ kʉ bene-bene bena.

Lʉkas 20:9

Yesʉs ze lwib e kul oYʉden é zi kɨkɛna yi. Nye e be ó: «Yé a ze be ó, mʉr ze li peme, ze bè motin mo orezɛŋ tɨ. Pie tɨ, ze liʼe osyɛl o mosa e peme yaa, ó bé nkʉʼ dɨ dwe nye we nkɔb é jɔʼ nkono. Mʉr peme ze tɨ cyen, to di é guu lal fih mɨmbu mɨmbu.

Lʉkas 20:11

No ó nye a bâʼle lomo nuu mwa mɨlʉmlʉ fih. Bé ze bî nteme nye, lwɨɔ nye, foŋɔ nye, buulɔ nye tɨtoʼo.