Lʉkas 19:47 - Kálara Zyɛ̌m Edwán é mpʉ̌n

⁴⁷ É dobo lɨlɛh, Yesʉs a be ó é jahla bii mo Zyɛm tʉŋlʉ lé eyeʼle bʉr. Ojwɨɨ be opara bé e l'oyeʼle o motie ndwe e mɨnjwɨ̂ʼ mɨ bʉr, bɛɛ, bé a be ó lé ebà bɨjwɨʼ ó, bé jʉ ó nye.

Kálar Nzyɛ̌m : Ejwán é Sáá

⁴⁷ Yésʉs á lɨlɛ̂ʼle bʉr ɨ́ mpáh Nzyɛ̌m tʉ́ŋlʉ̌ ó, dʉ́ó lɨ́lɛ̂h. Ojwɨ́ɨ o tɨ̂, bé le olɛ̂ʼla o métié ndu e minjwɨ́ʼ mí bʉ̂r, bé á be ó lɨ́ esáa nzɨ́ ejʉ̂ nyê.

Lʉkas 19:47 ပူးပေါင်းရင်းမြစ်များ

Markus 11:18

Ojwɨɨ be opara bé e l'oyeʼle o motie, é mpʉ bé a joʼo sa nye a lɛɛ ɛ, bé ze taare lé ebà bɨjwɨʼ ó, bé jʉ ó nye. Bé a be yɛɛ ó, lé ekpɛɛ esa no, ebe, ntuntuma bʉr yiyɛh, yé a be ó lé ejehe mbi sikʉlʉ nye a dwe be e.

Mataos 26:55

É jɔʼ gwar yaa ó Yesʉs a ze lɛɛ e ntuntuma bʉr yaa ó: «Bɨn bé si jeʼe esa, lé eze e mɨfòŋ e mɨmbɨŋ é mobo é jɔʼ bɨn lé eze naʼ me mobo é nyʉl ɨ. Yé ó mpʉ bé lé emɛr-mɛr bɨzilngan ɨ. Me a be-be ó, dobo lɨlɛh ndindil é jahla bii mo Zyɛm tʉŋlʉ, lé eyeʼle bʉr. Bɨn bé a baanaʼ me mobo é nyʉl.

Yʉanes 18:20

Yesʉs, nye e nye ó: «Me a baalɛɛ yʉʉ sɔʼɔ é l'efo. Me a kʉ dɨ lwib e bʉr bɨbɛh ó, é kpɛŋlɛm. Me a dwe bʉr sikʉlʉ yam ó, é mompah mɨnjwɨʼla mɔɔ, ndwe é jahla bii mo Zyɛm tʉŋlʉ, bɨgumo oYʉden lé egwɨhla jɔʼ yiyɛh ɛ.

Yʉanes 10:39

Bé ntɔʼ kʉ bâʼle saa ó, bé naʼ ó nye mobo é nyʉl. Nye ze fɛbra be.

Yʉanes 7:44

Bʉʉ bʉr o tɨ, bé a be e gwɨma ó, bé naʼ ó nye mobo é nyʉl. Sa gwar, abe e mʉr ngwar a gba nye mbo é nyʉl.

Yʉanes 7:19

Ntʉʼ Moyiz a tiile bɨn motie e? Sa gwar, abe e mʉr lé edu motie maa. Ebe yé bɨn lé esaa ejʉ me e?»

Markus 14:1

Ebʉʼ e Paska ndwe e l'ebʉʼ e Bɨbler ndɨ ebubɔ, agbaŋɔ levure ɨ, lé a be ó, lé osi ka liʼ e molu moba, lé òpyal. No ó, ojwɨɨ be opara bé e l'oyeʼle o motie, bé a be ó lé ebà bɨjwɨʼ bɨ enaʼ Yesʉs mobo é nyʉl é zi bɨkʉʉŋʉ, bé nkʉʼ jʉ nye,

Markus 12:12

No ó bé ntɔʼ taare lé ebà bɨjwɨʼ bɨ enaʼ Yesʉs mobo é nyʉl. Sa gwar, bé a be yɛɛ ó, lé ekpɛɛ ntuntuma bʉr, ebe, bé a be ó si gʉa ó, nye a sa kɨkɛna yaa ó, bé ó ndɨ osyɛl o mosa, ó die le «osyɛl o mosa», lé a dɨ tublo ó be! Bé ze liʼe nye, ntɔʼ to.

Mataos 21:23

Yesʉs ze bâʼle ni é jahla bii mo Zyɛm. É jɔʼ nye a be lé edwe bʉr sikʉlʉ tɨʼ ɨ, ojwɨɨ be opara ndwe e l'otamabʉr o lal «mpululu», ze dî e nye ó: «É wáa nkul mojwɨ̀ʼa go ndɨ esa mbi bɨsyɛɛla go lé esa biʼ ɛ? Go nteme go epa kʉ sa bye é die mo zé?»

Markus 14:49

Bɨna bé a be ga ó, dobo lɨlɛh é jahla bii mo Zyɛm tʉŋlʉ lé eyeʼle bʉr. Bɨn bé a baanaʼ me mobo é nyʉl. Dam be no, yé syɛŋɨ no lé edira lɔɔ ndɨ tila é Kalara Zyɛm ɨ!»

Lʉkas 19:48

Sa gwar, bé a be ó mɨleme é mo é zaaama, ebe, mɨzɨze mɨ bʉr mimyɛh, myé a be ó lé ekʉ gʉa joʼlo nye.

Lʉkas 20:19

Oyeʼle o motie ndwe e l'ojwɨɨ be opara, bé a be ó lé ebà bɨjwɨʼ bɨ emɛr Yesʉs é jɔʼ gwar yaa, ebe, bé a be ó si gʉa ó, nye a sa kɨkɛna yaa ó, bé ó ndɨ osyɛl o mosa, ó die le «osyɛl o mosa», lé a dɨ tublo ó be! Sa gwar, bé a be yɛɛ ó, lé ekpɛɛ mɨzɨze mɨ bʉr.