Lʉkas 19:42 - Kálara Zyɛ̌m Edwán é mpʉ̌n

⁴² Nye ó: «Nkʉ go be ó be, gʉa muh sa yé a ngbaa sa ó, mɨlɔb, myé kwɨmlɨ paʼra win boo Zyɛm nɛʼɛ, mpa go mu ó mbɨmbɨa! Banana, yé ó go fela. Go abe e nkul ebee ye!

Kálar Nzyɛ̌m : Ejwán é Sáá

⁴² Nó nyé á lɛ́ɛ ó: «Yé bé go bé ɨ́ gʉ́a ɨ́ dʉ́ó lɨ̂ʼ mûh, sâ gwa gbá gó mepyɛbla ɨ́ léme yɨ́ nó, mpa gʉ́ tiʼe. Ɨ́ báánâ, yê go ó solá. Gó abe e nkul béé yê.

Lʉkas 19:42 ပူးပေါင်းရင်းမြစ်များ

Ebrœ̂ 3:15

Ebe, yé ó tila ó: «ǃBɨn si joʼo twii mo Zyɛm muh nɛʼɛ, mʉr alɨha motɨɨ me, nkʉ sa elele e lʉ mpʉ bɨmpam bin, byé a sa é jɔʼ byɛɛ, byé a kaŋa e Zyɛm ɨ.»

Mɨlʉmlʉ 10:36

Bɨn bé egʉa lɔɔ Zyɛm a ntɨh bwa b'Ɨzraɛl ɨ. Mbɨambɨa Lɔɔ waa, wé ó wi: Zyɛm óbula gba mʉr motala é leme ó, dumo e Yesʉs-Krɨst, ndɨ Tî bʉr bɨbɛh ɛ.

Ebrœ̂ 3:13

É jɔʼ bɨn dina muh sama ɛ, yé é mbɨa ó, bɨn dɨʼe gba nkul é nyʉl mo mɨɔ nyiwɛh paʼra win, moho wiwɛh. Ebe no ó bɨn bé óbe, aka du bɨkʉʉŋʉ lé etine bɨn ó, bɨn saʼ syem ɨ, bɨkʉʉŋʉ byaa nkʉʼ be nteme alɨl bɨn mɨlʉ.

Lʉkas 19:44

Yerʉsalɛm aa! Bé ógbɛɛ go, le egbah bwan bo bɨbɛh ndɨ é bɨpɨpɨm byo tʉŋlʉ ɨ. Bé óliʼe go abe e l'ekoʼ egwar kɛla é lʉʉ kʉ, ebe, go baadweʼe jɔʼ Zyɛm a ze ó, nye jwɨʼ ó bɨn nkoo e.»

Mɨlʉmlʉ 13:46

Pol bé e Barnabas ze lwib e be é kpɛŋlɛm, abe e bʉa. Bé ó: «Yé a jala ó, lɔɔ Zyɛm, wé taara lɛɔ bɨn ye, oYʉden. Sa gwar, bɨn mu ó lé ebene we, bɨn bé ebee ó, mbi bɨbɨbla bɨ bʉr bɨn ndɨ ɨ, yé ajala ó, bɨn biʼe tiʼ molu mo mpoʼ mɨmɛh. Mpʉ bɨn sa no e, bɨn bé esa ó, bɨh laŋa, lé eto lɛɛ lɔɔ waa boo bʉr o ndɨ abe oYʉden ɨ,

Ebrœ̂ 3:7

Ebe no ó Mbɨambɨa Sisim, nye lé elɛɛ é Kalara Zyɛm ó: «ǃBɨn si joʼo twii mo Zyɛm muh nɛʼɛ,

Lʉkas 19:41

É jɔʼ Yesʉs a pyal kunokuno e nkana Yerʉsalɛm, ntɔʼ dwɛʼ ye e, nye ntɔʼ taare lé ejɨ ndwe le epɛm myɛɛle é lɔb we.

Lʉkas 19:43

Ebe, molu mo ebebe, mé ópyal bɨn, jɔʼ bʉr o dɔm bɨn, bé óbʉmra bɨn é nka, fumo ekɔʼ é lele lele lé ódible bɨn é mɨpaʼ mimyɛh ɛ.