Lʉkas 19:38 - Kálara Zyɛ̌m Edwán é mpʉ̌n

³⁸ Bé a lɛɛ-lɛɛ ó: «Mocyɛʼ mo mpom, mé swɨŋɨ é waa lé eze e die mo Da nwa ɔɔ! Motala, mé diʼe é lal mo Zyɛm ɔɔ! Kɛɛɛɛɛɛ é lal mo Zyɛm di e kum wi ɔɔ!»

Kálar Nzyɛ̌m : Ejwán é Sáá

³⁸ Bé á lɨlɛ́ɛ ó: “Mɨná gúmlaa gá njwɨ́ɨ dí enze e díé mé Dâ Nzyɛ̌m nyá. Kwár mé Nzyɛ̌m, nye lónaa ɨ́ mepyɛbla. Bʉr o dí ɨ́ jʉ́o kʉ́ bá, bé dwêʼ Nzyɛ̌m kûm.”

Lʉkas 19:38 ပူးပေါင်းရင်းမြစ်များ

Lʉkas 13:35

Dwɛʼa ga: mbɛr win, wé óliʼ fo! Me elɛɛ bɨn ó nɛɛ: bɨn bé aŋa ka bee me, to pyal é jɔʼ bɨn bé ólɛɛ ó: “Nyaʼ-nɔn, nye ó odumo! Mocyɛʼ mo mpom, mé swɨŋɨ é waa lé eze e die mo Da ɛ!”»

Mataos 21:9

Le bʉr o b'a dɨ to nye dolo e, le baa b'a dɨ du nye pihe e, bé a be ó lé ebʉ bɨyaŋa, lé elɛɔ ó: «Kɛɛɛɛɛɛ! Mwan mo David ó nɨ ɔɔ! Mocyɛʼ mo mpom, mé swɨŋɨ é waa lé eze e die mo Da nwa ɔɔ! Kɛɛɛɛɛɛ é lal mo Zyɛm ɔɔ!»

1 Pyɛr 1:12

Zyɛm a ka lɛɛ ogwiha o mɨlɔb baa ó, lɔɔ bé a to le elɛɛ ɛ, wé a baabe é l'efu lɔɔ, bé bʉr o tɨ, ó bé gʉŋa we é kpɛhla. Bé a ze lé elɛɛ we ó, é l'efu lɨn. Bɨn ó ndɨ edira nyɔm e lɔɔ waa é banana, é nkul mo Mbɨambɨa Sisim a ntɨhɔ bɨn, duho é jobo kʉ ɨ. Lɔɔ bé a lɛɛ-lɛɛ bɨn ɨ, wé ó waa beengles lé ebul gwɨm gʉa ɛ.

1 Timotɛ 1:17

Zyɛm ndɨ Njwɨɨbʉr njʉmdia e njʉmdia, waa ndɨ abe e nkul edwè, waa ndɨ anyin bʉr é mih, waa ndɨ Zyɛm nye ome e, duu ndwe e kum, byé diʼe é nye njʉmdia e njʉmdia. Amɛn.

Éfɛsɔs 1:12

Nye a kpɛl ó, bɨna dwiibɨ ga nye ebe mpwaʼ kum we, ebe, bɨna ga ó ndɨ bʉr o b'efoʼ nye a loŋlo mɨleme e mbɛla dumo e Krɨst ɨ.

Mataos 25:34

«É jɔʼ yaa, njwɨɨbʉr, wé ólɛɛ e baa ndɨ nye é mbo ejʉm ó: “Ntaʼ ga, bʉr Sɔŋ wam a sʉ mocyɛʼ mo mpom me e. Ntaʼ, ze nʉa ga bɨdia é jwɨ̀ʼa nye a bɛa komlo bɨn, duho é l'etɛɛrɨ e si nwaʼ ɛ,

Éfɛsɔs 1:6

Bɨna dwiibɨ ga nye ebe mocyɛʼ mo mpom we nye sʉ bɨna ga é zi Mwan kpɛl we e.

Rôm 5:1

Zyɛm mu ó si dwe bɨna ga mokebe ebe taa buʼo bɨna lé ejyɛʼ boo Krɨst ɨ. Ebe no ó bɨna ga e boo Zyɛm mu mbɨmbɨa, dumo e Tî ga wina Yesʉs-Krɨst ɨ.

Kolosi 1:20

Nye a nʉa tiʼa ó, mɨlɔb ndɨ paʼra wɔɔ e bʉr bɨbɛh ɛ, nye esa sàa ó, é zi we. Zyɛm a gba motala paʼra wɔɔ e bʉr ó, dumo e nye, é zi motié mo Mwan we a dwè é klos kʉ ɨ, dam be bɨsa ndɨ kaʼ é si nwaʼ ɛ, dam be byaa ndɨ é jobo kʉ ɨ.

Éfɛsɔs 3:21

Kum diʼe e nye é zi Mbɛr-Zyɛm ndwe e Yesʉs-Krɨst nteme, to pyal é mɨmya mɨ bʉr mimyɛh njʉmdia e njʉmdia. Amɛn.

Éfɛsɔs 3:10

Banana, yi ka liʼ ó, njɨ epɛʼle jwɨʼ ye yaa, ndwe le ebal mɨsisim mɨ apum le myaa mɨ nkul, myaa ndɨ é jobo e l'ejyoo e. Myé mu lé eka joʼo jwɨʼ yaa ó, boo bɨna, bʉr o Mbɛr-Zyɛm, ndwe le egʉa mpʉ ocyoo mo Zyɛm ndɨ é buo mɨmbi ɨ.

Mataos 2:2

No ó bé a to le edî e bʉr ó: «Njwɨɨbʉr oYʉden byɛl ɨ, nye nko? Bɨh bé edî no ó, ebe, bɨh bé a si bee atwitwɛn we bɨh ye, nko dobo lé emʉa ɛ. Bɨh bé eze ó, lé eze dwiibɨ nye.»

Mataos 25:40

«No ó, njwɨɨbʉr, wé óka bɨha e be ó: “Me elɛɛ bɨn cyecye ó nɛɛ: gumo bɨn bé a sa mʉr ngwar é sama obɨɔ bam baʼ no e, dam be ó, waa ndɨ agbaŋɔ é nkɔb ɨ, gumo yaa, bɨn bé a sa nteme ó me.”