Lʉkas 19:28 - Kálara Zyɛ̌m Edwán é mpʉ̌n

²⁸ É jɔʼ nye a sil lwib no e, Yesʉs ntɔʼ samle, lé eto Yerʉsalɛm.

Kálar Nzyɛ̌m : Ejwán é Sáá

²⁸ Jɔʼ nyé á sil elwib nó yɨ́, Yésʉs ntɔ̂ʼ nʉa ésóʼ é sɔ́má bʉ̂r, lɨ́ etô Yerʉ́zalɛm.

Lʉkas 19:28 ပူးပေါင်းရင်းမြစ်များ

Lʉkas 9:51

É jɔʼ elu Yesʉs a jala ó, nye pʉʼa é si nwaʼ, lé a be, lé mu lé ekunbo e, nye ze tiʼe é leme we ó, nye to ó Yerʉsalɛm.

1 Pyɛr 4:1

Ebe no ó Krɨst a sia e mɨtuu é nko paʼ nyʉl ɨ. Bɨn bɛɛ, bé ejala le ebɛa bi mbi pɛhla ngwar we, ebe, mʉr mu si sia e mɨtuu é bɨpuno bye e, nyi gwaʼ lé eka sa syem.

Ebrœ̂ 12:2

Mih ga mɨna, mé dwɛʼa sɔʼɔ, njɨ Yesʉs, ebe, nye ó etin e buʼo ga yina. Nye nteme ó b'a sa ó, buʼo ga yina diʼe é l'ombɨmbɨa é mɨpaʼ mimyɛh. Nye a mɛʼle ó, nye sia e mɨtuu, bé jʉʼo nye, lé ecyèl nye é klos kʉ. Nye a si pyeh fwon mʉr lé ebi é mbi efie laa ɛ. Nye a fuo mɛʼle ó, nye dwèʼ no ó, nye nkʉʼ bi bɨsʉhʉ Zyɛm a bɛa komo nye e. Banana, nye mu ó si é die é mbo ejʉm mo Zyɛm Sɔŋ, mʉr ndɨ é dia taʼa ɛ.

Lʉkas 18:31

Yesʉs ze nʉa Esama le ompʉn ewʉm e l'oba é bʉm. Nye e be ó: «Mbe ga: bɨna mu ó lé eto ga Yerʉsalɛm ó yi. Bɨsa bibyɛh ogwiha o mɨlɔb bé a tile é Kalara Zyɛm, tiibe e Mwan mo Mʉr ɨ, byé ódira.

Lʉkas 12:50

Me a ze ó, me nʉŋa ndubo wam. Leme wam, wé ó kʉ é cyèl, to pyal é jɔʼ ndubo waa, wé óbe si syɛɛlɨ ɨ.

Yʉanes 18:11

Yesʉs, nye e Pyɛr ó: «Fwama fòŋ go é pɔb. Zê go lé ejwɨʼ ó, me aŋa nyʉl bele Sɔŋ wam timle me yiʼ ɛ?»

Lʉkas 10:30

Yesʉs ntɔʼ lɛɛ ó: «Yé a ze be ó, mʉr ze mʉa Yerʉsalɛm, ze taare cyen lé eto Yeriko. Nye dina temezi nɛʼɛ, nyi ze kwɨa é l'eboʼo e bɨzilngan. Bɨzilngan nyaba nye é nyʉl, ferɔ nye mɨkan, bîŋɔ nye, é bîŋɔ bîŋɔ, liʼɔ nye tina si, nye mu tiʼ le efie.