Lʉkas 18:30 - Kálara Zyɛ̌m Edwán é mpʉ̌n

³⁰ ndɨ abula bi bye zɔʼ é buobuo é jɔʼ yi. Ndwe nteme, pie e l'esie e mbi jɔʼ yi, mʉr waa óbi tiʼ molu mo mpoʼ mɨmɛh.»

Kálar Nzyɛ̌m : Ejwán é Sáá

³⁰ dí abáʼǎ bi byé nzɔʼ ɨ́ buo buo ɨ́ báánâ. Nó ɨ́ jɔʼ éswéhlɨ́ é sí yɨ̂ʼ ngá pyâl yɨ́, mʉr waá óbǐ twǐʼ njʉ̌m dǐ.»

Lʉkas 18:30 ပူးပေါင်းရင်းမြစ်များ

Mɨngwiha 2:17

«No ó, mʉr ndɨ e mogwal mo ejoʼo e, nye joʼa mokan Sisim lé elɛɛ mɨmbɛr mɨ Zyɛm ɨ. Mʉr nyiwɛh óbe si ntaa, bula e l'esaa é koo e, me ódwe nye manne lé edi é l'efo e. Me ódwe nye nteme ekoʼ epumo e tila die le tɨ. Die laa, lé ó die edwan le. Nuu mʉr fih, nye abe e nkul egʉa le, nkʉ yé abe waa lé ebi le e.»

Mataos 12:32

Mʉr nyiwɛh lé elwib ebebe é lʉ Mwan mo Mʉr ɨ, baa ebebe yaa, yé óbɛm pɛʼɔ. Sa gwar, mʉr ólwib ebebe é lʉ Mbɨambɨa Sisim ɨ, baa ebebe yaa, yé ákwoʼ pɛʼɔ, dam be é jɔʼ yi, dam be pie e l'esie e mbi jɔʼ yi.»

1 Timotɛ 6:6

To kœb ó, edwaabe Zyɛm lɛɛ, lé e buobuo nyɔm ó, nkʉ mʉr lé edwaabe Zyɛm ɨ, nye edwɛʼ njɨ mobi nye lé ebi-bi ɨ.

1 Timotɛ 4:8

Ebe, pɨʼa nyʉl wɛɛ, wé ó e ma nyɔm é guu paʼ. Edwaabe Zyɛm lɛɛ, lé e nyɔm é nko paʼ bɨsa bibyɛh, ebe, mʉr lé edwaabe Zyɛm ɨ, Zyɛm ódira monkɛʼ nye a liʼe mʉr waa e ma ɛ, é nko paʼ tiʼ yaa banana, to pyal é tiʼ yé óbe pie e l'esie e mbi jɔʼ yi.

Mɨngwiha 3:21

Mʉr óbe si ntaa, bula e l'esaa é koo e, me ódwe nye nkul ó, bɨh e nɔɔ baʼra lé edi é dia taʼa yam, ebe, mɛm nteme, me a si ntaa, bula e lam esaa é koo, me ntɔʼ nʉa dia kunokuno e Sɔŋ wam é dia taʼa ye.

Mɨngwiha 2:10

Ajoʼo ga bʉa e bɨntɨʼa bé ódwe bɨn ɨ. Mbe ga: Njwɨɨ moleme ómɛr bɨn bʉʉ bʉr, gba be é mbʉʼ, lé eboblo bɨn! Bɨn bé ósia e mɨtuu myaa ó, to pyal é molu ewʉm. Diʼe ga bʉr be ebuʼla, to pyal é l'efie. Ebe no ó me óbœr bɨn mopʉʼlʉ mo tiʼ é mɨlʉ.”

Mataos 4:24

No ó lɔɔ waa, wé a ze jʉŋla mpʉ kol eboʼ, jala lal Siria wiwɛh. Bé ze ze e mɨsyoblʉ boo nye: baa b'a be lé ejaʼra e mosyɛb e mokpaa mɨmbi mɨmbi ɨ, bʉr o b'a sia e moleme e, baa b'a sile-sile bʉʼ ɨ, le mɨsyoblʉ myé a be-be mɨmbʉmbʉʼ é mɨtɔɔ ɛ. Nye ze tiʼ be.