Lʉkas 18:14 - Kálara Zyɛ̌m Edwán é mpʉ̌n

¹⁴ Yesʉs ntɔʼ lɛɛ e be ó: «Me elɛɛ bɨn ó, nwɨa tœa waa a ka fiʼ, to mbɛr we ó, nye osi bi mokebe é mih mo Zyɛm, abe mpʉ Farizyɛŋ, ebe, mʉr lé enkɛɛ nyʉl ɨ, nye ófilɔ si; waa lé efil nyʉl si ɨ, nye óbɨnɔ kʉ.»

Kálar Nzyɛ̌m : Ejwán é Sáá

¹⁴ Yésʉs ntɔ̂ʼ lɛ́ɛ e bé ó: «Mě lɛ́ɛ́ bɨ́n ó: nwɨa mɔnɨ́ tœ́a waá á ka tô mbɛ̌r wé ó, nyé osí bi nkâm ɨ́ míh mé Nzyɛ̌m, abě mpʉ̌ Farizyɛ̂n, ebě, mʉr nyɨnyɛ̂h dí ebɨ̂r nyé mʉr tɨ̂ʼ kʉ́ nyá, ósulɔɔ sí. Waá nyɨnyɛ̂h dí ejɔr nyʉ̂l nyé nyá, óbɨ́nɔɔ kʉ́.»

Lʉkas 18:14 ပူးပေါင်းရင်းမြစ်များ

Lʉkas 14:11

Ebe, mʉr lé enkɛɛ nyʉl ɨ, nye ófilɔ si; waa lé efil nyʉl si ɨ, nye óbɨnɔ kʉ.»

Lʉkas 16:15

Yesʉs ntɔʼ lɛɛ e be ó: «Bɨn bé elɛʼle-lɛʼle bʉr ó, bɨn ó ndɨ ocɨcyel. Sa gwar, Zyɛm, nye egʉa mɨleme min! Ebe, sa bʉr lé ebul seʼle e, Zyɛm, nye ebula bene ye mpene-numo.

Jacques 4:10

Filɨ ga monyʉl si e Da, nye nkʉʼ bɨn bɨn kʉ.

Mataos 23:12

Mʉr lé enkɛɛ nyʉl ɨ, nye ófilɔ si; waa lé efil nyʉl si ɨ, nye óbɨnɔ kʉ.

Jacques 4:6

To kœb ó, Zyɛm, nye esʉ bɨna ga mocyɛʼ mo mpom é buobuo. Yé ó mpʉ yé ndɨ tila é Kalara Zyɛm ɨ. Yé ó tila ó: «Zyɛm, nye esa bʉr o ndɨ enkɛɛ monyʉl ɨ, mongan. Baa lé efil monyʉl si e nye e, bɛɛ, nye esʉ be mocyɛʼ mo mpom.»

Lʉkas 1:52

Nye a si dwih ojwɨɨ é bɨdia bɨ taʼa byɔɔ. No ó, bʉr o ndɨ efil monyʉl si ɨ, nyi dwe be bɨdia bɨ kʉ.

Mataos 5:3

Nye ó: «Mocyɛʼ mo mpom e bʉr o ndɨ ekʉ gʉa ó, mɨsisim myɔɔ, myé ejyeb é nko paʼ egʉa Zyɛm ɨ, ebe, jwɨ̀ʼa mo Da, yé cyela ó, é l'efu e bʉr o ndɨ mpʉ be e!

Galásia 2:16

To kœb ó, bɨna mu lé egʉa ga ó, mʉr, nye aŋa bi mokebe é mih mo Zyɛm ebe mbi nye lé edu motie e. Mʉr, nye ebi mokebe é mih mo Zyɛm ó, ebe taa buʼo nye lé ejyɛʼ boo Yesʉs-Krɨst ɨ. Bɨna bɨ jyɛʼ ga taa buʼo yina nteme boo Krɨst é l'efu ó, bɨna nkʉʼ bi ga mokebe é zi buʼo gwar yaa. Abe e mʉr lé ebi mokebe ebe mbi nye lé edu motie e. Mʉr ákwoʼ bi mokebe é mih mo Zyɛm ebe mbi nye lé edu motie me e.

Rôm 4:5

To kœb ó, mʉr ngwar é sama bʉr o ndɨ asa mɨmpaŋ bɨsyɛɛla ɛ, nye óbɛm jyɛʼ taa buʼo ye boo Zyɛm, ebe, nye ó waa ndɨ edwe bʉr o ndɨ adwaabe nye e, mokebe e. Zyɛm óbee mpʉ nye ndɨ ejyɛʼ taa buʼo ye boo nye e, ntɔʼ nʉa buʼo ye mpʉ bɨsyɛɛla bɨ ocɨcyel.

Rôm 3:20

Mʉr ákwoʼ bi mokebe é mih mo Zyɛm ebe mbi nye lé edu motie e. Motie, mé ekʉ ka sea syɛɛ ó njɨ yaa elɛʼle bɨna ga ó, bɨna ga bé ó bʉr o mɨsyem.

Lʉkas 10:29

To kœb ó, yeʼle waa a be ó lé ejɨ lɛʼle mpʉ nye a be cɨcyel mʉr ɨ. Nye ntɔʼ dî e Yesʉs ó: «A mɨɔ wam mʉr, nye zé?»

Rôm 8:33

Zé ndɨ e nkul epur mɨpɛha mɨ bʉr mo Zyɛm? Zyɛm nyɛɛ, nye abe e nkul esa no, ebe, nye mʉr tɨʼ ó b'a sa ó, bɨna biʼe ga mokebe é mih me!

Rôm 5:1

Zyɛm mu ó si dwe bɨna ga mokebe ebe taa buʼo bɨna lé ejyɛʼ boo Krɨst ɨ. Ebe no ó bɨna ga e boo Zyɛm mu mbɨmbɨa, dumo e Tî ga wina Yesʉs-Krɨst ɨ.