Lʉkas 18:12 - Kálara Zyɛ̌m Edwán é mpʉ̌n

¹² Me eti mode é sono ngwar zɔʼ ba. É mobi mam mɨmɛh me lé ebi ɨ, me edwe go nkɔb ewʉm tɨ.”

Kálar Nzyɛ̌m : Ejwán é Sáá

¹² Me lɨ́ eti méde ɨ́ sóno ngwár bijɔʼ bibá. Me lɨ́ edwe gó yô pêh ɨ́ mebi mâm mɨ́mɛ̂h mé dí ebi má, jala e nkɔb mpwár ɨ́ menkɔb kám.”

Lʉkas 18:12 ပူးပေါင်းရင်းမြစ်များ

Lʉkas 11:42

«A vwaʼ e bɨn, oFarizyɛŋ, ebe, bɨn dam bi bɨsa ndɨ é twaʼbe e, mpʉ bɨka monumo, bɨka bɨ dʉm ndwe e l'atuŋɔ-mbɛh, bɨn bé ebana dwe Zyɛm nkɔb ewʉm tɨ. To kœb ó, ocɨcyel le kpɛl mo Zyɛm byɛɛ, bɨn bé ebana pyeh bye. Yé ekʉ jala ó, bɨn saʼ bɨsyɛɛla ndɨ e l'ocɨcyel ɨ, le byaa bɨ kpɛl, ajɨha nteme lé edwe nye nkɔb ewʉm é bwa o bɨsa bin byaa.

Mataos 9:14

Ompʉn mo Yʉanes ze dihle fum Yesʉs a be e. Bé ze dî e nye ó: «Ebe yé bɨh e l'oFarizyɛŋ lé eti mode, ompʉn bo bɛɛ l'ati mode ɛ?»

Lʉkas 17:10

«Jwɨʼ gwar e bɨn nteme: é jɔʼ bɨn bé ósil sa mɨlʉmlʉ mimyɛh ɛ, lɛŋɨ ga paʼra win ó: “Bɨna ga bé ó osyɛl o mosa o ndɨ ajala ɛ. Bɨna bé a kʉ ka sea ga ó njɨ bim syɛɛ nye a lomo bɨna ó, bɨna sea ga ɛ.”»

1 Timotɛ 4:8

Ebe, pɨʼa nyʉl wɛɛ, wé ó e ma nyɔm é guu paʼ. Edwaabe Zyɛm lɛɛ, lé e nyɔm é nko paʼ bɨsa bibyɛh, ebe, mʉr lé edwaabe Zyɛm ɨ, Zyɛm ódira monkɛʼ nye a liʼe mʉr waa e ma ɛ, é nko paʼ tiʼ yaa banana, to pyal é tiʼ yé óbe pie e l'esie e mbi jɔʼ yi.

Mataos 6:1

«Diʼe ga ncye é lɔb esa lɛʼla. Adwiibɨ ga Zyɛm é mih mo bʉr, ó bɨn nkʉʼ beɔ. ǃBɨn si sa no nɛʼɛ, bɨn bé aŋa bi mpaŋ myɛna boo Sɔŋ win ndɨ é jobo kʉ ɨ.

Éfɛsɔs 2:9

Nye a baacwɨa e bɨn ebe yʉʉ mpaŋ syɛɛla yin. Ndwe nteme, yé ajala ó, mʉr doʼa e nye mʉr tɨ.

Galásia 1:14

É bʉr o mya wam, me ó b'a bul du buʼo oYʉden. Leme, wé a be ó me é ntɨɨɨŋ ó, me duʼo mɨnjwɨr bɨmpam bih byé a liʼe bɨh e mye e.

1 Korɛnt 1:29

Abe e mʉr ngwar ndɨ e nkul edoʼo e bɨsyɛɛla bye é mih mo Zyɛm.

Rôm 3:27

É mpʉ yé ndɨ no e, zê mʉr óbana to dolo lé edoʼo e bɨsyɛɛla bye nye mʉr tɨʼ ɛ? Hɨʼɨ, yʉʉ sɔʼɔ, yé abe no. Yé ndɨ ekamle bɨna lé edoʼo ga? Zê motie mo Zyɛm ó ndɨ ekamle bɨna ga lé edoʼo ɛ? Hɨʼɨ, sa ndɨ esa ó, bɨna beʼ l'aka doʼo ga ɛ, yé ó buʼo bɨna mu lé edu ga ɛ,

Mataos 6:16

«No ó, é jɔʼ bɨn lé eti mode e, mʉr alwaare monceme mpʉ baanya-bɨkʉʉŋʉ lé esa-sa ɛ. Bé elwaare-lwaare monceme ó, lé ekpɛl lɛʼle bʉr ó, bé mu ó lé eti mode. Me elɛɛ bɨn cyecye ó nɛɛ: bɨ bɛa bi mɔɔ myɛna.

Mataos 6:5

«Jɔʼ bɨn lé ejwɨʼla e Zyɛm ɨ, asa ga mpʉ baanya-bɨkʉʉŋʉ lé esa ɛ. Bé ejwɨʼla-jwɨʼla ó, ocɨcyel é mompah mɨnjwɨʼla mɔɔ le moman mɨmpaʼa, ó bʉr, bé beŋɨ be. Me elɛɛ bɨn cyecye ó nɛɛ: bɨ bɛa bi mɔɔ myɛna.

Mataos 5:20

Ebe no, me elɛɛ bɨn ó nɛɛ: ǃɨ ocɨcyel win, wé si be, alaa waa oFarizyɛŋ, nkʉ waa oyeʼle o motie nɛʼɛ, bɨn bé ákwoʼ ni é jwɨ̀ʼa mo Da.»