Lʉkas 17:29 - Kálara Zyɛ̌m Edwán é mpʉ̌n

²⁹ É moho Lot a mʉa ɨ Sodɔm ɨ, siʼe ndwe e pir, byé a si duho é jobo kʉ, swɨɨ bɨbɛh é monyʉl mpʉ moto mo mpie, dimle bɨbɛh.

Kálar Nzyɛ̌m : Ejwán é Sáá

²⁹ Ɨ́ móhó Lôt á duho Sodôm wɨ́, siʼe ti e pir, byé á si duho ɨ́ jʉ́o kʉ́, swɨɨ bɨ́bɛ̂h ɨ́ menyʉ̂l mpʉ métó mé mpíé, dímle bɨ́bɛ̂h.

Lʉkas 17:29 ပူးပေါင်းရင်းမြစ်များ

Mɨngwiha 11:8

No ó, mɨmuu myɔɔ, myé ójyɛʼɔ ó, é mpaʼa é nkɛŋlɛm é bwaʼbwaʼ nkana yaa. É nkana yaa ó Tî ga wina boo nɔɔ a bomlɔ e mosen, bɨnɔ é klos kʉ ɨ. Die e nkana yaa, bé ejebe-jebe le é lwib odim ó, Sodɔm, nkʉ Egipten.

Yʉ̂d 1:7

Sa lɛl, yé ó, toŋla ga nteme bʉr o Sodɔm e Gomɔr, ndwe e bʉr o b'a di é bwa bɨnkana byé a be é nkɔra yaa ɛ. Bʉr baa, bé a si sa bɨmala, le edu mbi bʉr bé ndɨ ajala le ekœb é duo e. Bé a ka bi bɨntɨʼa ó, é siʼe tʉŋlʉ, yaa lé eduo njʉmdia e njʉmdia ɛ. Zyɛm a sa syɛɛla yaa ó, lé elɛʼle mpʉ bʉr ofih, bé ósia nteme e bɨntɨʼa é siʼe yaa ɛ.

2 Pyɛr 2:6

Zyɛm a si dwe bʉr o bɨnkana bɨ Sodɔm e Gomɔr mobe, nye ntɔʼ diʼ bye e siʼe. Nye a sa syɛɛla yaa ó, lé elɛʼle mpʉ bʉr o ndɨ adwaabe nye e, bé ófuʼla ɛ.

Lʉkas 17:28

Jwɨʼ gwar yaa, é jɔʼ mo Lot, baʼ bʉr, bé a be ó lé ede-de mode le monwoʼ, bʉʉ, lé ebwam bɨsɔʼɔ le ebâʼle bɛma. Bé a be nteme ó lé eli bɨpeme le efumo mɨmbɛr.

Lʉkas 17:30

Yé óbe nteme ó, jwɨʼ gwar e gwar yaa é dobo Mwan mo Mʉr óbâʼle nyin ɨ.

Mɨngwiha 14:10

nye óbee nteme mpʉ Zyɛm ókpaa empime e nye e. Nye ósia e l'empime laa mpʉ mʉr lé esia e monwoʼ é jɔʼ bé ndɨ ako ba modibe tɨʼ ɨ. Nye óntɨʼ mʉr waa ó e siʼe ndwe e pir. Nye óntɨʼɔ ó, é mih beengles ndɨ mɨsaŋ ɨ, ndwe e maa mo Ma Ntœme.

Mɨngwiha 19:20

Tir waa bé e mpʉmpʉl ngwiha mɨlɔb we, bé ntɔʼ mɛrɔ. Mpʉmpʉl ngwiha mɨlɔb waa ó b'a sa-sa bɨdweʼle bɨ nkul we é mih mo tir waa. Nye a be ó si gomlo bʉr é bebebebe zi lé elɛʼle be bɨdweʼle bye byaa. Ebe no ó bé a cɨma bɨtwii bye é monyʉl mɔɔ ɛ. Bé a be ó si dwiibɨ nteme baŋabaŋa dweʼle ye. Jɔʼ bé a mɛr tir waa bé e mpʉmpʉl ngwiha mɨlɔb we e, bé ze guho be é Bɨ-siʼe mɨkublakubla. Siʼe e pir, byé eduo tɨʼ ó moho e pum mɨcye.