Lʉkas 16:28 - Kálara Zyɛ̌m Edwán é mpʉ̌n

²⁸ Ebe, me e l'obɨɔ otɛn ɔɔ. Loma nye ó, nye toʼ, to bal be, ebe, bé amu ze nteme kaʼ é gumo ndɨ é bul gumba yiʼ ɔɔ!”

Kálar Nzyɛ̌m : Ejwán é Sáá

²⁸ Ebě, mé e bɨ́ɔɔ́ otɛ̂n. Nye tô cɨ̂l bê, ebě, bé ntémé ámû jaá nze kâʼ ɨ́ gúmó dí ɨ́ buú gunwa yɨ̂ʼ ɔ̌!”

Lʉkas 16:28 ပူးပေါင်းရင်းမြစ်များ

Mɨlʉmlʉ 20:23

Dam be no, me egʉa ó, njɨ é nkana yiyɛh me lé ecwɨɨ ɨ, Mbɨambɨa Sisim, nye ekʉ bal me ó, me ókaʼɔ e mɨkʉkob, ó me bɔma e mɨtuu e mɨndɛl,

Mɨlʉmlʉ 2:40

Pyɛr ze bâʼle boʼlo be myʉʉ mɨlɔb é buobuo, to le egba be nkul é monyʉl. Nye ó: «Kpɛŋɨ ga efie! Syɛhla ga ozyɛhozyɛh o bʉr o mya wi.»

1 Tesalonika 4:6

Mʉr beʼ l'antaa etie, nkʉ gwìh e mɨɔ we mʉr é mbi waa. Bɨh bé a si bɛa bal bɨn ó, Da Yesʉs, nye ó mokuna-bʉr é mɨlɔb mɨnɨ mimyɛh. Yé ó sa bɨh bé a bɛa lɛɛ bɨn, lé eyɨm nkpaa.

Lʉkas 16:27

«No ó mbil bɨsa a lɛɛ e nye ó: “Da ɔɔ! Yé be ó, yé ó no nɛʼɛ, me ejwɨʼla e go ó, go loma Lazar é mbɛr mo sɔŋ wam ɔɔ!

Mɨlʉmlʉ 8:25

Jɔʼ mɨlʉmlʉ mɨmba myaa, myé a sil tuno mɨlɔb mo Da le eboʼlo sa bé a gʉa é lɔb waa ɛ, myé ntɔʼ bâʼle to Yerʉsalɛm. Zi e zi, bé a be ó lé eto le etuno Mbɨambɨa Lɔɔ é buobuo mokwar mo Samari.

Mɨlʉmlʉ 10:42

Nye a lomo bɨh ó, bɨh toʼ le elɛɛ oYʉden Mbɨambɨa Lɔɔ, le eboʼlo ó, Yesʉs ó ndɨ mʉr nye a cyel é dia tiʼà mɨlɔb, waa ótiʼe mɨkubla le odwè mɨlɔb ɨ.

Mɨlʉmlʉ 18:5

É jɔʼ Silas bé e Timote, bé a duho Masedwan ɨ, Pol ntɔʼ lɛŋ jɔʼ ye yiyɛh njɨ lé elɛɛ bʉr lɔɔ Zyɛm, le eboʼlo é mih mo oYʉden ó, Lœma mulo mo Zyɛm ó ndɨ Yesʉs.

Mɨlʉmlʉ 20:21

Me a si boʼlo boo oYʉden, ndwe e bʉr o bɨkul bɨfih ó, bé gwɨma mobebe mɔɔ le edwir mɨleme, lé esa Zyɛm mojoʼo. Bé jyɛʼɛ taa buʼo yɔɔ boo Tî ga wina Yesʉs.

Mɨlʉmlʉ 20:24

mɛm yɛɛ lé ebee ó, tiʼ yam, yé abe me dime sɔʼɔ. Nyɔm wam, wé njɨ ó, me fimɨ é duò bɨjʉʉ, to pyal é l'odumo, le efwahle syɛɛ Da Yesʉs a liʼe me e. Syɛɛ yaa, yé ó lé eto le eboʼlo Mbɨambɨa Lɔɔ, waa ndɨ elɛʼle ncwɨncwɨa mo Zyɛm ɨ.

Mɨlʉmlʉ 23:11

É pum wé a ka bɔma ɛ, Da Yesʉs ze pyal nye, ntɔʼ lɛɛ e nye ó: «Tʉmɨ nyʉl! É mpʉ gɨ sil boʼlo bɨsa go lé egʉa é lʉ wam ɨ Yerʉsalɛm ɨ, yé ekʉ jala ó, go saʼ no ɨ nkana Rom.»

Mɨlʉmlʉ 26:22

Sa gwar, Zyɛm a si kʉ kamle e me, ze pyal é muh é dobo lɨ. Me dina ó wâ, lé elɛɛ bʉr bɨbɛh lɔb mo Yesʉs, taare é baanteʼenteʼe, to pyal é l'osabene. Me alɛɛ yʉʉ sa fih, njɨ mɨlɔɔ lé etiibe e bɨsyɛɛla ogwiha o mɨlɔb ndwe e Moyiz bé a bɛa lɛɛ ó, byé ósyɛɛlɨ ɨ.

Mɨlʉmlʉ 28:23

Bé ze cyel moho, bé e boo nɔɔ, bé a be ó, bé óbɔma ɛ. É jɔʼ moho waa, wé a pyal ɨ, bé ntɔʼ ze e bʉr é buobuo, ze kœb nye é gumo nye a di-di ɨ. Taare é mɛn, to pyal é bii kʉʼ, Pol a be ó lé epɛʼle be lɔɔ Zyɛm, le eboʼlo, tiibe e jwɨ̀ʼa mo Zyɛm, ndwe le esaa ó, nye dulo ó be, ó bé buʼla sikʉlʉ nye a dwe lé etiibe e Yesʉs ɨ. Nye a kœb-kœb sikʉlʉ nɨ ó, é motie mo Moyiz ndwe e sikʉlʉ ogwiha o mɨlɔb, bé a dwe e.

Galásia 5:3

Me ebâʼle lɛɛ e bɨn ó, mʉr lé esaŋɔ mpʉn ɨ, nyi mɛrɔ é mpila motie maa! Mʉr waa, nye é mpila ó, nye duʼo motie maa mɨmɛh é jɔʼ yaa.

Éfɛsɔs 4:17

Ebe no ó me lé elɛɛ e bɨn, le eboʼlo é die mo Da Yesʉs ó, yé ajala ó, bɨn kœʼœ ebò e cyen egwar, bɨn e bʉr o ndɨ abuʼla ɛ. Bé ekʉ ka sa ó njɨ baambɛhambɛha o bɨsyɛɛla, ebe, mɨpɛhla myɔɔ, myé ó mbɛh e mbɛh.

1 Tesalonika 2:11

Bɨn bé ekʉ gʉa nteme ó, bɨh bé a si cwɨa e mʉr nyiwɛh é l'esama lɨn mpʉ sɔŋ lé ecwɨa e bwan be e.