Lʉkas 16:24 - Kálara Zyɛ̌m Edwán é mpʉ̌n

²⁴ Nye ntɔʼ lwib e nye lé eyɨm twii ó: “Da Abraham ɔɔ! Jwɨʼɨ me nkoo ɔɔ! Lomla me Lazar, nye duba odumo o dine ye é modibe, nye ntaʼ, ze dwe jɨm yam motala ɔɔ! Ebe, me é bul sia e siʼe é mɨnjʉl miʼ ɔɔ!”

Kálar Nzyɛ̌m : Ejwán é Sáá

²⁴ Nye ntɔ̂ʼ bʉ̂ édwê. Nye ó: “Dâ Abraham ɔ́, jɨ́ʼɨ́ɨ́ mé nkoó ɔ̌! Lómláá mé Lazare, nye dúbaa odumo ó diné yé ɨ́ medíbé, nye e nzé dwě jɨ́m yâm metala ɔ̌, ebě, me lɨ́ ebuú jaʼra e siʼe ɨ́ minjʉl mî.”

Lʉkas 16:24 ပူးပေါင်းရင်းမြစ်များ

Mɨngwiha 22:1

No ó, engles waa ze lɛʼle me dibe. Modibe mo tiʼ, mé a be ó lé egʉ é sʉm dibe waa, modibe mo tɨʼ é ncyɛh-ncyɛh, mpʉ la. Dibe yaa, yé a gʉ sʉm ó, lé etaare é dia taʼa mo Zyɛm bé e Ma Ntœme,

Yʉanes 4:10

Yesʉs ntɔʼ lɛɛ e nye ó: «Nkʉ go be ó be, gʉa etʉm Zyɛm lé entɨh-ntɨh bʉr ɨ, ndwe e mʉr lé ejaʼ go modibe nɛʼɛ, mpa go ô jaʼ nye modibe lé esah ɛ. Nye si ngbaa dwe nteme go ma.»

Yʉanes 4:14

Sa gwar, mʉr nyiwɛh óde modibe me ódwe nye e, nye aŋa ka joʼo dweh modibe, ebe, modibe me ódwe nye e, mé ólihba eno é leme we tʉŋlʉ, gumo tiʼ molu mo mpoʼ mɨmɛh, yé ódɨ sah ɛ.»

Mataos 25:41

«Pie tɨ, nye ólɛɛ e baa ndɨ nye é mbo emyɛl ó: “Pʉʼa ga gumo me ndɨ ɨ, bʉr o Zyɛm a bɛa káale e. Toʼ ga é siʼe lé eduo njʉmdia e njʉmdia ɛ, siʼe Zyɛm a bɛa tira é l'efu mo Njwɨɨ moleme bé e beengles be e,

Mɨngwiha 20:15

Bʉr o b'a be, abe e mie mɨtila é kalara tiʼ ɨ, bé nteme, bé a si guhɔ é Bɨ-siʼe.

Jacques 3:6

Yé ó kʉ be cyecye ó, jɨm, yé ó mpʉ siʼe! Bɨsyɛɛla bɨ ozyɛhozyɛh bibyɛh, byé eduho ó tɨ. Dia jɨm lé edi é bɨfum bɨ nyʉl mʉr ɨ, yé esa ó, bana kʉ lœʼ kubo mʉr wiwɛh ntinɨ. Jɨm, yé é bul nara siʼe é jɔʼ siʼe yaa, yé ó yaa lé eduho é Bɨ-siʼe e.

Lʉkas 16:30

Mbil bɨsa, nye ó: “Da Abraham ɔɔ! Bim yaa, yé ajala ɔɔ! Sa gwar, ǃɨ mʉr si duhɔ é l'odwè, to kœb be nɛʼɛ, bé ógwɨma mobebe mɔɔ, le edwir mɨleme ɔɔ!”

Lʉkas 3:8

Guma ga mɨmpaŋ mɨ mpumo lé ejala e bʉr mu si gwɨma mobebe mɔɔ, dwir mɨleme e. Ataare ga lé elɛɛla paʼra win ó: “Bɨna ga bé e sɔŋ ó, Abraham,” ebe, me elɛɛ bɨn cyecye ó nɛɛ: Zyɛm óbɛm liŋ mokoʼ maʼ bwan mo Abraham.

Jacques 2:13

Mʉr ndɨ ajwɨʼ bʉr nkoo e, nye nteme, nye aŋa jwɨʼɔ nkoo é dobo Zyɛm ótiʼe lɔb we e. Njwɨʼa-nkoo, wé ekʉ doʼo é mih mo tiʼ mɨlɔb.

Mɨngwiha 19:20

Tir waa bé e mpʉmpʉl ngwiha mɨlɔb we, bé ntɔʼ mɛrɔ. Mpʉmpʉl ngwiha mɨlɔb waa ó b'a sa-sa bɨdweʼle bɨ nkul we é mih mo tir waa. Nye a be ó si gomlo bʉr é bebebebe zi lé elɛʼle be bɨdweʼle bye byaa. Ebe no ó bé a cɨma bɨtwii bye é monyʉl mɔɔ ɛ. Bé a be ó si dwiibɨ nteme baŋabaŋa dweʼle ye. Jɔʼ bé a mɛr tir waa bé e mpʉmpʉl ngwiha mɨlɔb we e, bé ze guho be é Bɨ-siʼe mɨkublakubla. Siʼe e pir, byé eduo tɨʼ ó moho e pum mɨcye.

2 Tesalonika 1:8

Nye óze lé eze kab bʉr o ndɨ abuʼla ɛ, bɨntɨʼa, e baa ndɨ asa mojoʼo é jɔʼ bé lé ejoʼo Mbɨambɨa Lɔɔ mo Tî ga wina Yesʉs ɨ.

Rôm 4:12

Nye nteme óbe ó sɔŋ é l'efu e bʉr o ndɨ ejyɛʼ taa buʼo yɔɔ boo Zyɛm é jɔʼ bé ndɨ si saŋɔ mpʉn ɨ. Bé abe lé esaŋɔ mpʉn nye ome. Bé ó baa ndɨ esaŋɔ mpʉn ndwe le ekœʼ ebò e cyen mo Abraham, laa nye a kœʼ, nye l'apa saŋɔ mpʉn ɨ.

Yʉanes 7:37

É moho epihe le ebʉʼ, moho nɨnɨ, Yesʉs ze to cyɛb teme bʉr, ze tuno ó: «Mʉr lé ejoʼo dweh modibe nwa ɔɔ, nye ntaʼ boo me, ze bɛble ɔɔ!

Mataos 5:22

Ebe no, me elɛɛ bɨn ó nɛɛ: mʉr nyiwɛh lé ekpaa empime e mɨɔ we e, nye ótoŋɔ e nye é mpah mɨlɔb. ǃƗ mʉr si lɛɛ e mɨɔ ó: “Go sa gʉʼlʉgʉ yi” nɛʼɛ, nye ótoŋɔ e nye é mih mo Bʉm Nɨnɨ. ǃƗ mʉr si lɛɛ ó “Go sa gʉʼ yi” nɛʼɛ, nye ótoŋɔ e nye é Bɨ-siʼe ndɨ é diʼa ɛ.

Mataos 3:9

Adɨ lɛɛla ga paʼra win ó: “Bɨna ga bé e sɔŋ ó Abraham,” ebe, me elɛɛ bɨn cyecye ó nɛɛ: Zyɛm óbɛm liŋ mokoʼ maʼ bwan mo Abraham.

Lʉkas 19:9

No ó, Yesʉs a lɛɛ e nye ó: «Bʉr o mbɛr wi, bɨ bi tiʼ molu mo mpoʼ mɨmɛh muh, ebe, mʉr nwaʼ nteme, nye ó ma nta mo Abraham.