Lʉkas 16:16 - Kálara Zyɛ̌m Edwán é mpʉ̌n

¹⁶ «Motie mo Moyiz ndwe e sikʉlʉ ogwiha o mɨlɔb bé a dwe e, byé a di ó, é di di di, to pyal é Yʉanes. Taare é jɔʼ nye a pyal ɨ, to dolo, bʉr, bé mu ó lé etuno Mbɨambɨa Lɔɔ lé etiibe e jwɨ̀ʼa mo Zyɛm ɨ. Mʉr nyiwɛh, nye mu ó lé eni tɨʼ e nkul.

Kálar Nzyɛ̌m : Ejwán é Sáá

¹⁶ «Metié mé Moyɨ̂z le mekaná mé ógwíha o mílɔ̌b, mé á di ó, ɨ́ bea bea, tó pyâl ɨ́ jɔʼ mé Yʉánɛs Ndubʉr. Táare ɨ́ jɔʼ yaá, tô dóló, bé mû ó lɨ́ etúnǒ Mbɨambɨa Lɔ́ɔ dí edumo e Mpóʼo mé Nzyɛ̌m wɨ́. Mʉr nyɨnyɛ̂h, nye mû ó lɨ́ enî tɨ̂ʼ e nkul.

Lʉkas 16:16 ပူးပေါင်းရင်းမြစ်များ

Mataos 21:32

ebe, Yʉanes a ze paʼra win ó, lé elɛʼle bɨn cɨcyel zi, bɨn bɛɛ l'akpɛl buʼla nye. To kœb ó, onwɨa o tœa ndwe e mɨmbambama bɛɛ, bé a si buʼla nye. Bɨn bɛɛ nteme lé ebee no, bɨn bé a baagwɨma mobebe mɨn, nkʉ dwir ba mɨleme, le ebuʼla lɔɔ we.»

Yʉanes 1:45

Pie tɨ, Filip ze to bee Natanaɛl. Nye e nye ó: «Bɨh bɨ bee mʉr lɔb we ndɨ tila é motie mo Moyiz, waa ogwiha o mɨlɔb, bé a tile, tiibe e nye e! Mʉr waa, nye ó Yesʉs, mwan mo Yoseb, mʉr Nazarɛt!»

Lʉkas 16:31

«No Abraham a lɛɛ e nye ó: “ǃBé si bene lé ejoʼo Moyiz bé e l'ogwiha o mɨlɔb nɛʼɛ, lɛɛ ó, bé aŋa mɛʼle lé ejoʼo mʉr ópàh é foo nwa ɔɔ!”»

Mataos 3:2

Nye a lɛɛ-lɛɛ e bʉr ó: «Gwɨma ga mobebe mɨn ɔɔ! Bɨn bé à dwir mɨleme ɔɔ, ebe, jɔʼ Da ócyel jwɨ̀ʼa ye cyecye e, yé mu ó kunokuno le epyal ɔɔ!»

Mɨlʉmlʉ 3:18

To kœb ó, é mbi nɨ ó Zyɛm a bir ó, bʉr saʼ syɛɛla ebebe nye a bɛa lɛɛ ó, bé ósa ɛ. Yé ntɔʼ syɛɛ no ó, lé edira mɨlɔɔ nye a bɛa lɛɛ é mɨnʉm mɨ ogwiha o mɨlɔb be ó, Lœma mulo mo Zyɛm ósia e mɨtuu no, nye ntɔʼ dwè.

Lʉkas 16:29

Abraham ntɔʼ bɨha ó: “Hɨʼɨ ɔɔ! Obɨɔ bo, bé e l'okalara o motie Moyiz a tile e, ndwe e sikʉlʉ ogwiha o mɨlɔb, bé a dwe yi ɔɔ! Bé joʼla be ɔɔ!”

Lʉkas 10:11

“Mbe ga: é mpʉʼ ó bɨh lé etɨ koho dih ɨ! Gʉŋa ga yɛɛ ó, jɔʼ Zyɛm ócyel jwɨ̀ʼa ye cyecye e, yé mu ó kunokuno le epyal.”

Lʉkas 10:9

Tiʼɨ ga mɨsyoblʉ mɨ nkana yaa. Bɨn bé à lɛɛ bʉr o nkana yaa ó: “Jɔʼ Zyɛm ócyel jwɨ̀ʼa ye cyecye e, yé mu ó kunokuno le epyal ɔɔ!”

Mataos 4:17

É dobo laa ó Yesʉs a ze taare lé etuno ó: «Gwɨma ga mobebe mɨn ɔɔ! Bɨn bé à dwir mɨleme ɔɔ! Ebe, jɔʼ Zyɛm ócyel jwɨ̀ʼa ye cyecye e, yé mu ó kunokuno le epyal ɔɔ!»

Lʉkas 9:2

Nye ntɔʼ lomo be ó, myé toʼ le elɛɛ Mbɨambɨa Lɔɔ lé e tiibe e jwɨ̀ʼa mo Zyɛm ɨ, le etiʼ mɨsyoblʉ.

Markus 1:14

Pie tɨ, Yesʉs ze to Galɨle, to le elɛɛ Mbɨambɨa Lɔɔ lé eduho boo Zyɛm ɨ. Tina, yé a be ó Yʉanes, nye osi gbaŋɔ é mbʉʼ.

Mataos 10:7

Zi e zi, dɨʼe tuno ga ó: “Jɔʼ Zyɛm ócyel jwɨ̀ʼa ye cyecye e, yé mu ó kunokuno le epyal ɔɔ!”

Yʉanes 12:19

OFarizyɛŋ ze taare lé elwibla paʼra wɔɔ. Bé ó: «Mbe ga: bɨna bé aŋa koʼo ga nye! Bʉr bɨbɛh mu kʉ ka du mʉr ó njɨ nye!»

Yʉanes 11:48

ǃBɨna si bir ga nye nɛʼɛ, bʉr bɨbɛh, bé ójyɛʼ taa buʼo yɔɔ boo nye! É jɔʼ yaa, bʉr o Rom, bé òze, ze bʉ Mpah Tî ga wina, le elwimla dɔm e kul ga yina!»

Markus 1:45

Dam be mpʉ Yesʉs a si lɛɛ nye no e, mʉr waa a kʉ ka sa ó njɨ to le emyɛʼ lɔɔ waa é gumo yiyɛh. Ebe no ó Yesʉs a baabe e nkul eka ni é bɨnkana é pono e. Nye a fuo ka di-di ó, njɨ é bɨlʉn. Bʉr, bé a be lé eto boo nye ó, duho-duho é bɨgumo bibyɛh.

Mataos 4:23

No ó Yesʉs a to le ekœʼ é bɨgumo bɨ Galɨle bibyɛh, to le eyeʼle bʉr é mompah mɨnjwɨʼla mɔɔ, le elɛɛ Mbɨambɨa Lɔɔ lé etiibe e jwɨ̀ʼa mo Da ɛ, le etiʼ mɨsyoblʉ mɨ kul bʉr ye, lé epɛʼ mosyɛb mɨmɛh le bɨjyɛm bibyɛh.

Mataos 15:11

Sa ndɨ elœʼ mʉr é mih mo Zyɛm ɨ, yé abe yaa mʉr lé ede e. Sa ndɨ elœʼ mʉr é mih me e, yé ó yaa lé eduho mʉr waa é nʉm ɨ.»

Yʉanes 5:4

Ebe, nuu engles a be ó lé efulo é byʉʉ bɨjɔʼ, ze pyal é bœh ejwɨ̀a yaa, ze pɨʼ modibe mo tɨ. Syoblʉ efoʼ wé a fulo pie pɨʼa modibe waa ɛ, wé a be ó si tiʼe é nko paʼ esyɛb le, lé dam be láa.]