Lʉkas 16:15 - Kálara Zyɛ̌m Edwán é mpʉ̌n

¹⁵ Yesʉs ntɔʼ lɛɛ e be ó: «Bɨn bé elɛʼle-lɛʼle bʉr ó, bɨn ó ndɨ ocɨcyel. Sa gwar, Zyɛm, nye egʉa mɨleme min! Ebe, sa bʉr lé ebul seʼle e, Zyɛm, nye ebula bene ye mpene-numo.

Kálar Nzyɛ̌m : Ejwán é Sáá

¹⁵ Yésʉs ntɔ̂ʼ lɛ́ɛ e bé ó: «Bɨ̌n bé lɨ́ elɨlɛ̂ʼle bʉ̂r ó, bɨ̌n ó dí otîtyěl. Sâ gwár, Nzyɛ̌m, nye lɨ́ egʉ́a mílémé mín, ebě, sá bʉ̂r dí ebuú sêʼle yɨ́, Nzyɛ̌m, nye lɨ́ ebene yé mpene-numó.

Lʉkas 16:15 ပူးပေါင်းရင်းမြစ်များ

1 Korɛnt 4:5

No ó, atiʼe ga lɔb mo nuu mʉr cye yiyɛh yé l'apa pyal jɔʼ elab ɨ. Bona ga ó, Da, nye ntaʼ. Nye ópyɛl sa ndɨ é l'edurʉ ɨ, cen ye é myɛn. Nye ógwih bɨjwɨʼ bʉr lé ebà é mɨmo si ɨ. É jɔʼ yaa ó Zyɛm óseʼle bʉr be, dwe mʉr nyiwɛh kum ójala e nye e.

Mɨlʉmlʉ 15:8

No ó, Zyɛm, waa lé egʉa mɨleme mɨ bʉr ɨ, a si kʉ lɛʼle ó, nyi mɛʼle be, ebe, nyi ntɨh be Sisim we é mbi nye a ntɨh bɨna ga wa ɛ.

1 Pyɛr 3:4

Laa ó, ojaa win, wé diʼe no, fuo gba ga yɛɛ ojaa é leme tʉŋlʉ. Ojaa waa, wé abe e nkul esie. Leme win diʼe é pyɛɛɛ. Diʼe ga é tala njwɨr. Ojaa waa, wé é buo dime é mih mo Zyɛm.

Lʉkas 11:39

No ó Da a ze lɛɛ e nye ó: «Bɨn oFarizyɛŋ ba! É jɔʼ bɨn lé ejɨ pub bɨfua e l'okob ɨ, bɨn bé efuʼro bye njɨ é nko paʼ kʉl. To kœb ó, bɨfua byaa, byé ó lwɨŋla e bɨsa ndɨ é bebe e. Bɨn bé é bul kpɛl dɛn bɨsa bɨ bʉr, bɨn nteme e l'ebebe é leme.

Lʉkas 10:29

To kœb ó, yeʼle waa a be ó lé ejɨ lɛʼle mpʉ nye a be cɨcyel mʉr ɨ. Nye ntɔʼ dî e Yesʉs ó: «A mɨɔ wam mʉr, nye zé?»

Mɨngwiha 2:23

Me nteme, me ójʉ nye bwan. Ebe no ó mɨmbɛr mɨ Zyɛm mimyɛh, myé óka gʉa ó, mɛm ó ndɨ egʉa mɨpɛhla ndwe e bɨgwɨma bɨ bʉr ɨ. É mbɛr Zyɛm win, mʉr nyiwɛh ósa yiʼ syɛɛla nkʉ yʉʉ ɨ, me ójɛna nye syɛɛla ye ó, du mpʉ ye ndɨ ɨ.”

1 Pyɛr 5:5

Bɨn mɨsoho, yé ejala ó, bɨn filɨ monyʉl si é mih mo otamabʉr. Bɨn bɨbɛh, filɨ ga monyʉl si paʼra win, ebe, yé ó tila ó: «Zyɛm, nye esa bʉr o ndɨ enkɛɛ monyʉl mɔɔ ɛ, mongan. Baa ndɨ efil monyʉl si ɨ, bɛɛ ó ndɨ esʉŋɔ mocyɛʼ mo mpom.»

Rôm 3:20

Mʉr ákwoʼ bi mokebe é mih mo Zyɛm ebe mbi nye lé edu motie e. Motie, mé ekʉ ka sea syɛɛ ó njɨ yaa elɛʼle bɨna ga ó, bɨna ga bé ó bʉr o mɨsyem.

Yʉanes 2:25

Nye a baagwɨm ó, mʉr tɨa nye sɔʼɔ, tiibe e mʉr, ebe, nye mʉr tɨʼ a be ó si gʉa sa ndɨ ɨ leme mo mʉr ɨ, é kpɛhla.

Mataos 23:5

Bé esa bɨsyɛɛla byɔɔ bibyɛh ó, bʉr beŋɨ be. Ebe no ó bé lé ebœʼ pɔb motie mo Zyɛm yɔɔ ɛ, le ejyɛɛle mozeʼle lé ezyɛmla si é mɨkan myɔɔ ɛ.

Lʉkas 18:21

Mʉr nɨ ze lɛɛ e nye ó: «Mɨ du motie monɨ mɨmɛh, taare é l'oncyom wam, ze pyal é muh é dobo lɨ.»

Lʉkas 18:11

Farizyɛŋ waa ntɔʼ cyɛb, ze taare lé ejwɨʼla é leme we tʉŋlʉ é mbi wi: “Zyoo e Da Zyɛm, ebe, me abe mpʉ bʉʉ bʉr. Baʼ, bé edɛʼ bɨmɔn byoonkan; bʉʉ, bé ekœʼ é l'ozyɛhozyɛh; bʉʉ nteme, osyɛl o bɨmala. Me edwe go ekiba tɨ, ebe, me abe mpʉ nwɨa tœa nwa.

Mɨlʉmlʉ 1:18

Tina, yé ó, é mɔn Yʉdas a bi tɔɔ myɛna duho é syɛɛla ozyɛhozyɛh ye e, nye ze to bwam peme. É peme gwar yaa, nye ze duma si mbumbur, mo we ntɔʼ bʉl, bɨsa bɨ mo bibyɛh kʉl é lɛʼ-lɛʼ si e si.

Lʉkas 20:47

Bé esà-sà mɨkuho, dɛn-dɛn bɨsa bibyɛh myé ndɨ eliʼ e tɨʼ ɨ. Bé ejwɨʼla-jwɨʼla nteme e Zyɛm ó, bul mokan, lé esa lɛʼla. Bé ó ngo bul dweŋɔ mobe le ekabɔ bɨntɨʼa bɨ tɨ.»

Lʉkas 20:20

Bé ze taare lé ebaʼɔ nye, ze lomɔ bʉr o mpyɔm, nwɨɨla e l'ocɨcyel o bʉr, ó bé lam ó nye é mbi lwib nye óbɨha e be e, bé òkɛha nye é mobo mo ngoman.

Mataos 6:16

«No ó, é jɔʼ bɨn lé eti mode e, mʉr alwaare monceme mpʉ baanya-bɨkʉʉŋʉ lé esa-sa ɛ. Bé elwaare-lwaare monceme ó, lé ekpɛl lɛʼle bʉr ó, bé mu ó lé eti mode. Me elɛɛ bɨn cyecye ó nɛɛ: bɨ bɛa bi mɔɔ myɛna.

Mataos 6:5

«Jɔʼ bɨn lé ejwɨʼla e Zyɛm ɨ, asa ga mpʉ baanya-bɨkʉʉŋʉ lé esa ɛ. Bé ejwɨʼla-jwɨʼla ó, ocɨcyel é mompah mɨnjwɨʼla mɔɔ le moman mɨmpaʼa, ó bʉr, bé beŋɨ be. Me elɛɛ bɨn cyecye ó nɛɛ: bɨ bɛa bi mɔɔ myɛna.

Mataos 6:2

«Ebe no, ǃgo óbe ó lé edwe baanteʼenteʼe o bʉr mɔn nɛʼɛ, ato le elɛɛ sa yaa kʉ kʉ, mpʉ baanya-bɨkʉʉŋʉ lé esa é mompah mɨnjwɨʼla mɨn le moman mɨmpaʼa ɛ. Bé esa no ó, bʉr nkʉʼ seʼle be. Me elɛɛ bɨn cyecye ó nɛɛ: bɨha bʉr, bɨ bɛa bi myɛna mɔɔ.

Yʉanes 21:17

Pie tɨ, nye ze bâʼle dî e nye é jɔʼ lɛl ó: «Simɔn, mwan mo Yʉanes, zê go lé ekpɛl me ɛ?» Pyɛr ntɔʼ liʼ é gœʼra-gœʼra e mocyɛʼ mo nyʉl, ebe, Yesʉs a si bâʼle dî e nye é jɔʼ lɛl ó: «Simɔn, mwan mo Yʉanes, zê go lé ekpɛl me ɛ?» Nye e nye ó: «Da, go egʉa sa yiyɛh! Go ekʉ gʉa nteme ó, me ekpɛl go!» Yesʉs, nye e nye ó: «Kobla daa e bɨntœme lam.

Lʉkas 18:9

Yesʉs ntɔʼ sa kɨkɛna yi, lé edweʼle bʉʉ bʉr. Bʉr baa, bé a buʼla-buʼla ó, bé ó ndɨ ocɨcyel o bʉr é mih mo Zyɛm, bé nteme lé ecyɛl bʉʉ bʉr.

Lʉkas 18:14

Yesʉs ntɔʼ lɛɛ e be ó: «Me elɛɛ bɨn ó, nwɨa tœa waa a ka fiʼ, to mbɛr we ó, nye osi bi mokebe é mih mo Zyɛm, abe mpʉ Farizyɛŋ, ebe, mʉr lé enkɛɛ nyʉl ɨ, nye ófilɔ si; waa lé efil nyʉl si ɨ, nye óbɨnɔ kʉ.»

Mɨlʉmlʉ 1:24

No ó bʉr o gwɨhla bɨbɛh, bé a ze jwɨʼla e Zyɛm, lɛɔ ó: «Da, go ó lé egʉa mɨleme mɨ bʉr bɨbɛh. Lɛʼla bɨh é sama bʉr oba ba, waa go a pɛh ɛ,

Rôm 8:27

Zyɛm, nye ebee sa ndɨ é mɨleme mɨ bʉr ɨ, le egʉa nteme sa Sisim we lé egwɨm ɨ. Nye esa nye mɨnjwɨʼla ó, é l'efu e mɨsaŋ mɨ bʉr mo Zyɛm é mbi ndɨ ejala ɛ.