Lʉkas 16:1 - Kálara Zyɛ̌m Edwán é mpʉ̌n

¹ Yesʉs a lɛɛ nteme e l'ompʉn be ó: «Yé a ze be ó, nuu mbil bɨsa bé e mbɔʼlʉ ekuro we. No ó, bʉʉ bʉr, bé a be ó, lé eze-ze, lé eze pur mbɔʼlʉ ekuro, lé elɛɔ-lɛɔ ó, nye a be ó si sam nye bɨsa.

Kálar Nzyɛ̌m : Ejwán é Sáá

¹ Yésʉs á lɛ́ɛ ntémé le ompʉ́n bé ó: «Nyʉ́ʉ́ kúmá á be ó e mbɔʼlʉ ekúró wé. Nó bʉ́ʉ́ bʉ̂r, bé á si dwe mbɔʼlʉ ekúró waá mebě, le elɛ́ɛ ó, nye á si sam nye bisâ.

Lʉkas 16:1 ပူးပေါင်းရင်းမြစ်များ

1 Pyɛr 4:10

Mpʉ mʉr nyiwɛh é l'esama ga lɨna a bi we mbi ndwɛa ɛ, nye bɨlana e ndwɛa we waa é l'efu le efuʼo bʉʉ bʉr o mbɛr Zyɛm win. Dɨʼe sa ga no, ebe, bɨn bé ó obɔʼlʉ o mɨlɔb mo Zyɛm, lé ekab bʉr mocyɛʼ mo mpom mo Zyɛm mɨmbi mɨmbi.

Lʉkas 12:42

Da ntɔʼ bula dî e nye tia ó: «Wáa mʉr é bɨn ndɨ mʉr ebuʼla, waa ndɨ cɨcyoo mbɔʼlʉ ekuro e? Mbi syɛl mosa waa, nye ó waa njwɨɨ we ócyel é mbɛr we ó, nye diʼe lʉ osyɛl o mosa be. Nye ó ngo kab bʉr o nduo ye monkɔb mode mɔɔ é bɨjɔʼ lé ejala ɛ.

Jacques 4:3

ǃBɨn si fuuba jaʼ nye ya nɛʼɛ, bɨn bé abi, ebe, mɨpɛhla min, myé é bebe. Sa bɨn lé egwɨm ɨ, bɨn bé ekpɛl to lɨr ye ó, njɨ lé edu bɨgwɨma lé eduho é l'ebebe lɨn ɨ.

Títos 1:7

Yé ejala ó, mʉr lé edi é dia mbɔʼlʉ é mbɛr Zyɛm we e, nye diʼe waa ndɨ adweŋɔ mobe e, ebe, mbɔʼlʉ é mbɛr Zyɛm, nye ambɨa, be mʉr pyeh, nkʉ kpɔɔ, nkʉ fufwɔʼ monwoʼ, nkʉ mʉr ndɨ é feha ɛ, nkʉ waa lé esaa bɨsa é mozi ndɨ ozyɛhozyɛh ɛ.

Lʉkas 15:30

No ó, é jɔʼ mwan go nwa, nyi to bula ɛ, waa a sam mobi mo mɨmɛh lé ebwam mɨmbambama ɛ, gɨ jʉ nye ma myaʼ ntɛɛ!”

Lʉkas 15:13

«Bwa molu, bé osi laa nɛʼɛ, waa ncyom ze nʉa we nkɔb mobi, ze to é lal wé a be jaabe e. É lal waa, nye a tiʼe-tiʼe ó, sa tiʼ asiŋa, sa tiʼ entwɨʼ, sil lé esam mɔn ye yiyɛh é pe.

Lʉkas 19:20

«Waa lɛl ze pyal. Nye ó: “Da, mbe saŋ go? Me a baʼle we ó, tiila é l'elire e kan,

Lʉkas 16:19

«Yé a ze be ó, nuu mʉr e bɨsa twiha. Molu mɨmɛh, nye a bwar-bwar ó, mɨkan mɨ akaa-e-kaa ndwe e myaa é pumo-pumo e. Nye a tiʼe-tiʼe dobo lɨlɛh ó, é mopoʼ.

Lʉkas 8:3

bé e Yʉana, myaa mo Kuza, mbɔʼlʉ ekuro mo njwɨɨbʉr Erod Antɨpas. Yé a be nteme ó e Susana, le bʉʉ bʉba é buobuo bé a sea e bʉr o nduo yɔɔ e mobi mɔɔ ɛ.

Mataos 20:8

«No ó, é jɔʼ pum, wé a dwine e, mʉr peme ntɔʼ lɛɛ syɛl mosa we a dɨ jwɨ̀ʼ bʉʉ ó: “Jeba bɨlobila. Go à jɛna e be tɔɔ wɔɔ. Go ótaare jɛna ó e mʉr ze epihe e. Go òka to fwahle e waa ze efoʼ e.”

Lʉkas 16:2

Nye ntɔʼ jebe nye. Nye e nye ó: “Wáa mbi lɔb me lé ejoʼo-joʼo, tiibe e go wi? Lɛʼla me mpʉ go bi-bi bɨsa byam ɨ, ebe, go abe e nkul eka di mbɔʼlʉ ekuro lam!”