Lʉkas 15:22 - Kálara Zyɛ̌m Edwán é mpʉ̌n

²² No ó sɔŋ a ze lɛɛ e l'osyɛl o mosa be ó: “Kpahba ze ga e mɨkan mɨ nyaŋa. Bœrɨ ga nye mya. Fwama ga nye lono é dine. Bœrɨ ga nye nteme osilpah é mokʉ.

Kálar Nzyɛ̌m : Ejwán é Sáá

²² Nó ó sɔ́ŋ á nze lɛ́ɛ le osyɛ̂l o mésá bé ó: “Kpáhwá nze gá e mikán mí nyaŋá. Bórɨ́ɨ́ gá nye myǎ. Gbáʼ gá nye lɔná ɨ́ diné. Bórɨ́ɨ́ gá nye ntémé osípah ɨ́ mekʉ̌.

Lʉkas 15:22 ပူးပေါင်းရင်းမြစ်များ

Mɨngwiha 6:11

No ó nye a nʉa bɨdur é pumo-pumo, bœr bɨbɛh, le elɛɛ e be ó, bé dihba ba titia, to pyal é jɔʼ bɨɔ bɔɔ ndɨ é l'empomo e syɛɛ egwar ɨ, bé taara jʉŋɔ nteme mpʉ be. Ebe no ó bé e boo nɔɔ, bé ósa sama ntinɨ ɨ.

Mɨngwiha 19:8

Nyi dweŋɔ nkul ekʉba ndomo kan é pumo-pumo é bamra.» Tina, yé ó, ndomo kan é pumo-pumo waa, wé ó dweʼle, sa lé elɛʼle mɨmpaŋ bɨsyɛɛla mɨsaŋ mɨ bʉr lé esa ɛ.

Mɨngwiha 7:9

Jɔʼ ze laa ba, me ze bee bʉr mobɨʼ mopam, abe e tolɔɔ. Bé a be ó bʉr o bɨkul bibyɛh, bʉr o moveh mɨmɛh, bʉr o mɨlal mimyɛh, ndwe e bʉr o bɨlwib bibyɛh. Bé a be ó tɨʼ bɨbɛh é l'empom e dia taʼa ndwe e Ma Ntœme. Bé a be ó e bɨdur é pumo-pumo é monyʉl le mompuho mo elen é mobo.

Rôm 8:15

Sisim Zyɛm a ntɨh bɨn ɨ, wé abe lé edil bɨn é dia olʉa é l'efu ó, bɨn bâʼla joʼo bʉa. Wé etœʼ bɨn si, ze cyel bɨn é dia bwan o mobœʼa mo Zyɛm. Wé ó ndɨ esa ó, bɨna jeba ga Zyɛm kʉ kʉ ó: «Abba! Da!»

Mɨngwiha 2:17

«No ó, mʉr ndɨ e mogwal mo ejoʼo e, nye joʼa mokan Sisim lé elɛɛ mɨmbɛr mɨ Zyɛm ɨ. Mʉr nyiwɛh óbe si ntaa, bula e l'esaa é koo e, me ódwe nye manne lé edi é l'efo e. Me ódwe nye nteme ekoʼ epumo e tila die le tɨ. Die laa, lé ó die edwan le. Nuu mʉr fih, nye abe e nkul egʉa le, nkʉ yé abe waa lé ebi le e.»

Galásia 3:27

Ebe, mʉr nyiwɛh é l'esama lɨn a nʉa ndubo é modibe, ntɔʼ di é zyɛŋa wɔɔ boo Krɨst ɨ, nyi «bwar» Krɨst é nyʉl!

Rôm 13:14

Diʼe ga é zyɛŋa win boo Da Yesʉs-Krɨst. Bwara ga nye mpʉ kan. Acen ga mɨleme min é nko paʼ bɨsyɛɛla nyʉl bɨpuno win lé egwɨm sa ɛ.

Mɨngwiha 3:18

Me etɨe bɨn ó: ǃbɨn si gwɨm bi mpaŋ okum nɛʼɛ, bwama ga gol yam. Yi duho é duro e molul. Bwama ga mɨkan mɨpumo. Bɨn bé à bwar mye, aka di fufwah é nda ndwe e fwon. Bɨn bé à bwam nteme mir etwaale é mih, ó bɨn nkʉʼ bula bee.”

Éfɛsɔs 6:15

Gbaʼ ga monyʉl lé elɛɛ Mbɨambɨa Lɔɔ motala Zyɛm lé edwe bʉr ɨ. Tuno waa, wé diʼe bɨn tɔɔ ongʉb bɨn lé ebwar, to e be fum yiyɛh ɛ.

Rôm 3:22

Zyɛm mu lé edwe bʉr mokebe é mih me ó, njɨ ebe taa buʼo bé lé ejyɛʼ boo Yesʉs-Krɨst ɨ. Zyɛm a kar zi waa ó, é l'efu e baa bɨbɛh lé ejyɛʼ taa buʼo yɔɔ boo nye e, ebe, bʉr bɨbɛh, bé ó jwɨʼ gwar.

Lʉkas 15:21

Mwan waa, nye e sɔŋ ó: “Da, mɨ sa bwaʼbwaʼ syem é nko paʼ mo Zyɛm le é paʼ go. Me ajala le eka di é cye mwan go...”

Lʉkas 15:23

Ntaʼ ga e ma ntɛɛ, waa ndɨ myaʼ ɛ. Bɨn bé à tiʼe. Bɨna cyelɨ ga zɔɔ bɨsʉhʉ,