Lʉkas 13:8 - Kálara Zyɛ̌m Edwán é mpʉ̌n

⁸ No ó mbɔʼlʉ peme a ze lɛɛ e nye ó: “Cɨcyoʼ ɔɔ! Da mana, paʼ kʉ bir ba ye, yé paʼ bâʼle di guu mbu ngwar. Me ópu ye é mompàh mɨmɛh, me òsʉ bɨbwah bɨ ekunu tɨ.

Kálar Nzyɛ̌m : Ejwán é Sáá

⁸ Nó ó mbɔ̂ʼlʉ pemé á nze lɛ́ɛ e né ó: “Dâ ɛ̌, paá bá bîr yê, yé páa báʼǎ di gúú mbû ngwár. Me ópû yé ɨ́ mempah mɨ́mɛ̂h, mé osʉ bíbwǎh bí ékunuu.

Lʉkas 13:8 ပူးပေါင်းရင်းမြစ်များ

2 Pyɛr 3:9

Da, nye ábɛa le epɛʼ nʉm we é bɛn. Nkʉ bʉʉ bʉr, bé ebee ó, nye edira monkɛʼ me jɔʼ yiyɛh e l'encyoo, é we paʼ, nye sɔʼɔ ó, é buo bihbe e bɨn, ebe, nye agwɨm ó, nuu mʉr dimɨ é nkɔb bʉr. Gwɨma leme we, yé ó, bʉr bɨbɛh gwɨma mobebe mɔɔ, le edwir mɨleme.

Rôm 11:14

Me esa no ó, me nkʉʼ gba kul bʉr yam egu é mɨleme. Diŋa ó, bʉʉ bʉr o sama yih, bé óze bi tiʼ molu mo mpoʼ mɨmɛh é zi waa,

Rôm 10:1

Obɨɔ ga bam aa! Gwɨma leme wam, wé ó oYʉden nkʉʼ bi tiʼ molu mo mpoʼ mɨmɛh. Yé nteme ó ndɨ mɨnjwɨʼla myam.

Lʉkas 13:7

Nye ze lɛɛ e mʉr a baʼle-baʼle nye peme ó: “Paʼ bee: ngbàa me a taare lé enaa-naa lɨ yi, lé eze saa mpumo ofig, mbu lɛl ó ndɨ kʉ wi! Me apa kœb bumo fig gwar tɨ! Me lɛɛ e go ó: twɛ̀lɨ ye. Ebe yé yé lé ede me si, abe e nyɔm ɨ?”

Lʉkas 13:9

Yʉʉ jɔʼ, yé ó e nkul egumo mpumo é mbu ma ze e. ǃYé óbe, aka gumo nɛʼɛ, me òtwɛ̀l go ya.”»

Lʉkas 14:35

Ekpa laa, lé aka be mʉr e nyɔm. Lɨ ka liʼ ó, sʉŋɔ kʉl. Lé ajala le esʉŋɔ é mompœʼ, nkʉ é l'ekunu.» Nye ze ko tɨʼ ó: «Mʉr ndɨ e mogwal mo ejoʼo e, nye joʼa naa.»