Lʉkas 13:21 - Kálara Zyɛ̌m Edwán é mpʉ̌n

²¹ Yé enwɨɨla ó, e levure nuu mʉma a syɛŋ e time bler, kwoʼ be okilo mowʉm moba ɛ, to pyal é jɔʼ time waa, wé a vus wiwɛh ɛ.»

Kálar Nzyɛ̌m : Ejwán é Sáá

²¹ Nyě nwɨɨlá ó e levure. Nyʉ́ʉ́ mʉ́má á si pûhla yé le okílo ó pǔ blêr mekám mébá. Tó kumo ɨ́ jɔ̌ʼ tímé blêr, wé á nkaŋle wɨ́wɛ̂h yɨ́.»

Lʉkas 13:21 ပူးပေါင်းရင်းမြစ်များ

Mataos 13:33

Nye ntɔʼ bâʼle sa be kɨkɛna fih. Nye ó: «Jwɨ̀ʼa mo Da, yé enwɨɨla ó e levure. Nuu mʉma a syɛŋ nye e time bler, kwoʼ be okilo mowʉm moba ɛ, to pyal é jɔʼ time waa, wé a vus wiwɛh ɛ.»

1 Korɛnt 5:6

Yé ambɨa é jɔʼ bɨn lé edoʼo e bɨn bʉr o tɨʼ ɨ, ebe, kɨkɛna, yé elɛɛ ó: «Levure dam twaʼbe, yé óbana sa ó, time bler wiwɛh, wé vusɨ.»

Jacques 1:21

Diʼe ga bʉr o ndɨ é cyɛʼ mɨnjwɨr ɨ. Pɛʼɛ ga ebɨ-leme ndwe e bɨsyɛɛla bibyɛh ndɨ elœʼ bɨn é mih mo Zyɛm ɨ. Yé ó, é laŋle buo! ǃBɨn si sa no nɛʼɛ, bɨn bé ógʉa nʉa lwib ocyecye Zyɛm a ntɨh é mɨleme min tʉŋlʉ ɨ. Lwib ye yaa ó ndɨ e nkul edwe bɨn tiʼ molu mo mpoʼ mɨmɛh.

Filipi 1:6

Mɨ kʉ gʉa ó, Zyɛm, nyi taare lé esa mpaŋ syɛɛla é mɨleme min tʉŋlʉ. Mɨ kʉ gʉa nteme ó, nye óto le esa no, to pyal é jɔʼ nye ósil komlo bɨn é dobo Yesʉs-Krɨst óbula ze e.

Yʉanes 15:2

Mɨlɔɔ mɨ tɨʼ mimyɛh ndɨ agumo mpumo e, nye etiʼe mye. No ó, mɨlɔɔ mimyɛh ndɨ e mpumo e, nye etiʼe-tiʼe bɨntoʼdu lé epah tɨʼ ɨ, le ekomlo mye ó, myé guma mpumo é buobuo.

Yʉanes 4:14

Sa gwar, mʉr nyiwɛh óde modibe me ódwe nye e, nye aŋa ka joʼo dweh modibe, ebe, modibe me ódwe nye e, mé ólihba eno é leme we tʉŋlʉ, gumo tiʼ molu mo mpoʼ mɨmɛh, yé ódɨ sah ɛ.»

Lʉkas 13:20

Yesʉs ntɔʼ bâʼle lɛɛ ó: «Me ólɛɛ bɨn ó, jwɨ̀ʼa mo Zyɛm, yé enwɨɨla e wáa mbi sɔʼɔ ɨɨ?