Lʉkas 13:11 - Kálara Zyɛ̌m Edwán é mpʉ̌n

¹¹ Nuu zyoo mʉma a be ó tɨ. Bɨbla sisim, yé a dil nye zyoo é nyʉl. Nye a kʉ ka di-di ó, njɨ kukur, tɔɔ mɨmbu ewʉm e mwom, aswɨʼa-swɨʼa.

Kálar Nzyɛ̌m : Ejwán é Sáá

¹¹ Gúú mbél mʉ́má, wé á be ó tɨ̂. Nye á be ó e mbɨ́ǎ sísǐm. Wé á sâ nye ó, nyʉ̂l díʼee nye niʼrá. Nye á jaa didi ó, njɨ kûkur, tâŋ mimbû kám e mwom, asɨ́ʼasɨʼa.

Lʉkas 13:11 ပူးပေါင်းရင်းမြစ်များ

Lʉkas 8:2

Esama e bʉr ewʉm e l'oba, bé e bʉba nye a dwih moleme ba ó nye a be-be. Bʉʉ, bé a be-be ó mɨsyoblʉ, nye ntɔʼ tiʼ be. É sama bʉba baa, yé a be ó e Maaria, sile Magdala, waa a dwihɔ moleme tambɛl ɨ,

Lʉkas 13:16

Mʉma nwa, nye ó ma nta mo Abraham. Satan nyɛɛ, nyi bɛa kaʼ nye monkara. Nye mu kɛʼa mbi waa ó, tɔɔ mɨmbu ewʉm e mwom. Bɨntɛɛ pa taare tiɔ é moho saba, a dwɛʼra e mʉr!»

Lʉkas 8:27

Pie Yesʉs a kʉ fulo é byɛl, cyɛb é pɨn, nuu mʉr nkana yaa ntɔʼ to bɔma e nye, mʉr waa e moleme. Nyɛɛ a di-di ó, abe e kan nkʉ ndwe, adi nteme é mɨmbɛr mɨ bʉr. Nye a di-di ó, njɨ mbaa mofoo.

Mɨlʉmlʉ 4:22

ebe, mʉr a tiʼe é zi dweʼle nkul waa ɛ, a be ó e mɨmbu mowʉm monâ e mpuʼ.

Lʉkas 8:43

ǃBé mu zi e zi nɛʼɛ, nuu mʉma ntɔʼ pyal. Nye a be ó syoblʉ, motié lé esolo-solo nye é nyʉl. Yé a be ó, nye osi baran e l'esyɛb laa tɔɔ mɨmbu ewʉm e mɨmba ɛ, si sil mobi me mɨmɛh é pe lé esaa dʉm, akœb mʉr tiʼ nye.

Markus 9:21

Yesʉs ze dî e sɔŋ mwan ó: «Yé mu mɨmbu mɨntɨɛ nye ndɨ e l'esyɛb lɨʼ ɨ?» Sɔŋ ze bɨha ó: «Taare é l'oncyom we, ze pyal é muh é dobo lɨ.

Mɨlʉmlʉ 3:2

Yé ó e lʉʉ ebe lé ndɨ ejebɔ ó, Jaa ebe e. É nkpah ebe laa, yé a be ó e nuu mʉr a byɛl e mokʉ é fwam-fwam ɨ. Dobo lɨlɛh, nye a be ó lé enkɛɔ-nkɛɔ, to jyɛʼɔ-jyɛʼɔ é nkpah ebe laa ó, nye dɨʼe bono bʉr o b'a to dɨ bere é jahla bii mo Zyɛm ɨ. Nye a dɨ sa ó, pyɛh-pyɛh be mobo.

Mataos 4:23

No ó Yesʉs a to le ekœʼ é bɨgumo bɨ Galɨle bibyɛh, to le eyeʼle bʉr é mompah mɨnjwɨʼla mɔɔ, le elɛɛ Mbɨambɨa Lɔɔ lé etiibe e jwɨ̀ʼa mo Da ɛ, le etiʼ mɨsyoblʉ mɨ kul bʉr ye, lé epɛʼ mosyɛb mɨmɛh le bɨjyɛm bibyɛh.

Lʉkas 13:12

É jɔʼ Yesʉs a bee nye no e, nye ntɔʼ jebe nye. Nye e nye ó: «Mʉma! Esyɛb lo, lɨ sie!»

Lʉkas 21:28

É jɔʼ bɨsyɛɛla byaa, byé ótaare lé esyɛɛlɨ ɨ, soha ga. Bɨn bé à syɛm mih kʉ. Jɔʼ Zyɛm ódwih bɨn é mpila ebebe lɨn é pololo e, yé mu ó kunokuno l epyal.»