Lʉkas 12:45 - Kálara Zyɛ̌m Edwán é mpʉ̌n

⁴⁵ Wáa mʉr é l'esama lɨn ndɨ ebula nwɨɨla e bɨbla syɛl mosa ɛ? Mbi syɛl mosa waa, nye ejwɨʼ é leme we tʉŋlʉ ó: “Tî wam, nye ó mpʉ sa lɛɛ ó, nye aŋa lɨ bula.” Nye eka taare lé eŋmɛh osyɛl o mosa o bʉba ndwe e baa o bʉrʉm, le egubo de mode le ebɛble monwoʼ mɔɔ. Mpur, nye òmɛr nye.

Kálar Nzyɛ̌m : Ejwán é Sáá

⁴⁵ Syɛ̂l mesâ waá sí jwɨʼ ɨ́ lémé wé tʉ́ŋlʉ̌ ó: “Yé ó go ó, Sɔ́ŋ wǎm álɨ̌ búla” nɛ́ɛ: nye óbɛ̌m táare ébî bʉ́ʉ́ ósyɛ̂l o mésâ, bʉbá e bʉrʉ̂m. Nye bɛ̌m táare ntémé ede méde le menyoʼ, le epuro ményoʼ.

Lʉkas 12:45 ပူးပေါင်းရင်းမြစ်များ

Mɨngwiha 18:24

«Ndwe nteme, Zyɛm a bee ó, go e mpono motié mo bʉr é nyʉl. Gɨ jʉ ogwiha o mɨlɔb bé e mɨsaŋ mɨ bʉr. Go ó b'a jʉ odil o si nwaʼ bɨbɛh, bim bʉr bé a dwè é cere e.»

Mɨngwiha 16:6

ebe, bé a si kʉ jʉ mɨsaŋ mɨ bʉr myo ndwe e l'ogwiha o mɨlɔb bo. Motié mɔɔ, mɨ bul swɨɨ si. Ebe no nteme ó go a lɛɛ ojʉl bɔɔ ó, bé bɛbla motié e. Yé ó sa lé ekʉ jala e be e!»

2 Pyɛr 2:19

Bé ekɛʼ be ó, bé ópɛʼ be é dia olʉa, dil be é dia otî, bɛɛ yɛɛ njɨ molʉa mo pɨʼ ontʉlontʉl, ebe, sa yiyɛh mʉr lé ebaran e ye, yɛɛ lé entaa nye é nkul ɨ, mʉr waa, nye ó elʉa é l'efu e sa yaa.

2 Pyɛr 2:13

Bé óbi myɛna mo bɨsyɛɛla bɨ ebebe byɔɔ. Bé emɨɨla-mɨɨla ó, lé elɔʼba lé ebwalɔ mozɔɔ teme moho. É jɔʼ bɨn e boo nɔɔ, bé epuhba mobo e, nkʉ bɨn bé ó mpʉ nyʉl ngwar, bɛɛ ó ndɨ mobar mo nyʉl waa! Bé esahle lé ede, lé ekʉ ka du ó njɨ bɨgwɨma byɔɔ,

1 Tesalonika 5:7

ebe, baadwo-bɨlɛr onɨ, bé eja ó, é mɨpum. Mɨnunwoʼ, myé efwaʼ-fwaʼ monwoʼ ó, é mɨpum.

2 Korɛnt 11:20

Bɨn bé ebana dihbe mʉr lé edil bɨn é l'okomo e. Bɨn bé edihbe nteme, mʉr lé ede bɨpuno bin ɨ, le waa lé esà bɨn ɨ. Bɨn bé edihbe molɛɛ-nyʉl, le mʉr lé ejaa bɨn mompɛh ɛ.

Rôm 16:18

Mɨmbi mɨ bʉr myaa, ntʉʼ Tî ga wina Krɨst, bé lé esea. Bé ekʉ ka sea syɛɛ ó njɨ é l'efu e mɨmo myɔɔ! Bé edimle bʉr l'apa gʉa ebɛʼ paʼra embɨa e l'ebebe e, lé ekʉa be é zi lwib mopɨʼ ndwe e moseʼla.

Mataos 22:6

Baa bʉʉ, mɛrɔ osyɛl o mosa onɨ, saŋɔ be cere, jʉŋɔ be.

Lʉkas 12:44

Me elɛɛ bɨn cyecye ó nɛɛ: nye ódwe nye nkul mojwɨ̀ʼa é bɨsa bɨ mbɛr bibyɛh.

Lʉkas 12:46

Njwɨɨ syɛl mosa waa ópyal ó, dobo nye óbe, abuʼla ó, nye e nkul epyal ɨ, é l'ewala nye óbe, agʉa ɛ. Nye ókab syɛl mosa waa bɨntɨʼa ó, byaa ndɨ é nyan nyan ɨ, jwɨʼ gwar e gwar e bʉr o ndɨ ajyɛʼ taa buʼo yɔɔ boo nye e.

Lʉkas 21:34

«Diʼe ga ncye! Monyʉl mɨn, mé amu jaa cyɛʼ ebe mpwaʼ edɨɨ ndwe e mpur monwoʼ, nkʉ ebe mɨpɛhla mɨ tiʼ si nwa. Esie e mbi jɔʼ yi, lé amu jaa pyal bɨn motwɨra, mpʉ tir lé etwɨra é jɔʼ nyi bil é syɛm ɨ.

Yʉanes 2:10

Nye e nye ó: «Mʉr nyiwɛh, nye etaare dwe-dwe ó mbɨambɨa monwoʼ, pie tɨ, maa ndɨ paʼ tɨʼ ɨ, é jɔʼ bʉr, bé óbe, bé mu é mpur ɨ. Sa gwar, gwɔɔ be ó si komo mpaŋ monwoʼ, ze pyal é banana!»

Mɨlʉmlʉ 2:18

Eee, me ólomlo be Mbɨambɨa Sisim, osyɛl o mosa bam, bʉba le bʉrʉm, é molu maa. Bé ógwih mɨlɔb myam.