Lʉkas 12:37 - Kálara Zyɛ̌m Edwán é mpʉ̌n

³⁷ Mocyɛʼ mo mpom, mé e l'osyɛl o mosa sɔŋ wɔɔ ókœb ó, bé be ó si di nkehe e. Me elɛɛ bɨn cyecye ó nɛɛ: nye óbwar mɨkan mye mpʉ syɛl mosa, ntɔʼ sa ó, bé diʼe si, ó bé deʼ. Nye òsea e be.

Kálar Nzyɛ̌m : Ejwán é Sáá

³⁷ Metyɛʼ me mpóm, mé óswɨɨ lɨ́ osyɛ̂l o mésá nyé ngá kœb ɨ́ doho bá. Mě lɛ́ɛ́ bɨ́n lɨ́ otyeetye ó, nye ótyeele káná wé, dil bé ɨ́ téble, ka bé mede.

Lʉkas 12:37 ပူးပေါင်းရင်းမြစ်များ

2 Pyɛr 3:14

Ebe no, obɨɔ o kpɛl bam aa! É mpʉ bɨna mu lé eka bono ga moho waa ɛ, nye ókœb bɨn nyá ɛ? Gbaʼ ga monyʉl lé edi abe e l'ebar, nkʉ ebebe bé a ngbaa nwahle bɨn e la ɛ. Diʼe ga é motala é jɔʼ nye óbula ɛ.

Mataos 24:42

Ebe no, diʼe ga nkehe, ebe, bɨn bé agʉa dobo Tî win óbula ze e.

Filipi 1:23

Leme, wé ó me é mo é zaaama. É wiʼ paʼ, me egwɨm dime mih, to gbala boo Krɨst. Sa yaa ó ndɨ é bul mbɨa.

1 Korɛnt 2:9

Yé ó mpʉ yé ndɨ tila é Kalara Zyɛm ɨ. Yé ó tila ó: «Sa mʉr ngwar l'apa joʼo, nkʉ bee e, sa mʉr ndɨ apa jwɨʼ é leme we lʉʉ dobo e, Zyɛm a kʉmsa ye ó, ebe bʉr o ndɨ ekpɛl nye e.»

Mɨngwiha 14:13

Me ze joʼo twii lé eduho é jobo kʉ. Nye e me ó: «Tila: “Mocyɛʼ mo mpom, mé e mʉr a dwè, nye mu é zyɛŋa wɔɔ boo Da Yesʉs ɨ.”» Mbɨambɨa Sisim, nye elɛɛ ó: «Yé ó no: banana, bé paʼ ka gbala syɛɛ-Zyɛm yɔɔ. Syɛɛ bé a sea-sea é jɔʼ bé a be e tiʼ ɨ, nyɔm lé eduho tɨʼ ɨ, wé ónyin é gumo bé mu lé edi ɨ.»

2 Pyɛr 1:11

No nteme ó Zyɛm óbeŋle bɨn le edib bɨn zi ó, bɨn niʼe é jwɨ̀ʼa mo Tî ga wina le Tiʼbʉr ga wina Yesʉs-Krɨst ɨ. Jwɨ̀ʼa ye yaa, yé ódi ó njʉmdia e njʉmdia.

Yʉanes 12:26

ǃƗ mʉr si gwɨm sea e me nɛʼɛ, yé ekʉ jala ó, nye duʼo me. Gumo me ndɨ ɨ, gumo yaa ó syɛl mosa wam nteme, nye ódi ɨ. Waa nyiwɛh ósea e me e, Sɔŋ wam ókʉ seʼle nye.»

Lʉkas 21:36

Diʼe ga nkehe. Jwɨʼla ga é jɔʼ yiyɛh, ó bɨn nkʉʼ syɛhle bɨsyɛɛla bɨ moho waa bibyɛh. Jwɨʼla ga nteme ó, bɨn nkʉʼ be e nkul ecyɛb é mih mo Mwan mo Mʉr.»

Mɨngwiha 7:17

ebe, Ma Ntœme ndɨ teme dia taʼa ɛ, nye ó ndɨ ekoblo daa e bɨntœme le, lé eto e bye é l'eno, gumo modibe mo tiʼ lé esah ɛ. Zyɛm ótin be myɛɛle mɨmɛh é mih.»

Mɨngwiha 3:21

Mʉr óbe si ntaa, bula e l'esaa é koo e, me ódwe nye nkul ó, bɨh e nɔɔ baʼra lé edi é dia taʼa yam, ebe, mɛm nteme, me a si ntaa, bula e lam esaa é koo, me ntɔʼ nʉa dia kunokuno e Sɔŋ wam é dia taʼa ye.

Filipi 1:21

No ó, é nko paʼ wam, tiʼ yam, yé ó me diʼe é zyɛŋa e Krɨst. Myɛna mam, mé ó efie.

Lʉkas 17:8

Tɨtoʼo! Nye ólɛɛ e nye ó: “Jama me mode, go òsiila mɨkan, go òsea e me jyɛm me dina lé ede mode le monwoʼ e. Go òbono ó, me paʼ taare sil. Pie tɨʼ ó go òka de e.”

Lʉkas 12:43

ǃƗ tî we óbe si to, ze bula, ze bee nye lé esea syɛɛ yaa nɛʼɛ, mocyɛʼ mo mpom, mé ósʉŋɔ é mbi syɛl mosa waa!

Lʉkas 12:36

No ó bɨn bɛɛ, diʼe ga mpʉ osyɛl o mosa ndɨ é mpono tî wɔɔ ɛ. Mpʉ bé lé egʉa ó, nyi to bœm mʉma ɛ, bé mu ó njɨ lé ebono mpula we, lé ekpɛl ó, ǃnye si kwaʼle ebe nɛʼɛ, bé òkpahbe dib nye la.

Lʉkas 22:27

Le mʉr ndɨ ndindil lé ede e, le waa lé ekab bʉr mode e, zé lé elaa nuu? Yé ó njɨ waa ndɨ ndindil lé ede e! To kœb ó, mɛm, me é l'esama lɨn ó, waa lé esea e bɨn ɨ!

Mɨngwiha 16:15

Tî ga wina, nye elɛɛ ó: «Mbe ga, me ó ma ze nɨ! Me ópyal bɨn ye ó, mpʉ ndiblʉ, mʉr abuʼla. Mocyɛʼ mo mpom, mé óswɨɨ é waa ndɨ edi nkehe, mɨkan mɨmbœra é nyʉl ɨ. Nyɛɛ, nye aŋa nyin fufwah, nkʉ sɔma.»