Lʉkas 10:20 - Kálara Zyɛ̌m Edwán é mpʉ̌n

²⁰ Sa gwar, abul soho ga ebe bɨbɨbla mɨsisim, byé esa bɨn mojoʼo. Kʉ bul soho ga yɛɛ njɨ, ebe, mie mɨn, mé mu ó mɨtila é jobo kʉ.»

Kálar Nzyɛ̌m : Ejwán é Sáá

²⁰ Sâ gwár, ayɨ́ buú soho gá ɨ́ lɔ̌b mímbɨ́a mísísǐm, byé lɨ́ esâ bɨ́n mejóʼo. Sohaa gá ebe míé mɨ́n dí micɛmá ɨ́ jʉ́o kʉ́.»

Lʉkas 10:20 ပူးပေါင်းရင်းမြစ်များ

Mɨngwiha 20:15

Bʉr o b'a be, abe e mie mɨtila é kalara tiʼ ɨ, bé nteme, bé a si guhɔ é Bɨ-siʼe.

Mɨngwiha 20:12

Me ntɔʼ bee odwè. É bʉr baa, yé a be ó e bʉr bɨbɛh, taare é baanteʼenteʼe, to pyal é l'osabene. Bé a be ó si cyɛb é l'empom e dia taʼa. Okalara, bé ntɔʼ bɛɔ. Nuu kalara fih ntɔʼ bɛɔ nteme. Nyiha, nye ó kalara tiʼ. Zyɛm ze pahle odwè. Nye a tiʼe mɨlɔb myɔɔ ó, lé edu mpʉ bɨsyɛɛla byɔɔ, byé a be e. Byé a be ó mɨtila é l'okalara be efoʼ baa.

Mɨngwiha 21:27

No ó, bɨsa molwaʼbe, byé aŋa ni tɨ. Bʉr o ndɨ esa bɨsyɛɛla Zyɛm lé ebul bene e, bé e mɨmpʉmpʉl, bé ákwoʼ ni nteme tɨ. Bʉr o bé óni tɨʼ ɨ, bé óbe ó njɨ baa b'a bɛa be e mie mɨtila é kalara tiʼ mo Ma Ntœme e.

Ebrœ̂ 12:23

Bɨn bɨ pyal é gwɨhla modweʼe mo bwan mo Zyɛm. Mie mɨn boo nɔɔ, mé ó mɨtila é jobo kʉ. Bɨn bɨ dihle boo Zyɛm, mʉr ndɨ etiʼe mɨlɔb mɨ bʉr bɨbɛh ɛ. Bɨn bɨ pyal gumo ocɨcyel o bʉr ndɨ ɨ, baa mɨsisim myɔɔ mu si kumo é l'ombɨmbɨa é mɨpaʼ mimyɛh ɛ.

Mɨngwiha 3:5

Mʉr nyiwɛh óbe si ntaa, bula e l'esaa é koo e, me óbœr nye kan pumo. Me aŋa cyam die le é kalara tiʼ. Me ólɛɛ Sɔŋ wam, bé e beengles be ó: Waa wam ó nwa!

Filipi 4:3

No ó, gwɔɔ mpaŋ mʉr nwan yam! Me ejwɨʼla nteme e go ó, go toʼ, to kɛm bʉba onɨ, ó bé diʼe twii, ebe, bé ó bʉr o bɨh e boo nɔɔ ndɨ é l'empomo e syɛɛ egwar ɨ, bé e Kelemaŋ ndwe e bʉʉ bʉr. Mie mɔɔ, mé ó mɨtila é kalara tiʼ tʉŋlʉ.

Mɨngwiha 13:8

No ó, odil o si nwaʼ bɨbɛh, bé ódwiibɨ tir waa, pɛʼ njɨ baa Zyɛm a bɛa tile mie mɔɔ é kalara tiʼ we e. Kalara waa a bɛa be tila ó, duho é l'etɛɛrɨ e si nwaʼ ɛ. Nye ó é mobo mo Ma Ntœme bé a bɛa jʉ ɨ.

Mataos 10:1

No ó Yesʉs a ze jebe Esama le ompʉn ewʉm e l'oba be, ntɔʼ dwe be nkul ó, bé dwihɨ bʉr bɨbɨbla mɨsisim le etiʼ mɨsyoblʉ mimyɛh myé a be e mosyɛb nkʉ bɨjyɛm ɨ.

Mataos 26:24

Yé ó no: Mwan mo Mʉr ódwè é mpʉ yé ndɨ tila é Kalara Zyɛm, tiibe e nye e. Sa gwar, a vwaʼ e mʉr ókɛha Mwan mo Mʉr ɨ! Yé a ngbaa mbɨa mʉr waa ó, mpa nye a baabyɛl!»

Mataos 27:5

Nye ze guho be mɨsaŋ mɨ mɔn myaa é Mpah Zyɛm tʉŋlʉ, ntɔʼ pyal kʉl, to tiile kol é twii, dwè.

Mɨngwiha 17:8

Tir go a bee e, a bɛa ó be é jɔʼ mya. To kœb ó, nye aka be. Yi ka liʼ titia, nye ópàh, ze pʉʼa é Bɨ-siʼe. ǃNye si pʉʼa tɨʼ nɛʼɛ, nye òdwè. Zyɛm a si tile mie mo bʉr é kalara tiʼ tʉŋlʉ, duho é l'etɛɛrɨ e si nwa. No ó, bʉr o mie mɔɔ ndɨ l'anyin é kalara tiʼ waa ɛ, bé óbul jehe tir waa, ebe, bé óbee ó, nye a be ó si taare tiʼe. Nye ze dwè. Bé óbee nye nteme lé ebula pàh.