Lʉkas 1:76 - Kálara Zyɛ̌m Edwán é mpʉ̌n

⁷⁶ Gwɔɔ mwan wam, go ódɨ jebɔ ó, “Ngwiha mɨlɔb mo Zyɛm ndɨ Lʉ bɨsa bibyɛh ɛ”, ebe, go óto é l'efoʼ mo Da, lé eto komlo zi nye ócwɨɨ ɨ.

Kálar Nzyɛ̌m : Ejwán é Sáá

⁷⁶ Gua mwân wǎm nyâ, go óbe ó ngwíha milɔ̌b mé Nzyɛ̌m dí Lʉ́ bísá bíbyɛ̂h nyá, ebě, go ótô lɨ́ esóʼ mé Dâ Nzyɛ̌m, lɨ́ ekomlo nzɨ́ nyé ngá cɨɨ nyɨ́.

Lʉkas 1:76 ပူးပေါင်းရင်းမြစ်များ

Yʉanes 1:23

No ó Yʉanes a ze bɨha e be ó: «Mpʉ ngwiha mɨlɔb Ezayi a tile e: “Me ó twii lé etuno é feha si, waa lé elɛɛ ó: ‘Cyelɨ ga mozi mo Da é liim ɔɔ!’”»

Mataos 14:5

Erod a be-be e gwɨma ó, nye jʉ ó Yʉanes. Sa gwar, nye a be ó lé ekpɛɛ ntuntuma bʉr, ebe, bɨbɛh, bé a láa ó, Yʉanes, nye ó ngwiha mɨlɔb.

Mataos 3:3

Lwib yaa, nye a lwib ye ó, ebe, yé ó lwib gwar ngwiha mɨlɔb Ezayi a tile e, lé elɛɛ ó: Mʉr, nye etuno é feha si, lé elɛɛ ó: «Komla ga zi mo Da ɔɔ! Bɨn bé à cyel mozi me é liim ɔɔ!»

Mɨlʉmlʉ 16:17

Nye ze taare lé edu bɨh e Pol pihe, e tim é nʉm. Nye a lɛɛ-lɛɛ ó: «Bʉr ba, bé ó osyɛl o mosa mo Zyɛm ndɨ Lʉ bɨsa bibyɛh ɛ. Bé ó ndɨ etuno edib e zi ebi tiʼ molu mo mpoʼ mɨmɛh.»

Lʉkas 1:35

No ó engles a ze bɨha e nye ó: «Yé óbe ó: Mbɨambɨa Sisim ó ngo fulo é go. Go óduʼbo si nkul mo Zyɛm ndɨ Lʉ bɨsa bibyɛh ɛ. Ebe no ó mwan go óbya ɛ, nye óbe ó ti. Nye ójebɔ ó, Mwan mo Zyɛm.

Lʉkas 1:32

Nye óbe ó mʉr nɨnɨ. Bʉr, bé ójebe-jebe nye ó, Mwan mo Zyɛm ndɨ Lʉ bɨsa bibyɛh ɛ. Da Zyɛm ódil nye é dia taʼa mo sɔŋ mpam we David.

Markus 11:32

ǃBɨna si bɨha ga ó: “Bʉr ó b'a lomo nye” wa…» (Bé a be ó lé ekpɛɛ mɨzɨze mɨ bʉr, ebe, bʉr bɨbɛh, bé a be ó si nʉa Yʉanes mpʉ ngwiha mɨlɔb.)

Yʉanes 3:28

Bɨn bʉr o tɨ, bé egʉa ó, me a si bɛa boʼlo é mih mɨn ó, ntʉʼ mɛm ndɨ Lœma mulo mo Zyɛm. Me sɔʼɔ ó njɨ mʉr Zyɛm a taare lomo dolo e.

Yʉanes 1:27

Nye ó lé edu me é koo pihe. Me abe mbi mʉr lé ejala le etii nye mɨkol mɨ osilpah be e.»

Lʉkas 6:35

Sa gwar, é nko paʼ win, kpɛlɨ ga bʉr o dɔm bɨn. Saʼ ga be bɨsyɛɛla bɨ ncwɨncwɨa. Kʉlɨ ga bʉr mɔn. Daʼ pɛh baa bɨn lé ebuʼla ó, bé óbuulo bɨn ya ɛ. Bɨn bé ókʉ bi myɛna tɨ! No ó bɨn bé óbe bwan mo Zyɛm ndɨ Lʉ bɨsa bibyɛh ɛ, ebe, nye mʉr tɨ, nye elɛʼle bʉr o ndɨ elono nye e, ncwɨncwɨa, bé e bʉr o jeele e laŋ.

Mataos 21:26

ǃBɨna si bɨha ga ó: “Bʉr ó b'a lomo nye” nɛʼɛ, bɨna bé ejala le ekpɛɛ ga ntuntuma bʉr é jɔʼ yaa, ebe, bʉr bɨbɛh, bé enʉa Yʉanes mpʉ ngwiha mɨlɔb.»

Mataos 3:11

«Mɛm, me edù bɨn ó e modibe, lé esaa ó, bɨn nkʉʼ gwɨma mobebe le edwir mɨleme min. Sa gwar, mʉr ndɨ edu me é koo pihe e, nye e nkul mojwɨ̀ʼa, laa me. Me abe mbi mʉr lé ejala le enkɛɛ osilpah be e. Nyɛɛ, nye ódù bɨn ó é Mbɨambɨa Sisim ndwe e siʼe!