Lʉkas 1:75 - Kálara Zyɛ̌m Edwán é mpʉ̌n

⁷⁵ Bɨna bé óbe ga mɨsaŋ mɨ bʉr be. Bɨna bé óbe ga ó, ocɨcyel o bʉr é mih me cye tiʼ.

Kálar Nzyɛ̌m : Ejwán é Sáá

⁷⁵ Mɨná bé ógúmo gá ó e né. Mɨná bé óbe gá ó, otîtyěl o bʉ̂r ɨ́ míh mé, tó pyâl ɨ́ twǐʼ njʉ̌m dǐ.

Lʉkas 1:75 ပူးပေါင်းရင်းမြစ်များ

Éfɛsɔs 4:24

Bɨn bé ófuʼla modwan mo bʉr, tiʼ yin lé enwɨɨla e yaa mo Zyɛm. Nye óbâʼle cye bɨn mɨsaŋ mɨ bʉr mye, baa ndɨ ekœʼ ebò e cyen é l'ocyecye e.

Éfɛsɔs 2:10

Bɨna ga bé ó baa Zyɛm a kpaʼ e mobo me nye mʉr tɨʼ ɨ. Nye ntɔʼ ze dil bɨna ga é Yesʉs-Krɨst dil dilɨ é l'efu ó, bɨna diʼe ga bʉr bé ósa bɨsyɛɛla bɨ ncwɨncwɨa ɛ. Zyɛm nye mʉr tɨʼ ó b'a bɛa tiʼe é leme we ó, bɨna saʼ ga nye bya.

2 Timotɛ 1:9

Nye a baajebe bɨna ebe mɨmpaŋ bɨsyɛɛla bina. Nye a dwe bɨna ga tiʼ molu mo mpoʼ mɨmɛh le ejebe bɨna ó, bɨna diʼe mɨsaŋ mɨ bʉr be. Nye a sa no ó, ebe pɛhla we nye mʉr tɨ, le ncwɨncwɨa nye a be e nye, waa nye a be ó, nye ólɛʼle bɨna ɛ. Nye a bɛa lɛʼle bɨna ncwɨncwɨa ó, kʉ e si apa cyeŋɔ, é zi mo Yesʉs-Krɨst.

Éfɛsɔs 1:4

Nye esa bɨna ga no ó, bɨna gumla ga nye, ebe, nye a si bɛa pɛh bɨna ga, taare é jɔʼ kʉ e si, byé a baapa cyeŋɔ ɛ. Nye a pɛh bɨna ga ó, bɨna diʼe ga mɨsaŋ mɨ bʉr be, dumo e Krɨst, abe e sa ebebe nye a ngbaa nwahle bɨna ga e tɨ. Ebe nye ndɨ e leme ncwɨncwɨa ó

1 Tesalonika 4:7

Zyɛm a jebe bɨna ga ó, bɨna diʼe ga bʉr o ndɨ ti ɨ, abe baa ndɨ elama fwon njɨ lé edu bɨjyɛʼ byɔɔ ɛ.

2 Tesalonika 2:13

Obɨɔ ga bam, baa Da Yesʉs lé ebul kpɛl ba ɛ! É nko paʼ wih, yé ejala ó, bɨh dweʼ Zyɛm ekiba é bɨjɔʼ bibyɛh é lɔb win, ebe, nyi pɛh bɨn mpʉ mʉr lé epɛʼ tom é peme ye e, ó bɨn biʼe tiʼ molu mo mpoʼ mɨmɛh é zi Sisim we, wé a pubo bɨn ɨ. Bɨn mu ó lé ebi tiʼ molu mo mpoʼ mɨmɛh é zi taa buʼo bɨn lé ejyɛʼ boo nye é l'ocyecye e.

1 Tesalonika 4:1

Ebe no, obɨɔ ga bam aa! Sa me lé eka tile bɨn é l'epihe e, yé ó nɛɛ: bɨh bé a si tɨe bɨn mpʉ bɨn lé ejala le ekœʼ ebò e cyen Zyɛm lé ekpɛl ó, bʉr kœʼœ œ. Bɨn nteme mu ó lé esa no. Dam be no, bɨh bé ejwɨʼla e bɨn, le etɨe bɨn é die mo Da Yesʉs ó, bɨn toʼ le esa no é buobuo.

Mataos 1:21

Nye óbya ma mʉrʉm. Go ójwɨr nye die ó Yesʉs, ebe, nye ó ngo tiʼ kul bʉr ye, lé edwih ye é mpila mɨsyem myɔɔ é pololo.»

Lʉkas 1:74

nye ósyɛb bɨna ga é mobo mo bʉr o dɔm ga bɨna. No ó bɨna bé ódwiibɨ-dwiibɨ ga nye, aka kpɛɛ be e.