Lʉkas 1:49 - Kálara Zyɛ̌m Edwán é mpʉ̌n

⁴⁹ Ebe, mʉr ndɨ e nkul nyiwɛh ɛ, nye be ó si sa me bɨsa bɨnɨnɨ. Die le, lé ó die ndɨ e l'ekɛn ɨ.

Kálar Nzyɛ̌m : Ejwán é Sáá

⁴⁹ Ebě, mʉr dí e nkul nyɨnyɛ̂h nyá, nye bé ó sí sâ mé bisá bínɨ́nɨ́ɨ́. Díé lé, lé ó díé dí ti lɨ́.

Lʉkas 1:49 ပူးပေါင်းရင်းမြစ်များ

Éfɛsɔs 3:20

Kum diʼe e Zyɛm, waa ndɨ e nkul esa sa yiyɛh, laa bim bɨna lé edî ga, nkʉ jwɨʼ ɨ. Kum diʼe e nye, waa ndɨ e nkul nɨnɨ lé esea e bɨna ga ɛ!

Mɨngwiha 15:4

Da, bʉr bɨbɛh, bé ódwiibɨ go ndwe le eseʼle die lo. Go ome ó ndɨ Mʉr ndɨ ti ɨ. Bʉr o bɨkul bibyɛh, bé ótɨbla é bɨgumo byɔɔ, zeŋɔ go ye. Bé ódwiibɨ go, ebe, bɨ bee é sʉlʉlʉ ó, gɨ kebe é bɨsyɛɛla go lé esa bʉr ɨ.»

Mɨngwiha 4:8

Mɨkubla bɨsɔʼɔ mimyɛh mɨnâ, myé a be ó e mompaba tobo. Mompaba mɔɔ nteme, mé a be ó lwɨŋla e mih, dam be é mompaba si, dam be nteme é nko paʼ kʉ. Myé a be ó lé ejɛɛ bɨjɛɛ moho e pum. Myé a jɛɛ-jɛɛ, lé elɛɔ ó: «Ti, ti, ti! Da Zyɛm Nkul nyiwɛh! Go ó waa a bɛa be, waa ndɨ, e waa lé eze e.»

Markus 5:13

Nye ntɔʼ mɛʼle ó, yé syɛŋɨ no. Bɨbɨbla mɨsisim byaa, byé ntɔʼ duho mʉr waa é nyʉl, ntɔʼ to ni é monyʉl mo onkʉ. Daa le onkʉ ze fulo ecwɨʼ. Ecwɨʼ laa, lé a be nteme ó akoo. Mpululu, to lʉŋa é maŋ, bɨbɛh sie lé edwè. Tɔɔ onkʉ baa a be ó kwoʼ be otɔɔyin oba.

Lʉkas 1:48

ebe, nye be ó si ntɨh modwɛʼla me nko syɛl mosa we ndɨ ɨ. Yé ó no! Pie muh, mɨmya mɨ bʉr mimyɛh, myé ódɨ lɛɛ ó, njɨ: “Nye ó ndɨ mʉma mocyɛʼ mo mpom!”

Lʉkas 1:50

Nye elɛʼle ncwɨncwɨa we ó baa ndɨ edwaabe nye e, taare é wiʼ mya bʉr, to pyal é myʉʉ mimyɛh.