Lʉkas 1:35 - Kálara Zyɛ̌m Edwán é mpʉ̌n

³⁵ No ó engles a ze bɨha e nye ó: «Yé óbe ó: Mbɨambɨa Sisim ó ngo fulo é go. Go óduʼbo si nkul mo Zyɛm ndɨ Lʉ bɨsa bibyɛh ɛ. Ebe no ó mwan go óbya ɛ, nye óbe ó ti. Nye ójebɔ ó, Mwan mo Zyɛm.

Kálar Nzyɛ̌m : Ejwán é Sáá

³⁵ Nó ó éngeles á nze yala e né ó: «Yé óbe ó: Sísǐm mé Nzyɛ̌m ó ngá sulo ɨ́ go. Nzyɛ̌m dí Lʉ́ bísá bíbyɛ̂h nyá, nkul nyé, nye ógbâ gó sí pyóo nyé. Sá tɨ̂ʼ ó mwân ti gó óbyâ nyá, ójwɨrɔɔ “Mwân mé Nzyɛ̌m” yɨ́.

Lʉkas 1:35 ပူးပေါင်းရင်းမြစ်များ

Mataos 1:18

É mbi wiʼ ó Yesʉs-Krɨst a byɛl ɨ: nyɔŋ we Maaria bé e Yoseb, bé a be e l'etie ó, bé óbɛa. Bé l'apa syɛŋa duo, Maaria ze nʉa ebum e nkul mo Mbɨambɨa Sisim.

Yʉanes 1:49

Natanaɛl, nye e nye ó: «Yeʼle, go ó bana kʉ be Mwan mo Zyɛm cyecye! Go ó ndɨ njwɨɨbʉr lal Ɨzraɛl!»

Yʉanes 1:34

Mɨ bana bee no. No ó me lé eboʼlo ó: “Mʉr nwa, nye ó bana kʉ be Mwan mo Zyɛm” ɨ.»

Rôm 1:4

É nko paʼ mo Sisim we ndɨ ti ɨ, nye a si jwɨrɔ ó «Mwan mo Zyɛm» e bwaʼbwaʼ nkul ebe pɛ̀ha foo: Tî ga wina Yesʉs-Krɨst.

Mataos 1:20

Nye dina e jwɨʼ yaa é lʉ, engles mo Da ntɔʼ ze pyal nye é lima. Engles waa ze lɛɛ e nye ó: «Yoseb, nta mo David, akpɛɛ lé enʉa mʉma go Maaria, ebe, nye nʉa ebum ó e nkul mo Mbɨambɨa Sisim.

Markus 1:24

«Hɛɛya! Yesʉs, mʉr Nazarɛt, bɨna e go bé e wáa lɔb? Zê go ze ó, ze sil bɨh ɛ? Mɨ dweʼe go! Go ó Mʉr mo Zyɛm ndɨ ti ɨ!»

Mataos 27:54

Njwɨɨ nter bɨzima bé e bʉʉ bʉr o b'a be lé ebaʼle Yesʉs ɨ, mbea bé a bee mpʉ si a ncyeŋa ɛ, le byʉʉ bɨsa bibyɛh, byé a syɛɛlɨ ɨ, bé ntɔʼ kʉ ze bil ekɛn. Bé ó: «Mʉr nwaʼ a bana kʉ be ó Mwan mo Zyɛm!»

Ebrœ̂ 4:15

Ebe, njwɨɨ opara bɨna ga ndɨ e nye e, nye ó waa ndɨ e nkul ejwɨʼ bɨna ga nkoo é jɔʼ nye lé ebee ecyɛʼ ga lɨna ɛ. Nye a si boblɔ mɨmbi mimyɛh, jwɨʼ gwar e gwar e bɨna ga; sa gwar, nyɛɛ l'aduma, nkʉ sa ba syem.

Lʉkas 1:27

Nye a lomo nye ó, boo guu ndu esehe, a be die Maaria ɛ. Lé a be ó e nkɛʼ eba e myáh we, die le Yoseb, mʉr mpoŋbʉr mo David.

Galásia 2:20

É jɔʼ bé a cyèl Yesʉs-Krɨst é klos kʉ ɨ, me nteme, me a si bomlɔ tɨ, bɨh e nɔɔ. Ntʉʼ me ndɨ etiʼe é banana. Yesʉs-Krɨst ó ndɨ etiʼe é me tʉŋlʉ. Tiʼ me lé eka tiʼe é si nwaʼ ɛ, me etiʼe ye ó, ebe taa buʼo me lé ejyɛʼ boo Mwan mo Zyɛm ɨ. Nye a si kpɛl me, ze dwe tiʼ ye é ziila e me.

Mɨlʉmlʉ 8:36

É mpʉ bé a to-to zi e zi ɨ, bé ze pyal é dibe. Myaʼ mʉr waa ntɔʼ lɛɛ e nye ó: «Paʼ bee modibe ma. Yé ndɨ e nkul eka kamle me lé enʉa ndubo ɛ?» [

Yʉanes 20:31

Sa ndɨ tɨʼ tila ɛ, yé a tilɔ ó, é l'efu ó, bɨn buʼla ó, Yesʉs, nye ó Lœma mulo mo Zyɛm le Mwan mo Zyɛm. ǃBɨn si jyɛʼ taa buʼo yin boo nye nɛʼɛ, bɨn bé óbi tiʼ molu mo mpoʼ mɨmɛh é zi we.

Markus 1:1

Etɛɛrɨ e Mbɨambɨa Lɔɔ lé etiibe e Yesʉs-Krɨst, [Mwan mo Zyɛm] ɨ.

Éfɛsɔs 2:3

Bɨna bɨbɛh, bé a taare kœʼ ga ó, ebò e cyen egwar laa. Bɨna bé a kʉ saa-saa ga ó, njɨ edu bɨgwɨma bɨ nyʉl bɨpuno ga wina. Bɨgwɨma byaa ó b'a bul pebre-pebre bɨna ga é mɨleme. Sa yé a kʉ jala e bɨh oYʉden ɨ, yé a be ó, Zyɛm kpaŋa empime le e bɨh, jwɨʼ gwar e gwar mpʉ nye a jala le ekpaa e bʉr o ndɨ abe oYʉden ɨ.

Mataos 14:33

Bʉr o b'a be é byɛl ɨ, bé ze dwiibɨ Yesʉs. Bé e nye ó: «Go ó kʉ be Mwan mo Zyɛm cyecye!»

Mataos 4:3

Satan ze pyal gumo Yesʉs a be e. Nye e nye ó: «Yé be ó, go ó Mwan mo Zyɛm nɛʼɛ, lɛŋɨ mokoʼ maʼ ó, mé lihba bɨbler.»

Lʉkas 1:34

No ó Maaria a ze dî e l'engles ó: «Yé ópa kʉ sa tina nyá ɛ? Ebe, mɛm dina ó ndu, apa gʉa mʉrʉm.»

Lʉkas 1:36

Paʼ bee: mbyɛl go Lɨsaber mu ó e l'ebum! Nye óbya mwan é l'ojʉ̌m we. Ngɔn tobo we waa ó ndɨ kʉ nwa, nyɛɛ mʉr a taare jebɔ ó, kun mʉma ɛ.