Lʉkas 1:32 - Kálara Zyɛ̌m Edwán é mpʉ̌n

³² Nye óbe ó mʉr nɨnɨ. Bʉr, bé ójebe-jebe nye ó, Mwan mo Zyɛm ndɨ Lʉ bɨsa bibyɛh ɛ. Da Zyɛm ódil nye é dia taʼa mo sɔŋ mpam we David.

Kálar Nzyɛ̌m : Ejwán é Sáá

³² Nye óbe ó mʉ̌r nɨ́nɨ́ɨ́. Bʉr, bé ójébe nyé ó: “Mwân mé Nzyɛ̌m dí Lʉ́ bísá bíbyɛ̂h nyá.” Dâ Nzyɛ̌m ódil nyé ɨ́ diá jwɨ́ɨ mé sɔ́ŋ mpám wé David.

Lʉkas 1:32 ပူးပေါင်းရင်းမြစ်များ

Lʉkas 1:35

No ó engles a ze bɨha e nye ó: «Yé óbe ó: Mbɨambɨa Sisim ó ngo fulo é go. Go óduʼbo si nkul mo Zyɛm ndɨ Lʉ bɨsa bibyɛh ɛ. Ebe no ó mwan go óbya ɛ, nye óbe ó ti. Nye ójebɔ ó, Mwan mo Zyɛm.

Markus 5:7

ntɔʼ behe Yesʉs. Nye ó: «Yesʉs, Mwan mo Zyɛm ndɨ Lʉ bɨsa bibyɛh ɛ! Go esaa yé e me? Paʼ kʉ de mɨnkɛla é die mo Zyɛm ó, go aŋa dwe me ntɨʼa!»

Mɨngwiha 3:7

«Tila kalara. Go à cen engles lé edwiile mbɛr Zyɛm ndɨ ɨ Filadɛlfi ɨ. Lɛŋɨ nye ó: Mokan ma, mé eduho ó, é nʉm mo Mʉr ndɨ ti, waa ndɨ cyecye e. Mbe ga: diba mo njwɨɨbʉr David ó nye ndɨ e ye é mobo nɨ! ǃNye si dib ebe nɛʼɛ, abe e mʉr óka pɨr le. Laa nye si pɨr ɨ, abe e mʉr ndɨ e nkul eka dib. Nye elɛɛ e go ó:

Lʉkas 1:76

Gwɔɔ mwan wam, go ódɨ jebɔ ó, “Ngwiha mɨlɔb mo Zyɛm ndɨ Lʉ bɨsa bibyɛh ɛ”, ebe, go óto é l'efoʼ mo Da, lé eto komlo zi nye ócwɨɨ ɨ.

Mataos 28:18

Yesʉs ntɔʼ dihle nko bé a be e. Nye e be ó: «Mɨ bi nkul mojwɨ̀ʼa mo kʉ ndwe e maa mo si nwaʼ nyiwɛh.

Rôm 1:4

É nko paʼ mo Sisim we ndɨ ti ɨ, nye a si jwɨrɔ ó «Mwan mo Zyɛm» e bwaʼbwaʼ nkul ebe pɛ̀ha foo: Tî ga wina Yesʉs-Krɨst.

Mɨlʉmlʉ 2:30

É mpʉ David a be ngwiha mɨlɔb ɨ, nye a be ó lé egʉa ó, Zyɛm a si kɛʼ, le ede mɨnkɛla ó, nye ópɛh nuu mʉr é mpoŋbʉr we, dil nye é dia taʼa ye.

Mataos 1:1

Bɨmpam mo Yesʉs, Lœma mulo mo Zyɛm, a be mwan mo Abraham, mwan mo David ɨ.

Mɨlʉmlʉ 16:17

Nye ze taare lé edu bɨh e Pol pihe, e tim é nʉm. Nye a lɛɛ-lɛɛ ó: «Bʉr ba, bé ó osyɛl o mosa mo Zyɛm ndɨ Lʉ bɨsa bibyɛh ɛ. Bé ó ndɨ etuno edib e zi ebi tiʼ molu mo mpoʼ mɨmɛh.»

Mɨlʉmlʉ 2:36

Pyɛr ze ko tɨʼ ó: «Bʉr o ndɨ kaʼ é lal Ɨzraɛl ɨ, bé ejala le ekʉ gʉa lɔb wi: mʉr bɨn bé a cyèl é klos kʉ ɨ, die le Yesʉs, nye ó waa Zyɛm a cyel é dia Tî ga wina le é dia Lœma mulo mo Zyɛm!»

Yʉanes 12:34

Ntuntuma bʉr, yé e nye ó: «Bɨh bé a si joʼo bab lé eláa é motie mo Zyɛm ó, Lœma mulo mo Zyɛm ódi njʉmdia e njʉmdia. Go ka lɛɛ ó, yé ekʉ jala ó, Mwan mo Mʉr, nye bɨnɔ kʉ. Go lɛɛ no é yé? Zé nyɛɛ ndɨ Mwan mo Mʉr waa ɛ?»

Yʉanes 6:69

Banana, bɨh bɨ buʼla le egʉa é kpɛhla ó, go ó ndɨ Mʉr mo Zyɛm ndɨ ti ɨ!»

Markus 14:61

Yesʉs a kʉ ka di ó njɨ titil, agum bɨha ekan. No ó njwɨɨ opara a bâʼle dî e nye ó: «Zê go ó Lœma mulo mo Zyɛm le mwan mo Zyɛm bɨh lé edwiibɨ ɨ?»

Mɨlʉmlʉ 7:48

Zyɛm ndɨ Lʉ bɨsa bibyɛh ɛ, nye abe lé edi é sa lé efumɔ e mobo mo bʉr ɨ. Yé ó kʉ be mpʉ ngwiha mɨlɔb a tile e:

Mataos 3:11

«Mɛm, me edù bɨn ó e modibe, lé esaa ó, bɨn nkʉʼ gwɨma mobebe le edwir mɨleme min. Sa gwar, mʉr ndɨ edu me é koo pihe e, nye e nkul mojwɨ̀ʼa, laa me. Me abe mbi mʉr lé ejala le enkɛɛ osilpah be e. Nyɛɛ, nye ódù bɨn ó é Mbɨambɨa Sisim ndwe e siʼe!

Lʉkas 6:35

Sa gwar, é nko paʼ win, kpɛlɨ ga bʉr o dɔm bɨn. Saʼ ga be bɨsyɛɛla bɨ ncwɨncwɨa. Kʉlɨ ga bʉr mɔn. Daʼ pɛh baa bɨn lé ebuʼla ó, bé óbuulo bɨn ya ɛ. Bɨn bé ókʉ bi myɛna tɨ! No ó bɨn bé óbe bwan mo Zyɛm ndɨ Lʉ bɨsa bibyɛh ɛ, ebe, nye mʉr tɨ, nye elɛʼle bʉr o ndɨ elono nye e, ncwɨncwɨa, bé e bʉr o jeele e laŋ.

Lʉkas 3:16

Yʉanes ze lɛɛ e bɨbɛh ó: «Mɛm, me edù bɨn ó e modibe. Sa gwar, mʉr ndɨ e nkul mojwɨ̀ʼa, laa me e, nye eze. Me abe mbi mʉr lé ejala le etii nye mɨkol mɨ osilpah be e. Nyɛɛ, nye ódù bɨn ó é Mbɨambɨa Sisim ndwe e siʼe.

Lʉkas 1:15

ebe, nye óbe ó mʉr nɨnɨ é mih mo Da. Yé ajala ó, nye nyʉlɨ monwoʼ mo rezɛŋ, nkʉ maa mofih ndɨ efɔʼa ɛ. Nye óbe ó lwɨŋla e Mbɨambɨa Sisim, nye dina é mo mo nyɔŋ we.

Mataos 12:42

É dobo le etiʼ e mɨlɔb, njwɨɨ mʉma a duho nko tie e, nye óbana cyɛb, nwahle bʉr o mya wi, ebe, nye a be ó si duho é l'odumo o si, lé eze joʼo motɨɨ mo ocyoo mo Salomɔŋ. Mbe ga: sa lé elaa Salomɔŋ ɨ, yé ó bana be wâ!»