Lʉkas 1:17 - Kálara Zyɛ̌m Edwán é mpʉ̌n

¹⁷ Nye waa ó Zyɛm ólomo é l'efoʼ e. Nye óbe ó lwɨŋla e Mbɨambɨa Sisim ndwe e nkul, kʉ be mpʉ Élie a be e. Nye óze sa ó, bwan le osɔŋ, bé komla. Nye ótɨe bʉr o ndɨ ekaŋa e Zyɛm ó, bé cyebla mpʉ ocɨcyel o bʉr. Nye ósa ó, kul bʉr diʼe kwɨmla, lé egʉa dwiibɨ Da.»

Kálar Nzyɛ̌m : Ejwán é Sáá

¹⁷ Nye ó Nzyɛ̌m ngá lómo ésôʼ nyá. Nye óbe ó lwɨ́ŋlá e Sísǐm mé Nzyɛ̌m ndu e nkul, mbi ngwíha milɔ̌b Elie á be wɨ́. Nye ónzě sâ ó, osɔ́ŋ bé e bwân, bé kwɨ́mlɨɨ páʼ nyɔ́ɔ́. Nye ótɨ́e bʉ̂r o dí egbɔba e Nzyɛ̌m bá ó, bé twólwaa mpʉ ótîtyěl o bʉ̂r. Nó nyé ósâ ó, kúl bʉ̂r o b'Ɨ́zraɛ̂l, yé díʼee kʉmsá, lɨ́ egwá dwě Nzyɛ̌m kûm.»

Lʉkas 1:17 ပူးပေါင်းရင်းမြစ်များ

Mataos 11:14

ǃBɨn si mɛʼle joʼo me nɛʼɛ, gʉŋa ga ó, Yʉanes ó ndɨ Élie, waa zea we, wé a bɛa lɛɔ ɛ.»

Lʉkas 1:76

Gwɔɔ mwan wam, go ódɨ jebɔ ó, “Ngwiha mɨlɔb mo Zyɛm ndɨ Lʉ bɨsa bibyɛh ɛ”, ebe, go óto é l'efoʼ mo Da, lé eto komlo zi nye ócwɨɨ ɨ.

Yʉanes 3:28

Bɨn bʉr o tɨ, bé egʉa ó, me a si bɛa boʼlo é mih mɨn ó, ntʉʼ mɛm ndɨ Lœma mulo mo Zyɛm. Me sɔʼɔ ó njɨ mʉr Zyɛm a taare lomo dolo e.

Mɨngwiha 20:4

Me ze bee dia taʼa, le bʉr o b'a be tɨʼ ondindil ɨ. Zyɛm a si dwe be nkul etiʼe bʉr mɨlɔb. Me a si bee nteme mɨsisim mɨ bʉr o b'a tiʼɔ mɨlʉ ebe mboʼla bé a dɨ boʼlo é lɔb mo Yesʉs ndwe e lɔɔ Zyɛm ɨ. Bɛɛ bé a baadwiibɨ tir waa nkʉ baŋabaŋa dweʼle ye. Bé a baacɨma twii ye é mompom mɔɔ nkʉ é mɨkoo mokœh. Me a bee be ó, bé osi pàh é l'odwè. Bé e boo Yesʉs-Krɨst, bé a si jwɨ̀ʼ bʉr o si tɔɔ mɨmbu tɔɔyin.

1 Pyɛr 2:9

Sa gwar, bɨn bé ó bʉr nye a bɛa pɛh ó, bɨn diʼe nye opara le kul bʉr ndɨ ti ɨ. Bɨn bé ó kul bʉr ndɨ yaa ye e, é l'efu ó, bɨn gumla mbɨambɨa njwɨr mo Mʉr a jebe bɨn ɨ. Njɨblɨ we waa, wé ó b'a dwih bɨn é l'edurʉ, cen bɨn é myɛn ndɨ é nge-ngɨ-nge e.

Kolosi 1:12

Bɨh bé edwe Zyɛm Sɔŋ kum, ebe, bɨn bé a si bi dia yin é jwɨ̀ʼa ye jwɨʼ gwar e gwar e mɨsaŋ mɨ bʉr be bɨbɛh, baa bɨn e boo nɔɔ mu si cenɔ é myɛn tʉŋlʉ ɨ.

2 Timotɛ 2:21

Ebe no, ǃɨ mʉr óbe si puba ndwe le ebene bɨsyɛɛla byaa nɛʼɛ, Zyɛm ópɛh nye é l'efu e bɨsyɛɛ bɨ duu, le ecyel nye é dia mʉr we ndɨ saŋ ɨ. Da óbee ó, mʉr waa, nye é bul buo nyɔm é nko paʼ we. Leme, wé óbe ó mʉr waa é ntɨɨɨŋ ó, nye saʼ bɨsyɛɛla bɨ ncwɨncwɨa bibyɛh nye ótimle nye e.

Rôm 9:23

Zyɛm, nye esa no, bʉr gʉŋa ó, nye e mpwaʼ kum. Nye ókab bɨna ga kum waa, bɨna ga, bʉr nye a kpɛl cwɨa e be e, ebe, bɨna ga ó ndɨ baa nye a bɛa cye ó, nye ókab be kum waa ɛ.

Mɨlʉmlʉ 10:33

No ó me ze kpahbe lomo bʉr é sɔɔlʉ go e. Go be ó si kʉ gʉa esa, lé ebana ze. Bɨh bɨbɛh mu si fwal wâʼ bananaʼ é mih mo Zyɛm ó, lé ejɨ joʼlo lɔɔ wiwɛh Da a lɛɛ e go ó, go ntaʼ, ze ntɛŋ bɨh ɨ.»

Yʉanes 1:34

Mɨ bana bee no. No ó me lé eboʼlo ó: “Mʉr nwa, nye ó bana kʉ be Mwan mo Zyɛm” ɨ.»

Yʉanes 1:13

Bé a baabyɛl bwan mo Zyɛm é zi bɨpuno, nkʉ é gwɨma bɨpuno byɔɔ, nkʉ ebe gwɨma mo mʉrʉm. Bé a byɛl ó byɛlɨ no, ebe gwɨma mo Zyɛm.

Lʉkas 1:16

Nye ósa ó, buobuo bwa b'Ɨzraɛl, bé dwirɨ mɨleme myɔɔ, jyɛʼ taa buʼo yɔɔ boo Da Zyɛm, Sɔŋ wɔɔ.

1 Yʉanes 2:28

No ó, bwa o bwan bam, diʼe ga é zyɛŋa win boo Krɨst, é mbi ndɨ ó, é dobo nye óbula ze e, bɨna bé ótʉm ga monyʉl ndwe le ecyɛb ga é mih me é nkʉʼʉ. Bɨna bé aŋa bil fwon.

Mataos 3:4

Kan Yʉanes a bwar ɨ, wé a be ó tia e mye mo kamtʉl. Kana nye a tiile-tiile é kubo e, a saŋɔ ó e kʉr tir. Nye a de-de ó baaceme-bɨka e l'egbɔʼ.

Mataos 3:3

Lwib yaa, nye a lwib ye ó, ebe, yé ó lwib gwar ngwiha mɨlɔb Ezayi a tile e, lé elɛɛ ó: Mʉr, nye etuno é feha si, lé elɛɛ ó: «Komla ga zi mo Da ɔɔ! Bɨn bé à cyel mozi me é liim ɔɔ!»