Kolosi 4:3 - Kálara Zyɛ̌m Edwán é mpʉ̌n

³ Saʼ ga mɨnjwɨʼla nteme é l'efu lɨh, ó nye dibɨ bɨh zi ó, bɨh tuna Mbɨambɨa Lɔɔ we, ó bɨh pɛʼla lwib odim lé etiibe e Krɨst ɨ. Me kɛʼa é mbʉʼ ó, ebe lɔɔ me lé ebɛa tuno-tuno e.

Kálar Nzyɛ̌m : Ejwán é Sáá

³ Jɨʼlaa gá ntémé lɨ́ esú lɨ́h. Nzyɛ̌m díbɨɨ bɨ̌h nzɨ̌ ó, bɨ̌h túnaa Mbɨambɨa Lɔ́ɔ́ wé, ó bɨ̌h pâʼlaa lwǐb ódîm dí edumo e Krîst yɨ́. Me ó kɛ́ʼá ɨ́ mbʉʼ ɨ́ lɔ́ɔ waá mé dí eboó tutúno wɨ́.

Kolosi 4:3 ပူးပေါင်းရင်းမြစ်များ

Mɨlʉmlʉ 14:27

É jɔʼ bé a pyal Antios ɨ, bé ze baŋle bʉr o mbɛr Zyɛm waa, lɛɔ be bɨsa bibyɛh Zyɛm a sa é zi wɔɔ ɛ. Bé a lɛɛ nteme ó, Zyɛm a si cwɨa nteme e bʉr o ndɨ abe oYʉden ɨ, le edib be zi ejyɛʼ taa buʼo yɔɔ boo nye.

Kolosi 1:26

Wé a taare be ó é lwib odim, sa Zyɛm a fol e mɨmya mɨ bʉr é buobuo e. Nye ka ze lɛʼle we é kpɛŋlɛm boo mɨsaŋ mɨ bʉr be.

2 Korɛnt 2:12

No ó, é jɔʼ me a to le etuno Mbɨambɨa Lɔɔ mo Krɨst, to kumo ɨ Troas ɨ, me a to kœb gʉʼ ó, Da a si dib me zi, ó me tuna we é hwɨm.

2 Timotɛ 2:9

Bʉr, bé a si kaʼ me monkara mpʉ sa lɛɛ ó, me a be ó zilngan. Me esia e mɨtuu ó ebe Mbɨambɨa Lɔɔ me lé elɛɛ ɛ. Dam be no, ntʉʼ lɔɔ ndɨ eduho boo Zyɛm ɨ, wé a kaʼɔ!

Filipi 1:7

Yé ejala nteme ó, me pahla lɔb win é mbi waa, ebe, me ecwɨa e bɨn é buobuo. Zyɛm a si cwɨa e bɨna ga bɨbɛh jwɨʼ gwar. Me dam be é mbɛr mɨmbʉʼ tʉŋlʉ mpʉ me mu ɨ, me dam be é dia otî lé eboʼlo Mbɨambɨa Lɔɔ ndɨ eduho boo Zyɛm ɨ, mocyɛʼ mo mpom mo Zyɛm, mé eswɨɨ é bɨna ga é mbi ngwar.

Éfɛsɔs 4:1

Ebe no, mɛm, mʉr ndɨ mbʉʼ é zyɛŋa wɔɔ boo Da Yesʉs ɨ, me ejwɨʼla e bɨn ó, bɨn kœʼœ mbɨambɨa ebò e cyen Zyɛm a lɛɛ bɨn ó, bɨn kœʼœ œ.

1 Korɛnt 16:9

Ebe, mpaŋ jɔʼ, yi pyal me ó, me sea bwaʼbwaʼ syɛɛ e buobuo nkul, dam ka be buobuo bʉr o ndɨ esa me mongan ɨ.

1 Korɛnt 4:1

Bɨn bé ejala le enʉa bɨh bɛɛ mɨlʉmlʉ mo Krɨst mpʉ osyɛl o mosa be. Bɨh bé ó baa ndɨ egʉa ebaʼle lwib odim mo Zyɛm ɨ.

1 Tesalonika 5:25

Obɨɔ ga bam aa! Saʼ ga Zyɛm mɨnjwɨʼla é l'efu lɨh.

Mataos 13:11

Nye ntɔʼ bɨha e be ó: «Bɨn ó Da a gwih lwib odim lé etiibe e jwɨ̀ʼa ye e, ó bɨn gʉŋa ye é kpɛhla. No ó bɛɛ, bé a baagwihɔ ye.

Filemɔŋ 1:22

Me egwɨm ó, go komla me tiʼe mbɛr é jɔʼ Onezimos ópyal gʉʼ ɨ, ebe, me ebuʼla ó, Zyɛm ólɛʼle bɨna ncwɨncwɨa é zi mɨnjwɨʼla min: nye ódwe me jɔʼ eze gʉʼ bɨn ye!

Filipi 1:19

ebe, me egʉa ó, me ótiʼɔ ebe mɨnjwɨʼla min ndwe e Sisim mo Yesʉs-Krɨst lé eze me é nkɔm ɨ.

2 Timotɛ 1:16

Da Yesʉs saʼ mbɛr bʉr mo Onesiforos mombɨa mɨmɛh, ebe, nye a be ó si bul lɛʼle me nkʉnkoo, zɔʼ e zɔʼ. Nye ajoʼo ba fwon ebe me ndɨ é nkara é mbɛr mɨmbʉʼ.

Éfɛsɔs 3:1

No ó, mɛm Pol, mʉr ndɨ mbʉʼ é syɛɛ mo Yesʉs-Krɨst é lɔb win, bʉr o ndɨ abe oYʉden ɨ...

Rôm 16:25

A bwaʼ nkul Zyɛm ndɨ e nye ee! Nkul waa ó mu lé elɨl bɨn lé edu mpʉ Mbɨambɨa Lɔɔ me lé elɛɛ ɛ, ndɨ ɨ. Mpaŋla waa, nye etiibe ó e Yesʉs-Krɨst. Nye edu nteme lwib odim yé a taare be mɨfela mɨmbu é buobuo,

Éfɛsɔs 3:3

Nye a be ó si gwih me lwib odim ye ó, me gʉŋa ye, mpʉ bɨn mu lé ebee é zi bwa mokan me mu si tile bɨn ma.

Éfɛsɔs 3:4

ǃBɨn si láa kalara nwaʼ nɛʼɛ, bɨn bé ójoʼo sa me mu si gʉa é kpɛhla, tiibe e Krɨst ɨ. Sa yaa, yé é nko paʼ bʉʉ bʉr ó, lwib odim.

Éfɛsɔs 3:9

Nye a dwe me syɛɛ nteme ó, me pɛʼla lwib odim nye a bɛa fol ɨ, pyɛl ye é myɛn. Molu pihe, Zyɛm, waa a cye bɨsa bibyɛh ɛ, a be ó si taare fol jwɨʼ ye yaa.

Kolosi 4:18

Moswɨhlɨ mpʉ mɛm Pol lé ebɛa tile-tile bɨn ó ma: Moswɨhlɨ mo Pol! Ajɨha ga ó, me ó é mbʉʼ. Mocyɛʼ mo mpom mo Zyɛm, mé swɨŋɨ é bɨn.