Kolosi 3:4 - Kálara Zyɛ̌m Edwán é mpʉ̌n

⁴ Krɨst ó ndɨ edwe bɨna ga tiʼ molu mo mpoʼ mɨmɛh. É jɔʼ nye óbâʼle nyin bʉr é mih é kpɛŋlɛm ɨ, bɨn e boo nɔɔ, bé ódweŋɔ kum sama.

Kálar Nzyɛ̌m : Ejwán é Sáá

⁴ Krîst ó dí edwe mɨ́ná gá mpǎŋ twiʼ. Jɔʼ nyé óbáʼǎ nyɨ̂n bʉ̂r ɨ́ mîh ɨ́ kpɛŋlɛm yɨ́, bɨ̌n le onɔ́ɔ́, bé ónyɨ̂n sɔ́má e kûm nyɨnyɛ̂h.

Kolosi 3:4 ပူးပေါင်းရင်းမြစ်များ

Yʉanes 11:25

Yesʉs, nye e nye ó: «Me ó waa lé epɛ̀h bʉr é mofoo, dwe be tiʼ molu mo mpoʼ mɨmɛh ɛ. Mʉr lé ejyɛʼ taa buʼo ye boo me e, nye dam dwè, nye óbâʼle tiʼe.

1 Yʉanes 3:2

Obɨɔ o kpɛl bam aa! Banana, bɨna mu ó bwan mo Zyɛm. Yé dam be no, mbi bʉr bɨna bé ódi ga ɛ, wé apa gʉa gʉŋɔ. Sa bɨna lé egʉa ga ɛ, yé ó, é dobo Yesʉs-Krɨst óbula ze e, bɨna bé ónwɨɨla ga e nye, ebe, bɨna bé óbee ga nye mbi nye ndɨ ɨ.

Galásia 2:20

É jɔʼ bé a cyèl Yesʉs-Krɨst é klos kʉ ɨ, me nteme, me a si bomlɔ tɨ, bɨh e nɔɔ. Ntʉʼ me ndɨ etiʼe é banana. Yesʉs-Krɨst ó ndɨ etiʼe é me tʉŋlʉ. Tiʼ me lé eka tiʼe é si nwaʼ ɛ, me etiʼe ye ó, ebe taa buʼo me lé ejyɛʼ boo Mwan mo Zyɛm ɨ. Nye a si kpɛl me, ze dwe tiʼ ye é ziila e me.

1 Pyɛr 1:13

Ebe no, pila ga monkwan. Gbaʼ ga lʉ lé ejwɨʼ lɔɔ waa. Gʉa mɛr ga mɨleme. Mɨleme min, myé beʼ lwɨŋla e mbɛla. Buʼla ga syɛɛla ncwɨncwɨa yé ósaŋɔ bɨn é jɔʼ Yesʉs-Krɨst óbâʼle nyin ɨ.

Filipi 3:21

ntɔʼ dwir bɨsa monyʉl ga bina bi. Monyʉl ga mɨna, mé òka nwɨɨla e nyʉl we ndɨ e kum ɨ. Nye e buobuo nkul ndɨ esa ó, bɨsa bibyɛh, byé saʼ nye mojoʼo e.

Yʉanes 17:24

«Da, go a be ó si dwe me ba. Me ekpɛl ó, bé diʼe gumo me ódi ɨ. Bé óbee me é dia moncɛnba mam, dia go a bɛa dwe me ebe kpɛl yo, taare é jɔʼ kʉ e si, byé a baapa cyeŋɔ ɛ.

1 Pyɛr 5:4

É jɔʼ Kobla bɨntœme nɨnɨ óbâʼle nyin ɨ, nye ópaʼle bɨn syɛɛ yin yaa, le ebœr bɨn mopʉʼlʉ mo duu mɨn. Mé ódi-di ó, njɨ é ncyɛn-nti-ncyɛn, akuna-kuna.

1 Yʉanes 2:28

No ó, bwa o bwan bam, diʼe ga é zyɛŋa win boo Krɨst, é mbi ndɨ ó, é dobo nye óbula ze e, bɨna bé ótʉm ga monyʉl ndwe le ecyɛb ga é mih me é nkʉʼʉ. Bɨna bé aŋa bil fwon.

Ebrœ̂ 9:28

Jwɨʼ gwar e gwar yaa nteme e Krɨst. Nye a kʉ ka dwè ó njɨ é jɔʼ gwar é l'efu ó, nye jala e mɨsyem mɨ bʉr é buobuo. É dobo nye óbula ze e, nye aŋa bâʼle dwih bʉr é mpila ebebe lɔɔ. Zea nye óze e, wé óbe ó, lé edwe bʉr o ndɨ ebono nye e, tiʼ molu mo mpoʼ mɨmɛh.

Mɨngwiha 22:14

Mocyɛʼ mo mpom, mé e bʉr o ndɨ esohlo mɨkan myɔɔ mpuban ɨ. Bé ó ndɨ e nkul eni é nkana yaa. Bé nteme, bé óbe e nkul emwaʼ mpumo lé ecyèl é lɨ tiʼ ɨ, de.

1 Korɛnt 15:43

É jɔʼ ndwè lé edebe ɛ, nye é nteʼe. É jɔʼ nye ópàh ɛ, nye óbe ó, nye mu e kum. É jɔʼ nye lé edebe e, nye é kpaa nkoo, le ecyɛʼ. É jɔʼ nye ópàh ɛ, nye óbe ó e nkul.

Mɨngwiha 22:1

No ó, engles waa ze lɛʼle me dibe. Modibe mo tiʼ, mé a be ó lé egʉ é sʉm dibe waa, modibe mo tɨʼ é ncyɛh-ncyɛh, mpʉ la. Dibe yaa, yé a gʉ sʉm ó, lé etaare é dia taʼa mo Zyɛm bé e Ma Ntœme,

Yʉ̂d 1:24

Kum, nye beʼ e mʉr ndɨ e nkul ekamle e bɨn ó, bɨn beʼ l'aduma, waa nteme ndɨ e nkul ecyel bɨn é mih me, waa ndɨ é moncɛnba ɛ, abe e sa ebebe nye a ngbaa nwahle bɨn e tɨ. Bɨn bé óbe nteme ó e bɨsʉhʉ é buobuo.

1 Yʉanes 5:12

É bʉr bɨbɛh, waa bé e Mwan mo Zyɛm ndɨ nkɔm mpwar ɨ, nyi bi tiʼ molu mo mpoʼ mɨmɛh. Mʉr ndɨ abe é zyɛŋa wɔɔ boo Mwan mo Zyɛm ɨ, nyi fib tiʼ molu mo mpoʼ mɨmɛh.

Títos 2:13

Bɨna bé ódi ga no ó, lé ebono mʉr lé egba bɨna mbɛla é mɨleme, waa lé esʉ bɨna mocyɛʼ mo mpom ɨ. Nye ó Zyɛm nɨnɨ ga wina, Tiʼbʉr ga wina Yesʉs-Krɨst, waa óbâʼle lɛʼle bɨna ga moncɛnba me e.

Mataos 13:43

No ó, bʉr o ndɨ cɨcyel é mih mo Zyɛm ɨ, bé ópan mpʉ dobo é jwɨ̀ʼa mo Sɔŋ wɔɔ.» Nye ze ko tɨʼ ó: «Mʉr ndɨ e mogwal mo ejoʼo e, nye joʼa naa.»

2 Timotɛ 4:8

Yi kʉ ka liʼ me ó njɨ ebœrɔ epʉʼlʉ é lʉ, laa ndɨ koma é l'efu lam ɨ. Epʉʼlʉ laa, lé ó ngo lɛʼle ó, mɨ bi mokebe é mih mo Zyɛm. Da Yesʉs óbœr me la ó, é dobo nye óbula ze e. Nye ó tiʼà mɨlɔb ndɨ etiʼe é l'ocɨcyel ɨ. Nye aŋa dwe yɛɛ njɨ me e me. Mopʉʼlʉ maa, mé óbœrɔ nteme ó, bʉr bɨbɛh lé esoho dobo Yesʉs-Krɨst óbula ze e.

2 Korɛnt 4:17

ebe, bwa o mɨtuu mɨ apyɛbpyɛb bɨh lé ebee é bananaʼ ɛ, myé elaa mpʉ ngul mpaa. Mɨtuu myaa, myé ó sa lé esa ó, bɨh biʼe buobuo kum ódi njʉmdia e njʉmdia ɛ.

Yʉanes 14:6

Yesʉs, nye e nye ó: «Me ó ndɨ zi. Me ó ndɨ é l'ocyecye. Me ó ndɨ Etin e tiʼ. Mʉr, nye abe e nkul eto nko Sɔŋ wam ndɨ ɨ, cwɨɨ é nuu zi fih, nkʉ yé abe é me.

Yʉanes 14:3

É jɔʼ me óbe si to, sil to komlo bɨn modia maa ɛ, me óbula ze nʉa bɨn é l'efu ó, bɨn toʼ, to di gumo me ódi ɨ.

2 Timotɛ 1:1

Mɛm Pol, lʉmlʉ mo Yesʉs-Krɨst é gwɨma mo Zyɛm ó lé etile go e. Me etile ó, é l'efu le etuno nkɛʼ tiʼ molu mo mpoʼ mɨmɛh nye a liʼe bɨna ga e wa ɛ. Bɨna bé óbi tiʼ molu mo mpoʼ mɨmɛh yaa ó, é zyɛŋa ga wina boo Yesʉs-Krɨst.

1 Tesalonika 4:17

Pie tɨ, bɨna ga, bʉr o ndɨ e tiʼ, baa bé óliʼ mɨkubla é jɔʼ nye óze e, bɨna bé óbere ga é mɨnkur tʉŋlʉ, to fwalɔ gumo gwar. Zyɛm ósyɛŋ bɨna ga e boo nɔɔ gʉ. Bɨna ga e boo nɔɔ, bé óbɔma e Da Yesʉs é l'ejyoo kʉ. Bɨna ga e boo nɔɔ, bé ódi ga gumo gwar, njʉmdia e njʉmdia.

1 Korɛnt 1:7

Bɨntɔɔ Zyɛm lé enol bwan be e, nyi nol bɨn nteme bya. É jɔʼ bɨn dina lé ebono zea Tî ga wina Yesʉs-Krɨst óze e, bɨn mu ó e bɨntɔɔ Zyɛm a nol bɨn binɨ.

Yʉanes 20:31

Sa ndɨ tɨʼ tila ɛ, yé a tilɔ ó, é l'efu ó, bɨn buʼla ó, Yesʉs, nye ó Lœma mulo mo Zyɛm le Mwan mo Zyɛm. ǃBɨn si jyɛʼ taa buʼo yin boo nye nɛʼɛ, bɨn bé óbi tiʼ molu mo mpoʼ mɨmɛh é zi we.

Mɨngwiha 2:7

«No ó, mʉr ndɨ e mogwal mo ejoʼo e, nye joʼa mokan Sisim lé elɛɛ mɨmbɛr mɨ Zyɛm ɨ. Mʉr nyiwɛh óbe si ntaa, bula e l'esaa é koo e, me ódwe nye mpumo lɨ tiʼ ndɨ ɨ Paradis mo Zyɛm ɨ. Nye ó dɔɔ.»

1 Timotɛ 6:14

ó go duʼo etie enɨ, abe e l'ebar é mih mo Zyɛm. Mʉr beʼ l'abe e nkul etɛɛ go é yʉʉ sɔʼɔ, to pyal é dobo Tî ga wina Yesʉs-Krɨst óbula ze e.

Mɨlʉmlʉ 3:15

Bɨn ó b'a jʉ Etin e tiʼ; Zyɛm nyɛɛ ntɔʼ pɛ̀h nye é foo. Bɨh ó ndɨ eliʼ boʼlo lɔb waa.

Lʉkas 17:30

Yé óbe nteme ó, jwɨʼ gwar e gwar yaa é dobo Mwan mo Mʉr óbâʼle nyin ɨ.

Rôm 8:18

Mbea wam, wé ó, mɨtuu bɨna lé ebɔma ga e mye é bananaʼ ɛ, myé ó sa ndɨ kʉ be mbɛh ɛ. Sa ndɨ é bwaʼ lɔb, laa mɨtuu myaa ɛ, yé ó kum Zyɛm ólɛʼle bɨna ga ɛ.

Rôm 8:19

Ebe, mɨcyea bɨsa bibyɛh, byé egwɨm bee dobo Zyɛm ólɛʼle bye bwan be é pono e.