Kolosi 2:9 - Kálara Zyɛ̌m Edwán é mpʉ̌n

⁹ Kwɨmla mo Zyɛm Sɔŋ ndɨ anwɨɨla e waa mo yʉʉ sɔʼɔ ɛ, wé nteme, wé ó waa mo Krɨst, é nyʉl we tʉŋlʉ.

Kálar Nzyɛ̌m : Ejwán é Sáá

⁹ Ebě, Nzyɛ̌m di ntinɨ̂ e ntinɨ̂ ó, ɨ́ nyʉ̂l mé Krîst.

Kolosi 2:9 ပူးပေါင်းရင်းမြစ်များ

Kolosi 1:19

Nye ecyɛb bye efoʼ ó, ebe, Zyɛm a ka bee embɨa é nko paʼ we ó, nye di ntinɨ e ntinɨ ó, é nye.

Yʉanes 1:14

Lwib a be ó si byɛl mʉr. Nye a si tiʼe paʼra ga wina. Bɨh bɨ bee moncɛnba me, moncɛnba mo Etiʼe e Mwan mo Zyɛm. Nye a duho boo Sɔŋ we ó, nye mu bɛa be lwɨŋla e ncwɨncwɨa e l'ocyecye mo Zyɛm.

Yʉanes 10:30

Bɨh e Sɔŋ wam, bé ó sa gwar.»

1 Timotɛ 3:16

Yé ejala ó, buʼo yina, yaa ndɨ é lwib odim ɨ, yé é laŋle bwaʼ. Yé ó: «Nye a ze nyin é si nwaʼ ó e nyʉl bɨpuno. Mbɨambɨa Sisim ze lɛʼle bɨna ga nya, bɨna gʉŋa ga ó, nye abe e mobe. Beengles, bé a si siŋle nye. Bʉr o bɨkul bɨfih, bé a si joʼo lɔɔ lé etiibe e nye e. Bʉr o si nwa, bé a si jyɛʼ taa buʼo yɔɔ boo nye. Nye a si to é jobo kʉ, é fum nye a dweŋɔ kum ɨ.»

Yʉanes 10:38

Sa gwar, ǃme si sa bɨsyɛɛla bye nɛʼɛ, dam ka be ó, bɨn bé abuʼla me, jyɛʼɛ ga taa buʼo yin boo me ebe bɨsyɛɛla byam byaa. É zi waa ó bɨn bé ófuʼla gʉa ó, Sɔŋ wam, nye etiʼe ó é me e; me ó é zyɛŋa wih boo nɔɔ ɛ.»

1 Yʉanes 5:20

Bɨna bé egʉa ga nteme ó, Mwan mo Zyɛm a si ze, ze gba bɨna ga pɨʼ é mɨleme, ó bɨna gʉŋa ga Zyɛm ndɨ cyecye e. Bɨna bé edi ga é zyɛŋa ga wina boo mʉr ndɨ cyecye e, ebe, bɨna bé edi ga é zyɛŋa ga wina boo Mwan we, Yesʉs-Krɨst. Nye ó ndɨ Zyɛm cyecye ndwe e l'Etin e Tiʼ.

Yʉanes 14:20

Dobo laa, bɨn bé ógʉa ó, me ó ɨ Sɔŋ wam, ndwe nteme, bɨn bé ó ɨ me, mɛm ɨ bɨn.

Yʉanes 17:21

Da, me ejwɨʼla e go ó, bɨbɛh, bé diʼe sa gwar. Bé diʼe é zyɛŋa wina, mpʉ go ndɨ ɨ me, mɛm ɨ go e. No ó bʉr bɨbɛh, bé óka buʼla ó, go ó b'a lomo me e.

Títos 2:13

Bɨna bé ódi ga no ó, lé ebono mʉr lé egba bɨna mbɛla é mɨleme, waa lé esʉ bɨna mocyɛʼ mo mpom ɨ. Nye ó Zyɛm nɨnɨ ga wina, Tiʼbʉr ga wina Yesʉs-Krɨst, waa óbâʼle lɛʼle bɨna ga moncɛnba me e.

Lʉkas 3:22

Mbɨambɨa Sisim ze fulo nye é nyʉl é baaa, mpʉ epɨba. Twii ze duho é jobo kʉ, lé elɛɛ ó: «Go ó mwan kpɛl wam. Me ekʉ mɨɨla e go.»

Mataos 1:23

«Ndu esehe e mʉma, wé ónʉa ebum, bya ma mʉrʉm. Bé ójwɨr nye die ó “Emmanuel”.» No yé edwirɔ ó: «Zyɛm, nye e bɨna ga.»

2 Korɛnt 5:19

Ebe, Zyɛm a sa sàa e bʉr o si bɨbɛh ó, dumo e Krɨst. Nye aka láa bim bɨbaa nye a niʼe bʉr é lɔb motie bé a ntaa ɛ. Nye ze dwe bɨh nkul ó, bɨh toʼ le etuno mbɨambɨa sàa waa.

1 Yʉanes 5:7

To kœb ó, bɨsa lé eboʼlo ocyecye, tiibe e Mwan mo Zyɛm ɨ, byé ó bɨlɛl:

Yʉanes 2:21

(Ebe no, é jɔʼ Yesʉs a pàh é foo e, ompʉn be, bé a si toŋlo mokan me maa, ntɔʼ gʉa ó, mpa «Odia mo Zyɛm» Yesʉs a lɛɛ ɛ, a be ó nyʉl we nye mʉr tɨ! Bé ntɔʼ buʼla Kalara Zyɛm ndwe e bɨlwib mo Yesʉs.)

Yʉanes 1:16

Bɨh bɨbɛh, bé a be ó si bi embɨa le, ndwe e mpwaʼ ncwɨncwɨa we ndɨ elaa ncwɨncwɨa a taare lɛʼlɔ ɛ.

Mɨlʉmlʉ 17:29

«Mpʉ bɨna ndɨ ga bwan be e, bɨna bé ajala le eka jwɨʼ ga ó, Zyɛm nye mʉr tɨ, nye enwɨɨla e dweʼle gol, nkʉ mɔn, nkʉ mokoʼ mɨcɨcyoo mɨ bʉr ndwe e mɨpɨpɨʼ lé ekpaʼ ɛ.

Lʉkas 14:22

Pie tɨ, syɛl mosa wé ntɔʼ bâʼle lɛɛ e nye ó: “Da, mɨ sa mpʉ go lɛɛ ó, me saʼ ɛ. Sa gwar, byʉʉ bɨdia, byé dina ó otɨtoʼo.”