Kolosi 2:4 - Kálara Zyɛ̌m Edwán é mpʉ̌n

⁴ Me elwib e bɨn é mbi wiʼ ó, mʉr beʼ l'akʉa bɨn é zi lwib bɨkʉʉŋʉ bʉr lé emɛʼle e.

Kálar Nzyɛ̌m : Ejwán é Sáá

⁴ Mě lwib e bɨ̌n ɨ́ mbi wɨ̂ʼ ó, mʉ̌r sá akʉ́a bɨ́n ɨ́ nzɨ̌ mikóo dí ɨ́ buú kpɛlɔɔ mí.

Kolosi 2:4 ပူးပေါင်းရင်းမြစ်များ

1 Yʉanes 4:1

Obɨɔ o kpɛl bam aa! Akpahbe buʼla ga mʉr nyiwɛh bɨn lé efuuba e nye, waa lé edwe-dwe bʉr bɨsikʉlʉ ɨ. Taara boblo ga mbi mʉr waa, bɨn nkʉʼ gʉa pie tɨʼ nkʉ sisim nye ndɨ e we e, wé eduho ó boo Zyɛm, ebe, mɨmpʉmpʉl mɨ ogwiha o mɨlɔb, myé mu ó si buo é si nwaʼ nyiwɛh.

Éfɛsɔs 4:14

É jɔʼ yaa ó bɨna bé ópʉʼa ga é l'oncyom é nko paʼ buʼo e. Bɨsikʉlʉ bɨfih, byé aŋa ka ncyeŋ bɨna ga, nkʉ gomlo bɨna ga é zi fih, waa baanya-bɨkʉʉŋʉ ndɨ edu ɨ. Bé egwɨm ó, bé ntaŋa bɨna ga é pɨʼ wɔɔ, le nteme ó, bɨna buʼla sikʉlʉ yɔɔ yaa.

Mataos 24:4

No ó Yesʉs a lɛɛ e be ó: «Diʼe ga ncye! Bé amu jaa gomlo bɨn é bebebebe zi,

2 Yʉanes 1:7

Ebe, baanya-bɨkʉʉŋʉ, bé mu ó si buo é si nwaʼ nyiwɛh. Bé akpɛl mɛʼle ó, Yesʉs-Krɨst a ze é si nwaʼ ó e nyʉl bɨpuno. Mʉr lé esoŋlo ó, buʼo ga yina, yé abe cyecye e, nye ó ndɨ anya-bɨkʉʉŋʉ le mʉr dɔm mo Krɨst.

Markus 13:22

ebe, mɨmpʉmpʉl mɨlœma mɨ mulo mo Zyɛm, myé e mɨmpʉmpʉl mɨ ogwiha o mɨlɔb, myé ópyal, lé eze le esa bɨdweʼle bɨ nkul wɔɔ e bɨsa bɨ jehe, lé esaa egomlo bʉr o Zyɛm a pɛh ɛ, é bebebebe zi, nkʉ bé ókoʼo.

Mɨngwiha 20:8

Nye ópyal kʉl, ntɔʼ bâʼle to é modumo mo si monâ lé eto le egomlo bʉr o ndɨ abe oYʉden ɨ, é bebebebe zi we. Mɨlal myaa, myé ejebɔ mie ó «Gog» ndwe e «Magog». Nye óbaŋle bʉr o bɨkul baa, syɛŋ be é gumo gwar, ó bé e boo nɔɔ toʼ le elʉo dɔm. Baa bé óto lwimla dɔm laa ɛ, bé óbuo, abe e tolɔɔ, mpʉ mosɨa mo maŋ.

2 Timotɛ 3:13

Bɨbɨbla bɨ bʉr, ndwe e baanya-bɨkʉʉŋʉ bɛɛ, bé óto le elɨŋa é buʼo ó, to-to ó toʼ. Bé óto dolo lé egomlo bʉr é bebebebe zi. Bʉʉ bʉr, bé óto gomlo be é mɔɔ mozi mo ebebe.

2 Timotɛ 2:16

Syɛhla baalwibalwiba o bʉr o ndɨ esa lɔɔ Zyɛm ebɨh ɨ. Byé abe e nyɔm é buʼo. Bʉr o ndɨ elʉo monyʉl mɔɔ é zi waa ɛ, bé egomlo bʉr é bebebebe zi, ó bé saʼ Zyɛm ebɨh.

Éfɛsɔs 5:6

Mʉr beʼ l'agomlo bɨn diʼ é zi lwib ndɨ mbɛh ɛ. Bɨsyɛɛla bɨ ebebe bɨnɨ, byé ó ndɨ egba Zyɛm empime é leme. Empime laa ó nye ókpaa e bʉr o ndɨ esa nye ebɨh ɨ.

Mɨlʉmlʉ 20:30

Bʉʉ obuʼla, bé óze e mbʉl é mbɛr Zyɛm win, le edulo ompʉn ó, bé jyɛlɨ e be ɨ diʼ.

Mɨngwiha 20:3

Jɔʼ engles a kaʼ nye, ntɔʼ guho nye é Bɨ-siʼe e, bé ze dible nʉm bɨ yaa, pɨr mongʉŋ mo tɨʼ e diba. Nye ze nɛr luʼ é dibla ebe le eŋmɛh sitam é luʼ waa, lé ekamle nye lé epyal kʉl. Nye amu jaa bâʼle taare lé egomlo bʉr o ndɨ abe oYʉden ɨ, é bebebebe zi. Jɔʼ mɨmbu tɔɔyin myaa, myé óbe si laa ɛ, yé ókʉ jala ó, bé birɨ nye, ó nye diʼe kʉl tɔɔ ma peh ewala.

Mɨngwiha 13:8

No ó, odil o si nwaʼ bɨbɛh, bé ódwiibɨ tir waa, pɛʼ njɨ baa Zyɛm a bɛa tile mie mɔɔ é kalara tiʼ we e. Kalara waa a bɛa be tila ó, duho é l'etɛɛrɨ e si nwaʼ ɛ. Nye ó é mobo mo Ma Ntœme bé a bɛa jʉ ɨ.

1 Yʉanes 2:26

Me etile bɨn bɨsa biʼ ó, tiibe e baa ndɨ e gwɨma ó, bé gomla bɨn é bebebebe zi ɨ.

1 Yʉanes 2:18

Bwan bam aa! Esie e mbi jɔʼ yi, lé mu ó kunokuno le epyal. Bɨn bé a si bɛa joʼo ó: «Mʉr dɔm mo Krɨst, nye ekʉ jala le etaare ze.» No ó, banana, bʉr o dɔm mo Krɨst, bé mu ó si buo! Ebe no ó bɨna mu lé egʉa ga ó, yi pyal é l'esie e mbi jɔʼ yiʼ ɨ.

Kolosi 2:18

É mpʉ bɨn ndɨ afil monyʉl si e beengles, nkʉ dwiibɨ be e, ǃɨ mʉr si dwe bɨn mobe mo mpene tɨʼ nɛʼɛ, anʉa ga lwib ye, gba é nkɔb. ǃBé si bee bɨsa mpʉ bé lé enyin-nyin é lima nɛʼɛ, bɨsa byaa ó bé lé enʉa, gba é nkɔb. Mɨmbi mɨ bʉr myaa, myé ó lwɨŋla e nkɛa nyʉl. Bé enkɛɛ-nkɛɛ monyʉl mɔɔ ó, mbɛh, ebe, mɨpɛhla myɔɔ, myé ekʉ ka duho ó njɨ é nkul ebebe lɔɔ tʉŋlʉ.

Kolosi 2:8

Diʼe ga ncye! Mʉr adil bɨn é l'olʉa é zi bɨkʉʉŋʉ bʉʉ bʉr bé elɛɛ-lɛɛ ó, byé ó «ocyoo o si nwa», byaa ndɨ eduho é mɨnjwɨr bɨmpam ga bina, nkʉ ntɔʼ ó, sikʉlʉ bʉr o si nwaʼ lé ekuhlo e. Mokan mɔɔ, mé aduho boo Yesʉs-Krɨst.

Galásia 2:4

Bʉʉ bʉr o nkɔm waa, bé a be ó okristen o bɨkʉʉŋʉ. Bé a niŋle monyʉl é mbɛr Zyɛm ga wina é nyololo ó, lé ejɨ bee nkʉ bɨna ga mu ó é dia otî é zyɛŋa ga wina boo Yesʉs-Krɨst. Bé a bà jwɨʼ ó, bé óbɛm bâʼle liŋ bɨna molʉa.

2 Korɛnt 11:3

Me ejoʼo bʉa. Me ekpɛɛ ó, bɨn bé amu jaa gomlo bɨbɛh é bebebebe zi ebe bɨkʉʉŋʉ. Bɨn bé amu dwibra e Krɨst jɔʼ gwar é dwirɨ, jwɨʼ gwar e gwar e mpʉ nyʉa a kʉa Efa, nye ntɔʼ bil é bɨkʉʉŋʉ ɨ. Bɨn bé amu jaa gwaʼ lé edwiibɨ Krɨst ntinɨ e ntinɨ.

1 Korɛnt 2:4

Lwib yam ndwe e mbi me a cen mpaŋla mo Zyɛm ɨ, byé a baabe bɨlwib ndɨ lwɨŋla e l'ocyoo o mbi jɔʼ yi. Sa yé a tine bɨn ó, bɨn buʼla sikʉlʉ yaa ɛ, yé a be ó, bɨsyɛɛla Mbɨambɨa Sisim a sa e nkul we e.

Mataos 24:24

ebe, mɨmpʉmpʉl mɨlœma mɨ mulo mo Zyɛm, myé e mɨmpʉmpʉl mɨ ogwiha o mɨlɔb, myé óbuo. Bé ósa bɨbwaʼbwaʼ bɨdweʼle bɨ nkul wɔɔ ndwe e bɨsa bɨ jehe lé esaa egomlo mɨpɛha mɨ bʉr mye é bebebebe zi, ǃbé ókoʼo wa.

Éfɛsɔs 4:17

Ebe no ó me lé elɛɛ e bɨn, le eboʼlo é die mo Da Yesʉs ó, yé ajala ó, bɨn kœʼœ ebò e cyen egwar, bɨn e bʉr o ndɨ abuʼla ɛ. Bé ekʉ ka sa ó njɨ baambɛhambɛha o bɨsyɛɛla, ebe, mɨpɛhla myɔɔ, myé ó mbɛh e mbɛh.