Kolosi 2:2 - Kálara Zyɛ̌m Edwán é mpʉ̌n

² Me ejaʼra e mɨtuu myaa ó, me gbaʼ bɨn nkul é monyʉl, le esa ó, bɨn syɛŋa é leme ncwɨncwɨa. Bɨn nkʉʼ gʉa buʼo ga yina é kpɛhla, sa ndɨ bɨn e buobuo nyɔm ɨ. Bɨn gʉŋa nteme Krɨst, mʉr Zyɛm a fol é lwib odim ɨ.

Kálar Nzyɛ̌m : Ejwán é Sáá

² Syɛ́ɛ́ mé dí eséa yɨ́, mě séá yé ó, me nkʉ̂ gbâ bɨ́n nkul ɨ́ miléme, le esâ ó, bɨ̌n kpɛ́laa, le egwá pûhla. Bɨ̌n nkʉ̂ gʉ́ǎ búʼó gá yɨ́ná ɨ́ pébébé, sá dí bɨ̌n e nyɔm ɨ́ buo buo yɨ́. Bɨ̌n gʉ́ŋaa ntémé Krîst, mʉ̌r Nzyɛ̌m á sol ɨ́ lwǐb ódîm nyá.

Kolosi 2:2 ပူးပေါင်းရင်းမြစ်များ

Kolosi 1:27

Zyɛm a be ó si bà jwɨʼ ndɨ e buobuo nyɔm é l'efu lɨn, bʉr o ndɨ abe oYʉden ɨ. Nye a be ó si gwih lwib odim ye ó, lé elɛʼle bʉr be ya. Nye a be si gwɨm ó, bé gʉŋa ye é kpɛhla. Lwib odim yaa, yé ó yi: Krɨst, nye mu ó é bɨn nteme! Mɨleme min, mi loŋlo e mbɛla ó, bɨn bé óbi kum tɨ.

Kolosi 4:8

Nye waa ó me a lomo bɨn ɨ, ó nye toʼ, to lɛɛ bɨn mpʉ tiʼ yih lé elaa ɛ, ndwe le egba bɨn nkul é monyʉl.

Éfɛsɔs 6:22

Me elomlo bɨn nya ó, nye ntaʼ, ze lɛɛ bɨn mɨlɔɔ mɨ tiʼ yih, le eze gba bɨn nkul é monyʉl.

Kolosi 3:14

É bɨsyɛɛla byaa bibyɛh, kpɛla ga, ebe, kpɛl ó ndɨ elar bɨn, ó bɨn diʼe mɨlɛra é mɨpaʼ mimyɛh.

Rôm 16:25

A bwaʼ nkul Zyɛm ndɨ e nye ee! Nkul waa ó mu lé elɨl bɨn lé edu mpʉ Mbɨambɨa Lɔɔ me lé elɛɛ ɛ, ndɨ ɨ. Mpaŋla waa, nye etiibe ó e Yesʉs-Krɨst. Nye edu nteme lwib odim yé a taare be mɨfela mɨmbu é buobuo,

Filipi 3:8

Yé ó no! É mpʉ mɨ gʉa Tî wam Yesʉs-Krɨst ɨ, me mu lé enʉa bɨsa bɨfih bibyɛh mpʉ sa ndɨ mbɛh ɛ. Mɨ dimle bɨsa bibyɛh ó, me nkʉʼ jyɛʼ taa buʼo yam boo nye. Mɨ ka nʉa bye ó, mpʉ sa lé ejala le emyahɔ é diʼ ɨ. Me ekʉ tìne bye ó, me nkʉʼ bi nkul di é zyɛŋa wih boo Krɨst!

Filipi 2:1

Yé be ó, bɨn bɨ gbaŋɔ nkul é monyʉl, duho é zyɛŋa win boo Yesʉs-Krɨst nɛʼɛ, yé be ó, kpɛl ye, yi lɨl bɨn wa, yé be ó, bɨn mu ó é zyɛŋa win boo Mbɨambɨa Sisim cyecye wa, yé be ó, bɨn bé ó e njwɨʼa-nkoo paʼra win wa,

2 Pyɛr 1:3

Zyɛm a si dwe bɨna ga sa yiyɛh ndɨ e nyɔm é l'efu ó, bɨna biʼe tiʼ molu mo mpoʼ mɨmɛh le ekœʼ ebò e cyen é mbi nye ndɨ ekpɛl ɨ. Nye a sa no ó, é zi nkul nye ndɨ e nye ebe tiʼ nye ndɨ e ye e. Bɨna bi ga tiʼ molu mo mpoʼ mɨmɛh yaa ó, é zi ngwɨa bɨna lé egʉa ga nye e. Nye ó b'a jebe bɨna ga, lé elɛʼle mbɨambɨa njwɨr we ndwe e kum we.

Rôm 15:13

No ó, Zyɛm lé egba bʉr mbɛla é mɨleme e, nye cyɛba bɨn é mɨleme, ó bɨn soha é jɔʼ yiyɛh. Mɨleme min, myé loŋla e motala ebe buʼo yin. No ó myé óloŋlo e mbɛla ebe nkul mo Mbɨambɨa Sisim ɨ.

Yʉanes 10:30

Bɨh e Sɔŋ wam, bé ó sa gwar.»

Yʉanes 6:69

Banana, bɨh bɨ buʼla le egʉa é kpɛhla ó, go ó ndɨ Mʉr mo Zyɛm ndɨ ti ɨ!»

Ebrœ̂ 10:22

no ó bɨna lé ejala le edihle ga kunokuno e nye e, lwɨŋla e mbɛla e buʼo ndɨ eduho é mɨmo si ɨ. Mɨleme ga mina, myé mu ó si pubɔ. Mɨpɛhla mɨleme ga mina, myé abe lé eka nwahle bɨna ga ó, bɨna bé ó e mobe. Monyʉl ga mɨna, mé ó mɨnjwɨ̀a e modibe ndɨ é ncyɛh-ncyɛh ɛ.

1 Timotɛ 3:16

Yé ejala ó, buʼo yina, yaa ndɨ é lwib odim ɨ, yé é laŋle bwaʼ. Yé ó: «Nye a ze nyin é si nwaʼ ó e nyʉl bɨpuno. Mbɨambɨa Sisim ze lɛʼle bɨna ga nya, bɨna gʉŋa ga ó, nye abe e mobe. Beengles, bé a si siŋle nye. Bʉr o bɨkul bɨfih, bé a si joʼo lɔɔ lé etiibe e nye e. Bʉr o si nwa, bé a si jyɛʼ taa buʼo yɔɔ boo nye. Nye a si to é jobo kʉ, é fum nye a dweŋɔ kum ɨ.»

Ebrœ̂ 6:11

Bɨh bé egwɨm ó, mʉr nyiwɛh saʼ zyee lé esea syɛɛ yaa, to pyal é l'odumo, akar. É jɔʼ yaa ó leme mʉr waa, wé óloŋlo e mbɛla ɛ.

Kolosi 1:9

Ebe no ó bɨh dina lé ejwɨʼla e Zyɛm é l'efu lɨn, agwaʼ ɛ. Taare é jɔʼ bɨh bé a joʼo be lé elwib, tiibe e bɨn ɨ, ze pyal é muh é dobo lɨ, bɨh bé esa Zyɛm mɨnjwɨʼla, ó nye loŋla bɨn pɨʼ ndɨ ó, bɨn gʉŋa bɨgwɨma bɨ leme we. Nye dweʼ bɨn ocyoo wiwɛh, le esa ó, bɨn gʉŋa mɨlɔb Mbɨambɨa Sisim lé eyeʼle e.

Galásia 3:28

Ziila, nye aka gʉa be paʼra Yʉden bé e mʉr kul fih. Yé aka gʉa be ziila paʼra elʉa bé e mʉr ndɨ é dia otî ɨ, nkʉ paʼra mʉma bé e mʉrʉm, ebe, bɨn bɨ di é zyɛŋa win boo Yesʉs-Krɨst. Bɨn bɨbɛh mu ka di ó é dia mʉr ngwar: Yesʉs-Krɨst.

1 Korɛnt 2:12

Bɨna ga bɛɛ, bé a baabœɔ ga bɨbla sisim ndɨ ejwɨʼ si nwaʼ ɛ. Bɨna bé a ntɨhɔ ga ó, Sisim lé eduho boo Zyɛm ɨ. Ebe no ó bɨna bé ógʉa ga motʉm mɨmɛh Zyɛm a ntɨh bɨna ga ɛ.

Yʉanes 17:3

Tiʼ molu mo mpoʼ mɨmɛh, yé ó, bé gʉŋa go, ó go ó ndɨ mpaŋ Zyɛm ndɨ ngwar e ngwar ɨ. Bé gʉŋa nteme Yesʉs, mɛm, mʉr go a lœm mulo, waa go a ntɨh kaʼ ɛ.

Yʉanes 16:15

Sa yiyɛh Sɔŋ wam ndɨ e ye e, yé ó sa yam. Ebe no, me a lɛɛ e bɨn ó nɛɛ: Mbɨambɨa Sisim ólɛɛ bɨn mɨlɔb lé etiibe e me e.»

Yʉanes 10:38

Sa gwar, ǃme si sa bɨsyɛɛla bye nɛʼɛ, dam ka be ó, bɨn bé abuʼla me, jyɛʼɛ ga taa buʼo yin boo me ebe bɨsyɛɛla byam byaa. É zi waa ó bɨn bé ófuʼla gʉa ó, Sɔŋ wam, nye etiʼe ó é me e; me ó é zyɛŋa wih boo nɔɔ ɛ.»

Yʉanes 5:23

ó bʉr bɨbɛh, bé dwiibɨ Mwan mo Zyɛm jwɨʼ gwar e gwar é mbi bé lé edwiibɨ Zyɛm Sɔŋ ɨ. Mʉr ndɨ adwiibɨ Mwan mo Zyɛm ɨ, nye adwiibɨ nteme Zyɛm Sɔŋ, mʉr a ntɨh nye e.

Yʉanes 5:17

No ó Yesʉs a ze lɛɛ e be ó: «Sɔŋ wam, nye esea ó, é jɔʼ yiyɛh, ze pyal é banana. Mɛm nteme, me esea no.»

Mataos 11:27

«Sɔŋ wam a si dwe me bɨsa bibyɛh. Abe e mʉr lé egʉa Mwan mo Zyɛm, pɛʼ njɨ Zyɛm Sɔŋ nye ome. Abe e mʉr ndɨ egʉa Zyɛm Sɔŋ, pɛʼ njɨ Mwan mo Zyɛm ndwe e baa Mwan lé ekpɛl lɛʼle e.

Mataos 11:25

É jɔʼ yaa ó Yesʉs a ze lɛɛ ó: «Da, me edwiibɨ go, gwɔɔ Njwɨɨ kʉ e si, ebe, go a be ó si lɛʼle bʉr o ndɨ mpʉ bwɔɔncyom ɨ, bɨsa go a fol mɨcɨcyoo e l'ogwɨa o si nwaʼ ɛ.

1 Yʉanes 5:7

To kœb ó, bɨsa lé eboʼlo ocyecye, tiibe e Mwan mo Zyɛm ɨ, byé ó bɨlɛl:

1 Yʉanes 3:19

Bɨna bé egʉa ga ó, bɨna bé ó baa mo Mʉr ndɨ e l'ocyecye ó, é mbi wi: bɨna bé efil ga mɨleme ga mina si é mih mo Zyɛm

2 Pyɛr 3:18

Toʼ le egwɨe ga ebe ncwɨncwɨa Tî ga wina le Tiʼbʉr ga wina Yesʉs-Krɨst lé elɛʼle bɨn ɨ. Bɨn bé à gwɨe nteme ebe bɨn bɨ gʉa nye. Nye ome ó ndɨ ejala e kum, taare é banana, to pyal é njʉmdia e njʉmdia. Amɛn.

2 Pyɛr 1:10

Obɨɔ ga bam aa! Me elɛɛ bɨn ó nɛɛ: gbaʼ ga monyʉl lé esea é dwiii é l'efu ó, bɨn gʉŋa cyecye ó, Zyɛm a si jebe bɨn, le epɛh bɨn, ebe, ǃbɨn si sa no nɛʼɛ, bɨn bé ákwoʼ duma é syem.

1 Tesalonika 5:14

Obɨɔ ga bam aa! Bɨh bé ejwɨʼla e bɨn ó, bɨn bɛa bal bʉr o ndɨ esa epɨh ɨ. Baa ndɨ e l'ecyɛʼ é monyʉl ɨ, lɛŋɨ ga ó, bé tʉmɨ nyʉl. Dihba ga bʉr bɨbɛh.

1 Tesalonika 3:2

le elomlo bɨn Timote. Nye ó mɨɔ ga wina ndwe e syɛl mosa mo Zyɛm, mʉr bɨna e nɔɔ ndɨ é l'empomo e syɛɛ egwar lé elɛɛ Mbɨambɨa Lɔɔ mo Krɨst ɨ. Bɨh bé a lomo nye gʉʼ bɨn ye ó, nye lɨlɨ bɨn e buʼo, le esa ó, bɨn toʼ dolo lé ejyɛʼ taa buʼo yin boo Krɨst.

1 Tesalonika 1:5

ebe, é jɔʼ bɨh bé a lɛɛ bɨn Mbɨambɨa Lɔɔ ɛ, bɨn bé a baanʉa lɔɔ waa e l'epɨh. Yé ó, ebe, é jɔʼ gwar yaa, Zyɛm a si lɛʼle bɨn nkul nɨnɨ we tɨ. Sisim we, wé a si fulo nteme é bɨn. Bɨn bé a ka gʉa é jɔʼ yaa ó, lɔɔ waa, wé a kʉ be ó cyecye. Bɨn bé egʉa nteme mpʉ bɨna bé a be-be ga ɛ. Bɨh bé a tiʼe-tiʼe no ó, é l'efu le edi bɨn e nyɔm.

Mɨlʉmlʉ 4:32

Obuʼla bɨbɛh, bé a be ó leme ngwar ndwe e sisim ngwar. Abe e mʉr ngwar é sama yɔɔ a be e nkul elɛɛ ó, bɨsa bye, byé a kʉ gumo ó njɨ e nye mʉr tɨ, agumo nteme e bʉʉ bʉr. Paʼ wɔɔ, sa yiyɛh, yé a baʼlɔ-baʼlɔ ó zyɛŋa.

Mataos 13:11

Nye ntɔʼ bɨha e be ó: «Bɨn ó Da a gwih lwib odim lé etiibe e jwɨ̀ʼa ye e, ó bɨn gʉŋa ye é kpɛhla. No ó bɛɛ, bé a baagwihɔ ye.

Lʉkas 1:1

Tamamʉr Teofil, bɨsyɛɛla byé a syɛɛlɨ é bɨna ga tʉŋlʉ ɨ, bʉr, bɨ jwɨʼla lé etile bye zɔʼ e zɔʼ.

Rôm 2:4

Zyɛm nyɛɛ yɛɛ si lɛʼle go ncwɨncwɨa we laŋle. Nye nteme a si bee mɨsyem myo, alwib. Nye a si bul dihbe le. Zê go mu ó lé epyeh bɨsyɛɛla bye byaa ɛ? Zê go agʉa bim embɨa nye a sa go e? Embɨa le, lé ejala le elɛʼle leme go zi egwɨma mobebe mo, le edwir leme.

1 Korɛnt 14:31

Dɨʼe sa ga no, ebe, bɨn bé ó e nkul egwih mɨlɔb mo Zyɛm mʉr ngwar ngwar é l'efu ó, bʉr bɨbɛh, bé jwɨʼɨ, mʉr nyiwɛh lé egbaŋɔ nkul é nyʉl,

Éfɛsɔs 1:7

Mwan waa ó b'a pyɛl motié me, ntɔʼ jɛna mobyaʼ, le edwih bɨna ga é mpila ebebe é pololo. Nye a sa no ó, Zyɛm pɛʼɛ bɨbaa nye a bɛa niʼe bɨna ga é lɔb motie bɨna bé a ntaa ɛ. Zyɛm a sa bɨna ga bɨsyɛɛla byaa bibyɛh ó, lé elɛʼle bɨna ga mpwaʼ ncwɨncwɨa we.

Éfɛsɔs 3:3

Nye a be ó si gwih me lwib odim ye ó, me gʉŋa ye, mpʉ bɨn mu lé ebee é zi bwa mokan me mu si tile bɨn ma.

Éfɛsɔs 3:16

Me ejwɨʼla e nye ó, nye gbaʼ bɨn nkul é monyʉl é zi Sisim we é l'efu ó, bɨn diʼe e tɨʼ lwɨŋla, lé edu mpwaʼ kum we.

Kolosi 1:26

Wé a taare be ó é lwib odim, sa Zyɛm a fol e mɨmya mɨ bʉr é buobuo e. Nye ka ze lɛʼle we é kpɛŋlɛm boo mɨsaŋ mɨ bʉr be.

Kolosi 2:19

Bé aka mɛr Yesʉs-Krɨst é kpɨɨɨ. Nye ó ndɨ lʉ, fum nyʉl lé ekab nkul we é bɨfum bɨ nyʉl bɨfih ɨ. Nye ó ndɨ esyɛŋ bɨfum bɨ nyʉl we, le elɛʼle bye mpʉ byé lé ejala le edira é mobɨl ndwe e mɨsihe e. Nye nteme ó ndɨ esa ó, nyʉl waa toʼ le egwɨe mpʉ Zyɛm lé egwɨm ɨ.

Kolosi 4:3

Saʼ ga mɨnjwɨʼla nteme é l'efu lɨh, ó nye dibɨ bɨh zi ó, bɨh tuna Mbɨambɨa Lɔɔ we, ó bɨh pɛʼla lwib odim lé etiibe e Krɨst ɨ. Me kɛʼa é mbʉʼ ó, ebe lɔɔ me lé ebɛa tuno-tuno e.