Kolosi 2:1 - Kálara Zyɛ̌m Edwán é mpʉ̌n

¹ Me ekpɛl ó, bɨn gʉŋa bim mɨtuu me lé ejaʼra e mye é l'efu lɨn ɨ. Myé ó é l'efu e bʉr o Laodisea nteme, ka kɛl baa bɨbɛh l'apa bee me mpom ɨ.

Kálar Nzyɛ̌m : Ejwán é Sáá

¹ Mě kpɛl ó, bɨ̌n gʉ́ŋaa bisyɛ́ɛ́ mé dí eséa lɨ́ esú lɨ́n bí. Yé ntémé, yé ó lɨ́ esú é bʉ̂r ó Laodiséa, ndu e baá bɨ́bɛ̂h dí apǎ bee mé mpǒm bá.

Kolosi 2:1 ပူးပေါင်းရင်းမြစ်များ

Kolosi 1:29

Ebe no ó me lé ejaʼra e syɛɛ yiʼ ɨ. Me ebaran e mɨtuu bɨsyɛɛ ó, é nkul ndɨ eduho boo Krɨst ɨ. Nkul we waa ó ndɨ esea é me tʉŋlʉ.

Filipi 1:30

No ó, bɨn mu ó lé elwimla dɔm egwar bɨn bé a bee me lé elwimla ɛ. Me dina ó lé elwimla dɔm laa, ze pyal é muh é dobo lɨ, mpʉ bɨn bé a joʼo e.

Mɨngwiha 1:11

Nye e me ó: «Sa go lé ebee e, tila ye é kalara. Go à pile nye, cen mɨmbɛr mɨ Zyɛm tambɛl ndɨ ɨ Efɛɛz, ɨ Smirna, ɨ Pɛrgamos, ɨ Tiatir, ɨ Sardɛs, ɨ Filadɛlfi, ndwe ɨ Laodisea ɛ.»

Kolosi 1:24

Banana, me mu ó lé ejoʼo bɨsʉhʉ ebe mɨtuu me lé ejaʼra e mye é l'efu lɨn ɨ. Mɨtuu Yesʉs-Krɨst a bwiʼ ɨ, myé ó me lé efwahle é bɨpuno byam mi. Me ejoʼo mogumba mo tɨʼ ó, é l'efu e nyʉl mo Krɨst, ndɨ Mbɛr-Zyɛm ɨ.

Mɨlʉmlʉ 20:38

Bé a kʉ bul jwɨʼ bé bʉr o tɨʼ nkoo ó, ebe, nye a lɛɛ ó, bé aŋa ka bâʼle bee nye. No ó bé a to liʼle nye, to pyal é gumo titima yé a bono nye e.

1 Pyɛr 1:8

Bɨn bé ekpɛl nye, bɨn l'apa bee yɛɛ nye. Bɨn bé ejyɛʼ taa buʼo yin boo nye, dam be ó bɨn bé apa bee nye, ze pyal é banana. Ebe no ó bɨn ndɨ lwɨŋla e bɨsʉhʉ, é mbi ndɨ ó, mʉr, nye abe e nkul etaŋle bye é lwib ɨ. Bɨn mu ó e kum, duho tɨ.

Kolosi 2:5

Yé cyecye ó, me ó é ncɛra e bɨn é nko paʼ nyʉl bɨpuno. No ó, é nko paʼ sisim, me yɛɛ ó kunokuno e bɨn. Me ó kʉ be é l'esama lɨn tʉŋlʉ, lé esoho lé ebee mpʉ bɨn dina lé ecyɛb é nkʉʼʉ ɨ. Me esoho nteme lé ebee mpʉ bɨn lé ejyɛʼ taa buʼo yin boo Krɨst ɨ.

Galásia 4:19

Bwan bam aa! Me mu ó bâʼle bi mɨtuu mpʉ mʉma lé ejaʼra e min ɨ. Me ójoʼo-joʼo mokpaa no ó, to pyal é jɔʼ Yesʉs-Krɨst óbe si gwɨe é bɨn ɨ.

Mɨlʉmlʉ 20:25

«Sa gwar me egʉa é bananaʼ ɛ, yé ó: abe e mʉr ngwar é l'esama lɨn óka bâʼle bee me, dam be bɨn bɨbɛh bé a bee me lé elaa-laa paʼra win, lé elɛɛ lɔɔ lé etiibe e jwɨ̀ʼa mo Zyɛm ɨ.

Lʉkas 22:44

No ó, mpʉ nye a be lé ekʉ jʉʼra mɨtuu ɨ, nye ze gba nyʉl é mɨnjwɨʼla. Didiʼ ze pyal nye é mpom, dɨ taba si mpʉ motié.]

Ebrœ̂ 5:7

Jyɛm Yesʉs a tiʼe é si nwaʼ ɛ, nye a be-be lé ejwɨʼla e waa a be e nkul epɛʼ nye é l'efie e. Nye a si bʉ tim, jɨ kʉ kʉ, lé eto le edî le ejaʼ Zyɛm ngula. Zyɛm nyɛɛ ntɔʼ joʼo nye é lɔb mojoʼo Yesʉs a sa nye e.

1 Tesalonika 2:2

Bɨn bé egʉa nteme mpʉ bɨh bé a sia e tuu le cere é nkana Filipi, bɨh l'apa pyal bɨn ye e. É jɔʼ bɨh bé a pyal bɨn ye e, Zyɛm Sɔŋ wih a sa ó, bɨh tʉmɨ monyʉl, ó bɨh lɛŋɨ bɨn Mbɨambɨa Lɔɔ mo Krɨst teme bʉr o ndɨ esa bɨh mongan ɨ.