Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Kolosi 1:9 - Kálara Zyɛ̌m Edwán é mpʉ̌n

9 Ebe no ó bɨh dina lé ejwɨʼla e Zyɛm é l'efu lɨn, agwaʼ ɛ. Taare é jɔʼ bɨh bé a joʼo be lé elwib, tiibe e bɨn ɨ, ze pyal é muh é dobo lɨ, bɨh bé esa Zyɛm mɨnjwɨʼla, ó nye loŋla bɨn pɨʼ ndɨ ó, bɨn gʉŋa bɨgwɨma bɨ leme we. Nye dweʼ bɨn ocyoo wiwɛh, le esa ó, bɨn gʉŋa mɨlɔb Mbɨambɨa Sisim lé eyeʼle e.

အခန်းကိုကြည့်ပါ။ ကော်ပီ

Kálar Nzyɛ̌m : Ejwán é Sáá

9 Sá tɨ̂ʼ ó bɨ́h jɨʼlá e Nzyɛ̌m lɨ́ esú lɨ́n, agwâʼ yɨ́. Táare ɨ́ móhó bɨ́h á jóʼo bé lɨ́ elwib, dumo e bɨ̌n wɨ́, nzě kumǒ kumáa mûh, bɨ̌h jɨʼlá e Nzyɛ̌m ó, nye lóŋlaa bɨ̌n pɨʼ dí ó, bɨ̌n gʉ́ŋaa sá nyé á tíʼe ɨ́ lémé wé yɨ́. Nye dwêʼ bɨ̌n ocwóó wɨ́wɛ̂h, le esâ ó, bɨ̌n gʉ́ŋaa milɛ́ʼlá Sísǐm mé Nzyɛ̌m dí edwe mí.

အခန်းကိုကြည့်ပါ။ ကော်ပီ




Kolosi 1:9
35 ပူးပေါင်းရင်းမြစ်များ  

Mpaŋ ocyoo lé eduho boo Zyɛm ɨ, wé ó é pememe. Mʉr ndɨ e l'ocyoo waa ɛ, nye esa ó, bʉr diʼe é motala. Nye ó é tala njwɨr, lé ekpahbe joʼo bʉʉ bʉr. Nye ejwɨʼ bʉr nkoo ndwe le ecwɨa e be. Nye abe lé eto mʉr é nkɔm ebe nduula bé e nɔɔ ndɨ e we e. Njwɨʼa-nkoo ye, yé eduho nye é mo si.


ǃƗ nuu mʉr é mbɛr Zyɛm win si bee ó, ocyoo, wé ejɨ sa nye sɔɔlʉ nɛʼɛ, nye jaʼa Zyɛm wa. Nye ódwe nye wa. Zyɛm, nye edwe bʉr bɨbɛh ó, é ntuʼ-ntu-ntuʼ, atam be.


É jɔʼ bɨn lé ekœʼ ebò e cyen lɨn teme bʉr o ndɨ abe okristen ɨ, dɨʼe sa no e gwɨma ó, bé mɛʼla ó, bɨn bé ó mɨcɨcyoo. Dɨʼe sa ga ó, bɨjɔʼ bin bibyɛh, byé ó bɨn e mpaŋ nyɔm.


Nye komla bɨn é mɨpaʼ mimyɛh, ó bɨn saʼ bɨsyɛɛla bɨ embɨa bɨn lé ebee ó, byé lé edu gwɨma ye e, nye gʉa cyel bɨna ga é mih me dumo e Yesʉs-Krɨst, ndɨ e kum njʉmdia e njʉmdia ɛ. Amɛn.


Sa Zyɛm lé egwɨm é win paʼ, yé ó: bɨn cwɨa e bʉr, bɨgʉ nkʉʼ di é jwɨm, aka lwib sa ndɨ asiŋa ɛ.


É paʼ waa nteme ó bɨh lé ejwɨʼla é bɨjɔʼ bibyɛh é l'efu lɨn ó, nye beŋɨ mbɨmbɨa ó, bɨn bé ekœʼ ebò e cyen nye a jebe bɨn ó, bɨn kœʼœ œ. Bɨh bé ejwɨʼla nteme ó, nye cyɛba bɨn é mɨleme ó, bɨn loŋla bɨsyɛɛ bibyɛh bɨn mu lé ebuʼla ó, bɨn bé ejala le esea nye e.


Bɨna bé egʉa ga nteme ó, Mwan mo Zyɛm a si ze, ze gba bɨna ga pɨʼ é mɨleme, ó bɨna gʉŋa ga Zyɛm ndɨ cyecye e. Bɨna bé edi ga é zyɛŋa ga wina boo mʉr ndɨ cyecye e, ebe, bɨna bé edi ga é zyɛŋa ga wina boo Mwan we, Yesʉs-Krɨst. Nye ó ndɨ Zyɛm cyecye ndwe e l'Etin e Tiʼ.


Mɛʼla ga ó, lwib mo Krɨst, yé loŋla mɨleme min. Dɨʼe dweela ga sikʉlʉ paʼra win, yaa ndɨ e l'ocyoo e. Dɨʼe dweela ga motɨɨ paʼra win. Jɛŋɨ ga Zyɛm oSam, e bɨjɛɛ bɨ Mbɛr-Zyɛm ndwe e bɨjɛɛ bɨfih Mbɨambɨa Sisim ódɨ lɛʼle bɨn ɨ. Bɨjɛɛ byaa, byé óduho bɨn é mɨmo si, lé edwe Zyɛm ekiba.


Sa lé ejɨŋɔ é nko paʼ win ɨ, yé ó bihbe. ǃBɨn si be e bihbe waa nɛʼɛ, bɨn bé ósa gwɨma mo Zyɛm é jɔʼ yaa. Bɨn bé óbi sa nye a kɛʼ bɨn ɨ.


É jɔʼ yiyɛh me lé ejwɨʼla é l'efu lɨn ɨ, me ejwɨʼla ó e bɨsʉhʉ,


É jɔʼ yiyɛh me lé esa Zyɛm Sɔŋ wam mɨnjwɨʼla é l'efu lo e, me edwe nye ekiba é lɔb go,


Mʉr asea syɛɛ njɨ é jɔʼ bé lé epala nye e. Mʉr beʼ l'asea é l'efu e moseʼla mo bʉr. Mpʉ bɨn mu osyɛl o mosa mo Krɨst ɨ, sea ga e be syɛɛ, lé eloŋlo gwɨma mo Zyɛm, e mɨleme min mimyɛh.


Aka du ga mɨnjwɨr bʉr o mya wiʼ lé ekuhlo e. Yé ejala ó, Zyɛm dweʼ bɨn mɨpɛhla mɨdwan, ó nye dwirɨ bɨn mɨleme. É mbi waa ó bɨn bé ógʉa sa Zyɛm lé egwɨm ɨ, é kpɛhla. Bɨn bé ógʉa sa ndɨ é mbɨa ɛ, ndwe e yaa nye lé emɛʼle e, ka kɛl sa ndɨ mbɨmbɨa é mɨpaʼ mimyɛh ɛ.


É mɨnjwɨʼla bɨh lé ejwɨʼla e Zyɛm Sɔŋ ga wina ɛ, bɨh bé etoŋlo syɛɛ bɨn bé a sea ebe buʼo yin ɨ. Yé a be nteme ó, e kpɛl bɨn lé ekpɛl Zyɛm ɨ. Bɨh bé etoŋlo nteme mɨtuu bɨn bé a sia e tíila ebe taa buʼo bɨn ndɨ ejyɛʼ boo Tî ga wina Yesʉs-Krɨst ɨ. Bɨh bé esa no ó, é mih mo Zyɛm Sɔŋ ga wina.


To kœb ó, bɨsa bɨ jobo yiʼ ndwe e byaa bʉr lé egwɨm tɨʼ ɨ, byé elaa ó laŋa. No ó, mʉr lé esa gwɨma mo Zyɛm ɨ, nyiha ó ndɨ ebi tiʼ molu mo mpoʼ mɨmɛh.


Mbi mʉr waa, wé óka tiʼe-tiʼe é si nwaʼ ó, njɨ lé eloŋlo gwɨma mo Zyɛm. É jɔʼ nye dina mʉr si nwaʼ ɛ, nye ákwoʼ ka loŋlo bɨgwɨma bɨ nyʉl bɨpuno.


Epafras, mʉr a duho bɨn ye e, nye esoho bɨn. Nye ó kʉ be syɛl mosa mo Yesʉs-Krɨst. Nye esa Zyɛm mɨnjwɨʼla é jɔʼ yiyɛh é l'efu lɨn ó, bɨn kuma é l'ombɨmbɨa é mɨpaʼ mimyɛh, bɨn mu si gʉa bɨsyɛɛla Zyɛm lé egwɨm ɨ.


Mbɨambɨa Lɔɔ, wé emyɛma é bɨn tʉŋlʉ, myɛma é si nwaʼ nyiwɛh, lé etɨe bʉr motum modwan, mpʉ wé esa é mbɛr Zyɛm win ɨ. Bɨn bé a be ó si joʼo bʉr lé elab lɔb ncwɨncwɨa mo Zyɛm, bɨn ntɔʼ gʉa jwɨʼ ocyecye ndɨ tɨʼ ɨ.


Ebe no, adimle ga pɨʼ. Saŋa ga ó, bɨn saʼ bɨsyɛɛla Da Yesʉs a gwɨm é leme we ó, bɨn saʼ ɛ.


Saŋa ga ó, bɨn dweʼa sa Da Yesʉs lé ebee mbɨmbɨa ɛ.


Nye a bul lɛʼle bɨna ga ncwɨncwɨa we waa ó, é zi ocyoo we wiwɛh ndwe e pɨʼ we.


Mʉr lé egwɨm sa bɨgwɨma mo Zyɛm ɨ, nye ógʉa gumo sikʉlʉ yam lé eduho e: nkʉ yé eduho boo Zyɛm, nkʉ me elwib é nkul wam me mʉr tɨ.


É zyɛŋa win boo nɔɔ, bɨn bé a si tiʼe é mopoʼ, mɨmbi mimyɛh, é laŋle laŋle gumo bɨn bé a dweŋɔ ngwɨa é nko paʼ ocyoo o lwib ndwe e ngwɨa bɨsɔʼɔ ɛ.


Pyɛr a be ó kɛʼa é mbɛr mɨmbʉʼ, bʉr o Mbɛr-Zyɛm bɛɛ, lé esa zyee lé esa Zyɛm mɨnjwɨʼla é l'efu le.


Mpʉ bɨna ndɨ é zyɛŋa wina ɛ, bɨna mu ó e buʼo gwar. Bɨna mu ó lé egʉa nteme bɨsa bɨ embɨa bibyɛh bɨna ndɨ e bye é zyɛŋa wina boo Krɨst ɨ. No ó, zyɛŋa-mɨleme waa, nye ejala le egwɨe le eto dolo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ