Kolosi 1:4 - Kálara Zyɛ̌m Edwán é mpʉ̌n

⁴ Bɨh bé a si joʼo lɔɔ é lʉ win, é mpʉ bɨn lé ejyɛʼ taa buʼo yin boo Yesʉs-Krɨst ɨ, e mbi bɨn lé ekpɛl mɨsaŋ mɨ bʉr mo Zyɛm mimyɛh ɛ.

Kálar Nzyɛ̌m : Ejwán é Sáá

⁴ Nó ó, bɨ̌h bé á si jóʼo lɔ́ɔ́ búʼó bɨ́n dí ebúʼlǎ Yésʉs-Krîst, le kpɛ̌l bɨ́n dí ekpɛl óbûʼla yɨ́.

Kolosi 1:4 ပူးပေါင်းရင်းမြစ်များ

Éfɛsɔs 1:15

Me a si joʼo mpʉ bɨn ndɨ ejyɛʼ taa buʼo yin boo Da Yesʉs le ekpɛl mɨsaŋ mɨ bʉr mo Zyɛm mimyɛh ɛ. Taare é jɔʼ me a joʼo no e,

2 Tesalonika 1:3

Obɨɔ ga bam aa! Bɨh bé ejala le edwe Zyɛm ekiba é bɨjɔʼ bibyɛh é lɔb win. Yé ekʉ jala nteme no, ebe, bɨn bé eto le ejyɛʼ taa buʼo boo Zyɛm. Kpɛl bɨn lé ekpɛl bʉr ɨ, yé ebwaʼ ó bwaʼa.

1 Tesalonika 1:3

É mɨnjwɨʼla bɨh lé ejwɨʼla e Zyɛm Sɔŋ ga wina ɛ, bɨh bé etoŋlo syɛɛ bɨn bé a sea ebe buʼo yin ɨ. Yé a be nteme ó, e kpɛl bɨn lé ekpɛl Zyɛm ɨ. Bɨh bé etoŋlo nteme mɨtuu bɨn bé a sia e tíila ebe taa buʼo bɨn ndɨ ejyɛʼ boo Tî ga wina Yesʉs-Krɨst ɨ. Bɨh bé esa no ó, é mih mo Zyɛm Sɔŋ ga wina.

Ebrœ̂ 6:10

Ebe, Zyɛm, nye ákwoʼ kœʼ é l'ozyɛhozyɛh. Nye aŋa jɨha syɛɛ bɨn lé esea nye e. Nye nteme, nye aŋa jɨha kpɛl bɨn lé ekpɛl nye e. Kpɛl yin, yé a nyin é pono ó, é jɔʼ bɨn bé a be lé esea e mɨsaŋ mɨ bʉr be e. Bɨn nteme, bé eto dolo lé esea e mye no.

1 Yʉanes 4:16

É mbi waa ó bɨna mu lé egʉa ga leme ncwɨncwɨa Zyɛm lé elɛʼle bɨna ga ɛ. Bɨna bé ekʉ buʼla ga ó, nye ecwɨa e bɨna ga. Zyɛm, nye ó kpɛl. Mʉr lé ekpɛl bʉʉ bʉr ɨ, nye edi ó, é zyɛŋa wɔɔ boo Zyɛm; Zyɛm nteme, nye etiʼe é mʉr waa.

Filemɔŋ 1:5

ebe, me ejoʼo-joʼo bé lé elɛɛ é lɔb go ó, go ekʉ jyɛʼ taa buʼo yo boo Da Yesʉs, le ekpɛl mɨsaŋ mɨ bʉr be bɨbɛh.

1 Yʉanes 3:14

Bɨna bé egʉa ga ó, bɨna bé a pàh, ntɔʼ bi tiʼ molu mo mpoʼ mɨmɛh ó, ebe kpɛl bɨna lé ekpɛl ga obuʼla ɛ. Mʉr ndɨ akpɛl bʉr ɨ, nye dina ó ndwè.

Galásia 5:6

Yé be ó, mʉr fih mʉr kɛ̀l, nyi di é zyɛŋa wɔɔ boo Yesʉs-Krɨst nɛʼɛ, lɛɛ ó, esaŋɔ mpʉn, lé aŋa ka be nye e nyɔm. Yé nteme, yé aŋa ntɨʼ, nkʉ nye óbe, l'asaŋɔ nye. Sa ndɨ nye e nyɔm ɨ, yé ó mbi buʼo lé enyin é bɨsyɛɛla bɨ ncwɨncwɨa ɛ.

1 Yʉanes 3:23

Etie nye a tiile é l'efu ga lɨna ó lɨ: Bɨna jyɛʼɛ ga taa buʼo ga yina boo Mwan we Yesʉs-Krɨst le ekpɛla paʼra ga wina mpʉ nye a tɨe bɨna ga ɛ.

1 Tesalonika 3:6

No ó, banana, Timote lwanbe kʉ pyal bɨh wâ, lé eduho nko bɨn ndɨ ɨ, le mbɨambɨa mɨlɔɔ mpʉ bɨn ndɨ ejyɛʼ taa buʼo yin boo Krɨst, le ekpɛla ɛ. Nye elɛɛ nteme ó, bɨn bé etoŋlo bɨh bɨtoŋla bɨmpa, ndwe le elɛɛ nteme mpʉ bɨn lé egwɨm bee bɨh ɨ. Yé ó jwɨʼ gwar e gwar e mpʉ bɨh nteme lé egwɨm bee bɨn ɨ.

Kolosi 1:9

Ebe no ó bɨh dina lé ejwɨʼla e Zyɛm é l'efu lɨn, agwaʼ ɛ. Taare é jɔʼ bɨh bé a joʼo be lé elwib, tiibe e bɨn ɨ, ze pyal é muh é dobo lɨ, bɨh bé esa Zyɛm mɨnjwɨʼla, ó nye loŋla bɨn pɨʼ ndɨ ó, bɨn gʉŋa bɨgwɨma bɨ leme we. Nye dweʼ bɨn ocyoo wiwɛh, le esa ó, bɨn gʉŋa mɨlɔb Mbɨambɨa Sisim lé eyeʼle e.

2 Korɛnt 7:7

Abe njɨ é l'epyal le, lé ome. Nye a gba me nkul é nyʉl nteme ó, lé ejoʼo mpʉ nye a taare fuʼɔ bɨn ye e. Me a ka gbaŋɔ nkul é nyʉl pie tɨʼ nteme ó, é jɔʼ nye a lɛɛ bɨh gwɨma yin ɨ, le mpʉ bɨn bé a jɨ modwe, le mpʉ bɨn lé ekpɛl me é buobuo e. Lɔɔ waa ó b'a bul gba me bɨsʉhʉ é leme.

Galásia 3:26

Bɨn bɨbɛh mu ó bwan mo Zyɛm, ebe, bɨn bé a si jyɛʼ taa buʼo yin boo Yesʉs-Krɨst.

Galásia 3:28

Ziila, nye aka gʉa be paʼra Yʉden bé e mʉr kul fih. Yé aka gʉa be ziila paʼra elʉa bé e mʉr ndɨ é dia otî ɨ, nkʉ paʼra mʉma bé e mʉrʉm, ebe, bɨn bɨ di é zyɛŋa win boo Yesʉs-Krɨst. Bɨn bɨbɛh mu ka di ó é dia mʉr ngwar: Yesʉs-Krɨst.

Éfɛsɔs 6:18

Jwɨʼla ga é jɔʼ yiyɛh mpʉ Mbɨambɨa Sisim lé etɨe bɨn ɨ, lé eto le edî le ejaʼ é mozi mɨmɛh. Tɨʼ nteme, diʼe ga nkehe é jɔʼ yiyɛh. Gbaʼ ga monyʉl lé esa mɨnjwɨʼla é l'efu e mɨsaŋ mɨ bʉr mo Zyɛm mimyɛh.