Kolosi 1:2 - Kálara Zyɛ̌m Edwán é mpʉ̌n

² Me etile ó, mɨsaŋ mɨ bʉr o ndɨ Kolosi, bɨɔ bɨh é zyɛŋa ga wina boo Krɨst, myaa ndɨ bʉr be ebuʼlɔ ɛ. Mocyɛʼ mo mpom e motala mo Zyɛm Sɔŋ ga wina, mé swɨŋɨ é bɨn.

Kálar Nzyɛ̌m : Ejwán é Sáá

² bʉr o dí egúmo e Nzyɛ̌m, baá o dí ɨ́ Kolósia bá. Bɨ̌n bé ó bɨ́ɔɔ́ bɨ́h ɨ́ Krîst tʉ́ŋlʉ̌, bʉr o bé ébûʼlɔɔ. Metyɛʼ me mpóm le mepyɛbla, mé díʼee e bɨ̌n, duho e Nzyɛ̌m Sɔ́ŋ gá wɨ́ná.

Kolosi 1:2 ပူးပေါင်းရင်းမြစ်များ

2 Pyɛr 1:2

Mocyɛʼ mo mpom le motala, mé swɨŋɨ é bɨn é ntuʼ-ntu-ntuʼ, duho é ngwɨa bɨn lé egʉa Zyɛm bé e Tî ga wina Yesʉs ɨ.

Éfɛsɔs 1:1

Mɛm Pol, lʉmlʉ mo Yesʉs-Krɨst é gwɨma mo Zyɛm ó lé etile bɨn kalara nwa. Me etile ó mɨsaŋ mɨ bʉr mimyɛh [ndɨ ɨ Efɛɛz], myaa ndɨ é zyɛŋa wɔɔ boo Yesʉs-Krɨst, myaa ndɨ bʉr be ebuʼlɔ ɛ.

Rôm 1:7

Me etile ó, bʉr bɨbɛh ndɨ Rom, baa Zyɛm a bul kpɛl ndwe le epɛh ó, bé diʼe mɨsaŋ mɨ bʉr be e. Mocyɛʼ mo mpom e motala mo Zyɛm Sɔŋ ga wina bé e Da Yesʉs-Krɨst, mé swɨŋɨ é bɨn.

1 Korɛnt 1:2

Bɨh bé etile ó, bʉr o mbɛr Zyɛm ndɨ ɨ Korɛnt ɨ. Yesʉs-Krɨst a si pubo bɨn. Zyɛm a jebe bɨn ó, bɨn diʼe mɨsaŋ mɨ bʉr be, bɨn e bʉr bɨbɛh ndɨ esa Tî ga wina Yesʉs-Krɨst mɨnjwɨʼla bɨgumo bɨgumo e. Nye ó Tî ga wina boo nɔɔ.

Mɨngwiha 1:4

Mɛm Yʉanes ó lé etile bɨn, bʉr o mɨmbɛr mɨ Zyɛm tambɛl ndɨ é lal Azia ɛ. Mocyɛʼ mo mpom le motala mo Zyɛm, mé swɨŋɨ é bɨn. Nye ó waa a bɛa be, waa ndɨ, ndwe e waa lé eze e. Mé diʼe e bɨn nteme, duho é Mbɨambɨa Sisim ndɨ ti, waa ndɨ é l'empom e dia taʼa ye e.

1 Pyɛr 1:2

Zyɛm Sɔŋ ó b'a pɛh bɨn, bʉr o nye a bɛa gʉa ɛ. Jɨh tɨʼ nye a kʉ pɛh bɨn, Sisim we, wé ntɔʼ ze pubo bɨn. Wé a pubo bɨn ó, lé emyɛʼ bɨn e motié mo Yesʉs-Krɨst é l'efu ó, bɨn saʼ nye mojoʼo. Mocyɛʼ mo mpom le motala mo Zyɛm, mé swɨŋɨ é bɨn é ntuʼ-ntu-ntuʼ.

Galásia 1:3

Mocyɛʼ mo mpom le motala mo Zyɛm Sɔŋ ga wina bé e Da Yesʉs-Krɨst, mé swɨŋɨ é bɨn.

Éfɛsɔs 6:21

Mɨɔ kpɛl ga wina Tisikos, ndɨ syɛl mosa é zyɛŋa wɔɔ boo Da Yesʉs ɨ, nye nteme mʉr ebuʼla. Nye ólɛɛ bɨn sa yiyɛh lé etiibe e me e, le é lɔb syɛɛ me mu lé esea ɛ.

Yʉ̂d 1:2

Njwɨʼa-nkoo e motala ndwe e kpɛl, byé diʼe e bɨn é ntuʼ-ntu-ntuʼ.

Galásia 3:9

Abraham ze jyɛʼ taa buʼo ye boo Zyɛm. Ebe no ó Zyɛm a sʉ nye mocyɛʼ mo mpom me e. Jwɨʼ gwar e gwar yaa nteme e bʉr bɨbɛh lé ejyɛʼ taa buʼo yɔɔ boo nye e: Zyɛm ósʉ be mocyɛʼ mo mpom me.

1 Korɛnt 4:17

Ebe no ó me a lomlo bɨn Timote, mwan kpɛl wam ɨ. Nye nteme ó é zyɛŋa wɔɔ boo Tî ga wina, le mʉr ebuʼla. Nye ó ngo jɨm bɨtoŋla bin é lɔb ebò e cyen me lé ekœʼ é zyɛŋa wih boo Yesʉs-Krɨst ɨ. Me edwe mɨmbɛr mɨ Zyɛm mimyɛh sikʉlʉ yaa ó, bé kœʼœ ebò e cyen egwar laa.

Mɨlʉmlʉ 9:13

Ananias ntɔʼ bɨha ó: «Da, buobuo bʉr, bé a si lɛɛ me lɔb we. Bé be-be ó lé elɛɛ ebebe lɨlɛh nye a sa mɨsaŋ mɨ bʉr myo ndɨ ɨ Yerʉsalɛm ɨ.

Filipi 1:1

Mɛm Pol, bɨh e Timote, osyɛl o mosa mo Yesʉs-Krɨst ó lé etile bɨn. Bɨh bé etile mɨsaŋ mɨ bʉr mimyɛh ndɨ é zyɛŋa wɔɔ boo Yesʉs-Krɨst, baa lé edi nkana Filipi ɨ. Bɨh bé etile nteme ó, obɔʼlʉ o mbɛr Zyɛm win tʉŋlʉ, bé e boo odiakɔn.