Jacques 5:9 - Kálara Zyɛ̌m Edwán é mpʉ̌n

⁹ Obɨɔ ga bam aa! Asa ga bɨpura paʼra win, ebe, Zyɛm nkʉʼ be, atiʼe bɨn lɔb tɨ. Tiʼà mɨlɔb ga wina mu ó kunokuno le epyal!

Kálar Nzyɛ̌m : Ejwán é Sáá

⁹ Bɨ́ɔɔ́ bâm! Okɛ́l bâm! Ayɨ́ sɛ́ɛla gá bipurá páʼ nyɨ́n, ebě, Nzyɛ̌m nkʉ̂ be, atíʼe bɨ́n lɔ̌b tɨ̂. Tîʼ milɔ̌b mû ó kúno enze.

Jacques 5:9 ပူးပေါင်းရင်းမြစ်များ

1 Korɛnt 4:5

No ó, atiʼe ga lɔb mo nuu mʉr cye yiyɛh yé l'apa pyal jɔʼ elab ɨ. Bona ga ó, Da, nye ntaʼ. Nye ópyɛl sa ndɨ é l'edurʉ ɨ, cen ye é myɛn. Nye ógwih bɨjwɨʼ bʉr lé ebà é mɨmo si ɨ. É jɔʼ yaa ó Zyɛm óseʼle bʉr be, dwe mʉr nyiwɛh kum ójala e nye e.

Jacques 4:11

Obɨɔ ga bam aa! Mʉr asa ga movoʼ paʼra win. Waa nyiwɛh lé efœʼ mɨɔ we, nkʉ dwe nye mobe e, nye mu ó mpʉ sa lɛɛ, nyi bee etie mo Zyɛm e bɨgwɨh. Mbi mʉr waa, nye aka be lé edu motie me. Nye mu lé ejwɨʼ ó, nye ó mbɨra kʉ, motie mɛɛ lé eliʼ si.

Mataos 24:33

Jwɨʼ gwar e gwar yaa nteme ó, é jɔʼ bɨn bé óbee bɨsyɛɛla bibyɛh byaa lé esyɛɛlɨ ɨ, gʉŋa ga ó, jɔʼ Mwan mo Mʉr óbâʼle pyal ɨ, yé óbe ó, yé mu kunokuno le epyal. Nye óbe ó, nye mu ó é l'ebe.

1 Pyɛr 4:9

Dɨʼe bɨlan ga e bʉʉ obuʼla. Atʉʼra ga é jɔʼ bɨn lé esa no e.

Galásia 5:26

Bɨna l'ayi nkɛɛ ga monyʉl ga mɨna. Bɨna bé ajala le egba ga bʉʉ bʉr mompime é mɨleme. Bɨna bé ajala le egwɨm ga bɨsa byoonkan.

1 Pyɛr 4:5

Bé ófuʼla kar mɨlɔb myɔɔ é l'empom e dia tiʼà mɨlɔb mo Zyɛm. Jɔʼ nye óze tiʼe mɨkubla le odwè mɨlɔb ɨ, yé mu ó kunokuno le epyal.

Galásia 5:14

Motie mɨmɛh, mé ebɔma e l'etie egwar ó: «Kpɛlɨ mɨɔ go mʉr mpʉ go lé ekpɛl go mʉr tɨʼ ɨ.»

1 Korɛnt 10:11

Bé a bɔma e bɨsyɛɛla byaa ó, dweʼle yɔɔ, yé nkʉʼ bal bʉr, bʉʉ bʉr ze tile é lʉ wɔɔ é Kalara Zyɛm ó, bɨna liʼɨ ga lé epahle tɨ, ndwe le edweʼe sa bɨna mu lé ebee ga é l'esie e mbi jɔʼ yiʼ ɨ.

Markus 13:29

Jwɨʼ gwar e gwar yaa nteme ó, é jɔʼ bɨn bé óbee bɨsyɛɛla bibyɛh byaa lé esyɛɛlɨ ɨ, gʉŋa ga ó, jɔʼ Mwan mo Mʉr óbâʼle pyal ɨ, yé mu ó kunokuno le epyal. Nye óbe ó, nye mu ó é l'ebe.

2 Korɛnt 9:7

Yé ejala ó, mʉr nyiwɛh dweʼ Zyɛm mɨndwɛa lé edu tiʼa nye a bɛa nʉa ɛ. Adwe ga nye mɨndwɛa bɨn bé óliʼ lé egwɨma pie tɨʼ ɨ, nkʉ ebe tina. Dweʼ ga mɨndwɛa min e bɨsʉhʉ, ebe, mʉr Zyɛm lé ekpɛl ɨ, nye ó waa lé edwe mɨndwɛa mye e bɨsʉhʉ ɨ.

Markus 6:19

Erodiad ze tie nye. Nye ze taare lé egwɨm jʉ nye. Sa gwar, yé a baabana nye,

Mɨngwiha 3:20

Mbe ga: me ó wâʼ lé ekwaʼle ebe ó, me niʼe. Mʉr ójoʼo lwib yam, dib me ebe e, me óni nye ye. Bɨh e nɔɔ, bé ópuhba mobo é teble ngwar.

Jacques 4:12

No ó, Zyɛm, nye ome ó ndɨ etiile motie. Nye nteme ó ndɨ etiʼe mɨlɔb. Nye óbɛm dwe mʉr tiʼ molu mo mpoʼ mɨmɛh, nkʉ dimle nye. Gwɔɔ, mʉr lé edwe mɨɔ go mʉr mobe e, go esa nye no, dɔɔ waa yé?

Jacques 5:7

Ebe no, obɨɔ ga bam aa! Diʼe ga e bihbe, to pyal é dobo Da Yesʉs óbula ze e. Diʼe ga e bihbe mpʉ obèl o mompœʼ, ebe, bé edihbe-dihbe, ó peme bé a li le ebè e, yé guma mɨmpaŋ mɨ mpumo. Bé edihbe lé ebono ompie be efoʼ e baa be epihe.

Jacques 5:10

Obɨɔ ga bam aa! Toŋla ga bʉr o b'a ze e die mo Zyɛm lé egwih bɨna ga mɨlɔb mo Zyɛm ɨ. Bé ó ndɨ elɛʼle ebò e cyen bʉr lé ejala le ekœʼ œ. Bé a si dihbe mɨtuu e mɨndɛl.