Jacques 5:7 - Kálara Zyɛ̌m Edwán é mpʉ̌n

⁷ Ebe no, obɨɔ ga bam aa! Diʼe ga e bihbe, to pyal é dobo Da Yesʉs óbula ze e. Diʼe ga e bihbe mpʉ obèl o mompœʼ, ebe, bé edihbe-dihbe, ó peme bé a li le ebè e, yé guma mɨmpaŋ mɨ mpumo. Bé edihbe lé ebono ompie be efoʼ e baa be epihe.

Kálar Nzyɛ̌m : Ejwán é Sáá

⁷ Bɨ́ɔɔ́ bâm! Okɛ́l bâm! Diʼee gá e bíhwó, tó pyâl ɨ́ jɔʼ Tî gá wɨ́ná óbáʼǎ nze yɨ́. Diʼee gá e bíhwó mpʉ óbel o mémpeʼ dí e nye yɨ́. Ebě, bé lɨ́ edûhwo, ó bipemé bé á be bí, byé gúmaa mpumó mpâ. Bé dúhwó ó, ebóno ómpíé bé ésôʼ le baá bé épíhe.

Jacques 5:7 ပူးပေါင်းရင်းမြစ်များ

Galásia 6:9

Bɨna toʼ ga dolo lé esa mɨmpaŋ bɨsyɛɛla. Mʉr afil mobo me si. ǃBɨna si be ga, abir bye nɛʼɛ, bɨna bé ódira ga nyɔm, duho é bɨsyɛɛla byaa, pie ma jɔʼ.

Kolosi 1:11

Bɨh bé esa nye mɨnjwɨʼla nteme ó, nye gulɨ bɨn é mɨleme, ó bɨn sea bɨsyɛɛ bɨ nkul mɨmbi mimyɛh é zi nkul we bɨna lé egumlo ga ɛ. Bɨn bé esea-sea no ó e bihbe, lé ejaʼra e mɨtuu, bɨn yɛɛ e bɨsʉhʉ.

Ebrœ̂ 6:15

Abraham a be ó si dihbe mpono. Ebe no ó nye a bi sa Zyɛm a kɛʼ nye e.

Rôm 2:7

Baʼ bʉr, bé esaa ó, kum é mih mo Zyɛm, e duu le tiʼ ndɨ asie-sie e. Bé edihbe sɔɔlʉ waa e bihbe, lé esa bɨsyɛɛla bɨ ncwɨncwɨa. Bé ó baa Zyɛm ódwe tiʼ molu mo mpoʼ mɨmɛh ɛ.

Galásia 5:5

É wih paʼ, bɨh bɛɛ, bé a si jyɛʼ taa buʼo yih boo Zyɛm. Ebe buʼo yaa ó Mbɨambɨa Sisim lé egba bɨh mbɛla é mɨleme e. Bɨh bé e mbɛla ó, bɨh bé óbana bi mokebe é mbo mo Zyɛm.

1 Tesalonika 2:19

Ozé b'a loŋlo mɨleme mih e mbɛla wiʼ ɛ? Bɨsʉhʉ bɨh lé epa kʉ soho e, byé lé eduho é l'ozé ɛ? Yáa sɔʼɔ bɨh bé ólɛʼle Tî ga wina Yesʉs, yaa bɨh bé ódoʼo e ye e? É jɔʼ nye óze e, bɨn ó ngo sa ó, nye bœrɨ me epʉʼlʉ é lʉ é jɔʼ me ócyɛb é mih me e!

Mataos 24:44

Ebe no, diʼe ga é doʼlo. Mwan mo Mʉr amu pyal bɨn motwɨra, é l'ewala bɨn bé óbe, abuʼla nye e.»

1 Tesalonika 3:13

Nye gbaʼ bɨn nkul é monyʉl ó, mɨleme min, myé diʼe é sɔɔɔ, alɨŋa ba, abe e mobe é jɔʼ bɨn bé ócyɛb é mih mo Zyɛm Sɔŋ ga wina ɛ. Diʼe ga no, to pyal é dobo Tî ga wina Yesʉs óbula ze, bé e mɨsaŋ beengles mye mimyɛh ɛ.

Mataos 24:27

ebe, mpʉ ndweh mpie lé edweh é jobo nko dobo lé emʉa ɛ, yé ntɔʼ nyin é nko lé lé eja ɛ, no nteme ó Mwan mo Mʉr óbe é dobo nye óbula ze e.

Rôm 15:4

Sa yiyɛh ndɨ tila é Kalara Zyɛm ɨ, yé a tilɔ no ó, é l'efu ó, bɨna jwɨʼɨ ga bɨsikʉlʉ ndɨ tɨʼ ɨ. Kalara waa, nye egba bɨna ga nkul é monyʉl. Nkul waa, ndwe e bihbe bɨna lé ebi ga ɛ, byé esa ó, mɨleme ga mina, myé lwɨŋlɨ e mbɛla.

2 Pyɛr 3:4

ebe, bé ólɛɛ-lɛɛ ó: «Lɛa nye a lɛɛ-lɛɛ ó, nye óze e, wé ó kʉ be lwib mbɛh. Oda, bɨ bɛa dime mih, nye l'aze. Sa yiyɛh, yé ó jwɨʼ gwar e gwar e mpʉ yé a bɛa be, taare é l'etɔɔrʉ, é jɔʼ Zyɛm a cye sa yiyɛh ɛ.»

1 Tesalonika 1:3

É mɨnjwɨʼla bɨh lé ejwɨʼla e Zyɛm Sɔŋ ga wina ɛ, bɨh bé etoŋlo syɛɛ bɨn bé a sea ebe buʼo yin ɨ. Yé a be nteme ó, e kpɛl bɨn lé ekpɛl Zyɛm ɨ. Bɨh bé etoŋlo nteme mɨtuu bɨn bé a sia e tíila ebe taa buʼo bɨn ndɨ ejyɛʼ boo Tî ga wina Yesʉs-Krɨst ɨ. Bɨh bé esa no ó, é mih mo Zyɛm Sɔŋ ga wina.

1 Korɛnt 1:7

Bɨntɔɔ Zyɛm lé enol bwan be e, nyi nol bɨn nteme bya. É jɔʼ bɨn dina lé ebono zea Tî ga wina Yesʉs-Krɨst óze e, bɨn mu ó e bɨntɔɔ Zyɛm a nol bɨn binɨ.

Lʉkas 21:27

É jɔʼ yaa ó bé óbee Mwan mo Mʉr lé eze é nkur tʉŋlʉ, lwɨŋla e nkul ndwe e buobuo moncɛnba ɛ.

Lʉkas 18:8

Me elɛɛ bɨn ó, nye ókpahbe tiʼe mɨlɔb myɔɔ é l'ocɨcyel. Sa gwar, é dobo Mwan mo Mʉr óbula ze é si nwaʼ ɛ, zê nye ópyal, kœb mʉr ngwar dina lé ejyɛʼ taa buʼo ye boo nye e?»

Lʉkas 8:15

No ó mʉʉ mompœʼ mɛɛ, mé a kur ó, é si mocyɛʼ, sa nɨ lé edweʼle bʉr o b'a be e mɨmpaŋ mɨleme. É jɔʼ bé a joʼo lɔɔ Zyɛm ɨ, bé a si baʼle we é mɨleme myɔɔ le egumo mpumo é bɨtiʼ byɔɔ, ndwe le esa bihbe.»

Mataos 16:27

Ebe, Mwan mo Mʉr muno ze pyal é moncɛnba mo Sɔŋ we bé e beengles be. É jɔʼ yaa ó nye ódwe mʉr nyiwɛh myɛna, du mpʉ bɨsyɛɛla bye, byé a be e.

Mataos 16:28

Me elɛɛ bɨn cyecye ó nɛɛ: é sama bʉr o ndɨ wâʼ bananaʼ ɛ, bʉʉ, bé aŋa dwè, bé l'apa bee Mwan mo Mʉr lé eze cyel jwɨ̀ʼa ye cyecye.»

Yʉanes 21:22

Yesʉs, nye e nye ó: «ǃMe si kpɛl ó, nye diʼe tɨʼ, to pyal é dobo me óbula ze nɛʼɛ, go e wáa lɔb tɨ? Gwɔɔ, duʼo me!»

Yʉanes 21:23

Taare é jɔʼ yaa, ze pyal é muh é dobo lɨ, lɔɔ, wi ze myɛma é l'esama le obuʼla ó, mpʉn waa, nye aŋa ka dwè. To kœb ó, Yesʉs a baalɛɛ Pyɛr ó: «Nye ákwoʼ dwè!» Nye a kʉ ka lɛɛ ó njɨ: «ǃMe si kpɛl ó, nye diʼe tɨʼ, to pyal é dobo me óbula ze nɛʼɛ, gwɔɔ, go e wáa lɔb tɨ?»

Jacques 4:11

Obɨɔ ga bam aa! Mʉr asa ga movoʼ paʼra win. Waa nyiwɛh lé efœʼ mɨɔ we, nkʉ dwe nye mobe e, nye mu ó mpʉ sa lɛɛ, nyi bee etie mo Zyɛm e bɨgwɨh. Mbi mʉr waa, nye aka be lé edu motie me. Nye mu lé ejwɨʼ ó, nye ó mbɨra kʉ, motie mɛɛ lé eliʼ si.

Jacques 5:3

Gol ndwe e mɔn yin, yi bil myeŋle. Myeŋle maa, me mʉr tɨ, mé óboʼlo mobebe mɨn. Mé nteme, mé ódiʼ bɨn kono mpʉ siʼe, diʼ-diʼ diʼɨ, ebe, bɨn bɨ komo okum win é komo, komo, dam ka be ó é jɔʼ yi, é dobo le etiʼ e mɨlɔb.

Jacques 5:10

Obɨɔ ga bam aa! Toŋla ga bʉr o b'a ze e die mo Zyɛm lé egwih bɨna ga mɨlɔb mo Zyɛm ɨ. Bé ó ndɨ elɛʼle ebò e cyen bʉr lé ejala le ekœʼ œ. Bé a si dihbe mɨtuu e mɨndɛl.