Jacques 5:13 - Kálara Zyɛ̌m Edwán é mpʉ̌n

¹³ ǃƗ nuu mʉr é l'esama lɨn si bee ó, nye é mɨtuu nɛʼɛ, nye jwɨʼla e Zyɛm. Yé be ó, nuu mʉr, nye ó e bɨsʉhʉ nɛʼɛ, nye ejala le ejɛɛ Zyɛm osam.

Kálar Nzyɛ̌m : Ejwán é Sáá

¹³ Mʉ̂r sɔ́má yɨ́n bê sí bee ó, nye ɨ́ mitúú nó, nye jɨ̂ʼlaa e Nzyɛ̌m. Nyʉ́ʉ́ mʉ̂r bé ɨ́ bisʉhʉʉ nó, nye ɨ́ jala le edyɛɛ méjéme mé édwě Nzyɛ̌m kûm.

Jacques 5:13 ပူးပေါင်းရင်းမြစ်များ

Éfɛsɔs 5:19

Jɛŋɨ ga osam, e bɨjɛɛ mo Zyɛm ndwe e bɨjɛɛ Sisim we lé elɛʼle bɨn ɨ. Jɛŋɨ ga bɨjɛɛ ndɨ e nyɔm le eseʼle Da Yesʉs ɨ, e mɨleme min mimyɛh.

Ebrœ̂ 5:7

Jyɛm Yesʉs a tiʼe é si nwaʼ ɛ, nye a be-be lé ejwɨʼla e waa a be e nkul epɛʼ nye é l'efie e. Nye a si bʉ tim, jɨ kʉ kʉ, lé eto le edî le ejaʼ Zyɛm ngula. Zyɛm nyɛɛ ntɔʼ joʼo nye é lɔb mojoʼo Yesʉs a sa nye e.

Mɨngwiha 14:3

Mpampaʼ bʉr yaa, yé a cyɛb-cyɛb ó, é l'empom e dia taʼa mo Zyɛm, ndwe e l'otamabʉr, ndwe e mɨkubla bɨsɔʼɔ mɨnâ. Bé a jɛɛ ó edwan e jɛɛ. Jɛɛ yaa, nuu mʉr fih, nye abe e nkul ejwɨʼ jwɨʼɨ ye, pɛʼ njɨ mpampaʼ bʉr yaa, bʉr otɔɔyin nter e l'otɔɔyin mowʉm monâ e l'otɔɔyin onâ (144 000). É sama odil o si nwa, bʉr baa ó ndɨ baa Zyɛm a kʉr, lé ejɛna bwaʼbwaʼ tɔɔ ɛ.

Lʉkas 22:44

No ó, mpʉ nye a be lé ekʉ jʉʼra mɨtuu ɨ, nye ze gba nyʉl é mɨnjwɨʼla. Didiʼ ze pyal nye é mpom, dɨ taba si mpʉ motié.]

Mataos 26:30

Bé ntɔʼ ze jɛɛ jɛɛ moseʼla, ze mʉa ɨ gumo yaa, toŋɔ é l'Ecwɨʼ le olivye.

Mɨngwiha 7:10

Bé a lɛɛ-lɛɛ kʉ kʉ ó: «Zyɛm Sɔŋ ga wina, mʉr ndɨ é dia taʼa ɛ, bé e Ma Ntœme, bé ó ndɨ edwe bʉr tiʼ molu mo mpoʼ mɨmɛh.»

1 Korɛnt 14:26

Obɨɔ ga bam aa! Yé be no nɛʼɛ, bɨna kaʼ sa ga yé? É jɔʼ bɨn lé egwɨhla-gwɨhla é fula ɛ, nwaʼ mʉr, nye e jɛɛ nye ójɛɛ ɛ. Nuu, e sikʉlʉ nye ódwe e. Nuu, nye ógwih guu fela sɔʼɔ. Nuu, nye e lɔɔ elɛɛ é lwib bɨlɔblɔb. Nuu, nye egʉa edwir lwib bɨlɔblɔb yaa. Yé ejala ó, syɛɛla yaa yiyɛh gbaʼ mɨmbɛr mɨ Zyɛm nkul é monyʉl.

Lʉkas 23:42

No ó nye a ze lɛɛ e Yesʉs ó: «Yesʉs mana, go à toŋlo me é jɔʼ go muno cyel jwɨ̀ʼa yo cyecye e.»

1 Korɛnt 14:15

Yé be no nɛʼɛ, me ósa nyá ɛ? Me ójwɨʼla-jwɨʼla e Zyɛm é zi sisim wam lé elwib bɨlɔblɔb. Me nteme, me ójwɨʼla e nye ó, é zi pɨʼ wam. Me ójɛɛ osam é zi sisim wam. Me ójɛɛ osam nteme ó, é zi pɨʼ wam.

Jacques 5:10

Obɨɔ ga bam aa! Toŋla ga bʉr o b'a ze e die mo Zyɛm lé egwih bɨna ga mɨlɔb mo Zyɛm ɨ. Bé ó ndɨ elɛʼle ebò e cyen bʉr lé ejala le ekœʼ œ. Bé a si dihbe mɨtuu e mɨndɛl.