Jacques 5:11 - Kálara Zyɛ̌m Edwán é mpʉ̌n

¹¹ Bɨna bé elɛɛ ga ó, mʉr ósʉŋɔ mocyɛʼ mo mpom ɨ, nye óbe ó waa a dihbe mɨtuu ɨ. Bɨn bé a be ó si joʼo mpʉ Job a dihbe mɨtuu ɨ. Bɨn nteme bɨ bee sa Da a sa nye é jɔʼ epihe e, ebe, nye é mpwaʼ ncwɨncwɨa e njwɨʼa-nkoo.

Kálar Nzyɛ̌m : Ejwán é Sáá

¹¹ Mɨná lɨ́lɛ́ɛ́ gá ó, mʉr á dûhwo mitúú e bíhwó nyá, nyě e metyɛʼ me mpóm. Bɨ̌n bé á be ó sí jóʼǒ mpʉ̌ Job nyɨɛ á dûhwo mitúú yɨ́. Bɨ̌n ntémé bé lɨ́ egʉ́ǎ mpʉ̌ Dâ Nzyɛ̌m á ka sâ nye mpam lɨ́ epíhé yɨ́, ebě, Dâ Nzyɛ̌m, nyě e njɨ́ʼá nkóó. Nye ɨ́ buú cwɨ́a e bʉr.

Jacques 5:11 ပူးပေါင်းရင်းမြစ်များ

Jacques 1:12

Zyɛm sʉʼo mocyɛʼ mo mpom me é mʉr lé entaa mobʉbla e bihbe e. Pim ndɨ é buʼo ye e, nye ókʉ nyin. Nye óbœrɔ epʉʼlʉ e tiʼ molu mo mpoʼ mɨmɛh é lʉ, yaa Zyɛm a kɛʼ bʉr o ndɨ ekpɛl nye e.

Mataos 10:22

Bʉr bɨbɛh, bé ónwim bɨn é lɔb wam. No ó, waa ódihbe, to pyal é l'esie e, nyiha ó ngo tiʼe.

2 Pyɛr 2:9

Yé be ó, Da a be si syɛb Lot é mɨtuu nɛʼɛ, lɛɛ ó, nye nteme ógʉa mpʉ nye ódɨ tiʼ bʉr bɨbɛh ndɨ edwaabe nye e, é jɔʼ bé lé entaa mobʉbla ɛ. Nye egʉa nteme mpʉ nye ókab ozyɛhozyɛh o bʉr bɨntɨʼa, le emɛr be é mpila é dobo le etiʼ e mɨlɔb ɨ.

1 Pyɛr 1:13

Ebe no, pila ga monkwan. Gbaʼ ga lʉ lé ejwɨʼ lɔɔ waa. Gʉa mɛr ga mɨleme. Mɨleme min, myé beʼ lwɨŋla e mbɛla. Buʼla ga syɛɛla ncwɨncwɨa yé ósaŋɔ bɨn é jɔʼ Yesʉs-Krɨst óbâʼle nyin ɨ.

Lʉkas 6:36

Jwɨʼɨ ga bʉr nkoo mpʉ Sɔŋ win ndɨ e njwɨʼa-nkoo e.»

Ebrœ̂ 10:39

Sa gwar, bɨna ga bɛɛ, bé abe bʉr o ndɨ ebuulo ntuʼo, ntɔʼ pɔhba, to dim ɨ. Bɨna ga bé ó bʉr o ndɨ e buʼo, baa bé óbi tiʼ molu mo mpoʼ mɨmɛh ɛ.

Ebrœ̂ 3:14

Sa ndɨ tɨʼ ɨ, yé ó: ǃbɨna bé ódi ga e buʼo efoʼ, apɨŋla é buʼo, to pyal é l'efie nɛʼɛ, bɨna bé ódi ga bʉr o ndɨ e nkɔb é Krɨst ɨ.

Éfɛsɔs 2:4

To kœb ó, Zyɛm, nye é bul jwɨʼ bɨna ga nkoo. No ó nye a ze lɛʼle bɨna ga mpʉ nye a bul kpɛl bɨna kpɛl apurapura ɛ.

Ebrœ̂ 3:6

To kœb ó, Krɨst nyɛɛ a si cyelɔ é dia Mwan a jala le edi lʉ mbɛr bʉr waa ɛ. Mbɛr bʉr waa, wé ejoʼo nteme ó e nye. ǃƗ mɨleme ga mina si loŋlo e mbɛla, le ekʉ gʉa sa bɨna lé ebuʼla ga, abaawe sɔʼɔ e bʉr nɛʼɛ, bɨna ga ó ndɨ bʉr o mbɛr bʉr we waa.

Éfɛsɔs 1:6

Bɨna dwiibɨ ga nye ebe mocyɛʼ mo mpom we nye sʉ bɨna ga é zi Mwan kpɛl we e.

Rôm 2:4

Zyɛm nyɛɛ yɛɛ si lɛʼle go ncwɨncwɨa we laŋle. Nye nteme a si bee mɨsyem myo, alwib. Nye a si bul dihbe le. Zê go mu ó lé epyeh bɨsyɛɛla bye byaa ɛ? Zê go agʉa bim embɨa nye a sa go e? Embɨa le, lé ejala le elɛʼle leme go zi egwɨma mobebe mo, le edwir leme.

Lʉkas 1:50

Nye elɛʼle ncwɨncwɨa we ó baa ndɨ edwaabe nye e, taare é wiʼ mya bʉr, to pyal é myʉʉ mimyɛh.

Jacques 1:2

Obɨɔ ga bam aa! É jɔʼ bɨn bé ebɔma e mobʉbla mɨmbi mimyɛh ɛ, bɨn bé à gʉa ó, yé ó bɨn jɔʼ bɨsʉhʉ,

1 Pyɛr 3:14

ǃBɨn si sia yɛɛ e mɨtuu ebe mɨmpaŋ bɨsyɛɛla bɨn lé esa nɛʼɛ, Zyɛm ósʉ bɨn mocyɛʼ mo mpom tɨ. Ajoʼo ga bʉa e bʉr. Mɨleme beʼ l'akolo bɨn tɨ.

Lʉkas 11:10

ebe, mʉr nyiwɛh lé ejaʼ ɛ, nye óbi. Mʉr lé esaa ɛ, nye óbee. Ebe, lé ódibɔ é l'efu e mʉr lé ekwaʼle e.